Ipuru 12:22 - Anatunya Buku Baepole Ole Testamene Pii Lapo dee Nuu Tesamene

²² Nakama epapu yuu kyau mendeme kingimi minyandaraminde kandala epa nalyaminyi. Anatu lete karenge dokona yuu yake pandana Jerusaleme kyau Sayone lenge dokona epasi karaminyi. Yuu doko aŋala soo kaeyo raeme kumuo karaminyipa mendeme yaka lao sukusa parami ingya nange.

Ipuru 12:22 ပူးပေါင်းရင်းမြစ်များ

2 Kiŋi 19:4

Yuu Asiria kiŋi akali dokome banya akali mupwa dokome Anatu lete karenge doko kando kilya kando lala pena leya. Embena Kamongo Anatu dokome doo kilya kando letaminyi wambu dupwana pii sepala nakama randa mainya. Dokona lao namwana wambu lapo mee lete piso petaminyi dupwana lao Anatu keta ateŋa lakaminya lena leya.

Samu 2:6

Nambana yuu kyau poo pyasi Sayone lenge dokona nambame nambana kiŋi doko rombo palyuo karena lamaipu, letamo.

Samu 42:2

Anatu emba lete karenge dokona lao ipwa ingyuo nano pipyamo karo. Anjokorape nambame embena lenge kambu dokona kingi wapambu lakao emba lakandala parose?

Samu 84:2

Mona nyepala namba dokona karapuli lao suu pyale pyale karo. Nambana yongo mona dolapona piso renge kuiyuo Anatu lete karenge dokona lao raemaiyuo wee romope lao karo.

Samu 87:3

Wambu Anatunya taone andake dokona palaminyi dupwa Anatumi yulu keyange pipa pipa pyakalyamo doko selapape.

Aisaya 28:16

Dokona lao Kamongo Mupwa Andake Wakasa dokome dakepa dopa letamo. Nambame yuu Sayone dokona kana mende pinginya ingyuo pisirunupa pyuku laa nara letamo. Kana keyangepe mee lao makande pyuo kando otasi kana doko kulisa wakasa. Yuu donge dokona pinginya pyano mupwa ingyuo karara. Mende kana dokona pepa pyasi palira kapa ingingi lao pyamalyapala mona maiyuo kararamo doko mee porai ingyaramo mali sero karara.

Aisaya 60:14

Akali nakama randa joo kareyaminyi dupwana ikinyingi dupwame epo nakama mee mende ulipili ingyuo karaminyi karamano lao lasaka pyuo pangu serami. Wambu nakama angi mende daaŋa lao suu piyaminyi dupwame epo nakamana kimbu seramo dokona piso nakama lakando lao Kamongona yuu taone andake, larami. Lao dokopa, Isaraele wambunya Anatu poo pyasi dokona taone Sayone lenge, larami.

Daniele 6:26

Nambame mawa pii dake reto lalu lao leto. Yuu muu nambame isingi dupwana wambu peparaeme Danielena Anatu doko mupwa lao suu pyao pakame kumuo rape rape lao laramuli pyuo kararami ingilyamo. Baa Anatu lete karalu karenge. Dee baame iso karo puu para. Banya kiŋi yulu doko kamame kokwa see narami. Dee banya porainya renge doko kamame ote pii nara.

Daniele 7:10

Doko rao range palu lombo nyisa epeya. Dokopa wambu ama malu mee banya yulu pyakamyuo dee wambu ama malu wakasame banya lenge kambu siyamo dokona roya kareyami. Dupwana kote pii kanda soo lalana buku dupwa lumbuyami.

Osia 1:10

Isaraele wambu dupwa ipwa kotana kee silyamo dopale ingyuo ando parami. Dokopa yaka laope makande pyuope pii narami. Epapu nakama langyuo lao, Nakama nambana wambu daa. Dopa laronopape yuu gii mende eparamo dokopa nakama kando lao nakama Anatu lete karenge dokona wane wanakepeŋe lara.

Joele 2:32

Dokopa mendeme Kamongona kingi lapala baa lete wai pyao nyakapili lao lara ramo doko baa nyiso pyuo nyera. Kamongome leyamuli pyuo yuu kyau Sayone dokonape dee Jerusaleme dokonape lapo mee lete kararami. Dokopa Kamongome wambu lapo rombo palyuo nyeramo dupwa kuma nao lete kararami.

Matyu 16:16

Saimone Pitame isingi lao, Emba Koraisa, Anatu lete karalu karenge dokona Ikinyingi doko, leya.

Matyu 5:35

isa yuu doko banya kimbu isa dokona kingi laa nawape dee Jerusaleme taone doko Kiŋi Andakena ingilyamo dokona kingi lao kingi ketae nembo laa nalapape leto.

Orome 11:26

Dopa piramo doko Anatumi Isaraele wambu dupwa lete wai pyao nyero leyamo doko pii mende pyasi palamo doko semana. Lete Wai Pyao Nyingi Akali yuu Sayone piso epara. Baa epo Jekopena para piyamo dupwana yulu koo dupwa neta nembara letamo.

Orome 9:26

Nakama Anatunya wambu daaŋa leyaminyi panda dokona, nakama Anatu lete karengena wambu larami leya.

Galasia 4:26

Dokona yake panda Jerusaleme doko mee karapusi pali napala namwana endangi angingyuo pelyamo.

Epesasa 2:19

Dokona lao nakama epapu menge upunyili ingyuo kara napala Anatunya wambu yapasi dupwa pipya mendare ingyapyamopa Anatunya ree palu ingyuo karaminyi.

Dutaronome 33:2

Kamongo doko yuu Sainai kyau dokona piso epeya. Epo yuu Itome neta pyakaenge dorena neta potemengenyili pyuo epo dokopa baa yuu kyau Parane piso banya wambu keta neta ranyi pisiya. Aŋala taosande akalisa baa pipya kareyaminyipa banya kingi rolaerena isare uliyapu rao kareya.

Pilipai 3:20

Kamongo Yesu Koraisa namwana Lete Wai Pyao Nyingi doko yake panda piso namwa isa nyela eparamo dokona mona kare kare isaro petamano. Namwana yuu muru yake panda silyamo.

1 Tesalonaika 1:9

Namwa nakamana yuu dokona kanda soo epeyama dokopa nakamame yako lapala yulu andake piyami doko wambu peparae lao karaminyi. Dokona lao nakamame bange wakale anatu yaleoko kingimi waso kareyami dupwa yaki nyepala Anatu angi lete karenge dokona dokoko wambu peparae lao karaminyi.

2 Timoti 4:18

Kamongome namba yulu koo dupwana kingi raka lanyi nembo banya yake panda iso karenge dorena mondo lao lanyuo para. Dokona lao banya kingi doko neta renge ingyuo sulu sinya, doko kinyi.

Ipuru 10:31

Dokona ingyuo Anatu lete karenge dokome mende koo keta pena lara ramo doko baa randa nao lepo soo para.

Ipuru 11:10

Anatumi taone kulisa mende apa pyuo piru lao suu pyao konda pyuo pipala piya doko Aporakame kando nyeronya lao suu pyao isaro kareya.

Ipuru 11:16

Panda doko yaki nyuo kaeyapala nakamana yuu muru yake panda dokona karala panya maso kareyami. Anatu baa namwanaŋa leyami dokona elya nyuo kareyande daa. Baa rae maipala taone keyangende rapa rapa pyakamiya.

Ipuru 13:14

Isa yuu dakena namwana taone panda mende kulisa sulu serande silyande daaŋa. Taone anginde silyamo doko koto karamwasa pilyamo.

Ipuru 3:12

Yangonemoo nakama lapome mona koo palyuo lete karenge Anatu baa kapa ingya nange lao suu pyapala neta pasasarami lao waso karalapape.

Ipuru 9:14

Dopa pyuo kareyamiko doŋo Koraisana ranjama dokona yulu dupwana manda manji naya. Koraisa koo mende pali nange doko baame Imambu lete karalu karenge doko keta Anatu dokona namwana koo dupwana lao kumuo maiya. Banya ranjama dokome namwana yulu angi kapa pali nange dupwa poo pyanyi nembaramopa Anatu lete karenge dokona yulu minyarama.

Josua 3:10

Nakama parami dokopa baame Kenane wambupi Iti wambupi Ipi wambupi Perasi wambupi Gukasi wambupi Amote wambupi dee Jepusi wambupi dupwa pyao ralinyi nembara.

Juti 1:14

Yuu wamba dokopa Inoko baa Atamena para piyamo dokona pao yanda ipingi ingyuo kareya dokome akali yulu koo pilyaminyi dusipana lao nolako lao dopa leya. Selapape. Kamongome banya aŋala poo pyasi ama malu (1,000) role pyapeta lanyuo epara.

Orepalaisane 14:1

Nambame kandeyono dokopa mena Sipisipi Ikyanende yuu kyau Sayone dokona roya kareya. Wambu 144,000 Sipisipi Ikyanena kingi dee banya Rakangena kingi nakamana enamba dupwana pyasi paleyamo kareyami.

Orepalaisane 21:10

Dokopa imambu doko epo namba keta maralyiyamopa aŋala mendeme namba soo yuu kyau ama ketaendena peya. Papala dokona karo yuu taone Jerusaleme enenge poo pyasinde Anatu keta yake dokona piso epeyamo doko lasaka piya.

Orepalaisane 21:2

Dokopa Jerusaleme taone yapasi doko enenge ingyuo alowa pipala yake dokona piso enda mapwae rapa rapa pyuo kalya pipala akali anda epenge dopale mane mane pyuo epeyamo kandeyo.

Orepalaisane 22:19

Dee mendeme Anatunya pii buku dakena pyasi palamo dokona mende kwuanyi nembara ramo doko Anatumi letena renge palenge isa jingi akali baa narali dupwa mai nara. Dee baa yuu taone poo pyasi dokona sukusa paa narako. Buku dakena keyange nyerami lao pyasi palamo dupwa baa angi nyerande daako.

Orepalaisane 3:12

Anamasi minyarami dupwa Anatunya tembole andana isa pinginya ingili lao karalu karalapa laro. Nakama dopa pyuo kararami dokopa namba Anatunya kingi nakama keta pyao palyaro. Dee Anatunya panda dokona yuu kingi Jerusaleme panda enenge yake panda dulunya rae Anatu baa lupyuo jeramo dokope dee nambana kingi enenge doko alowa pyuo pyao palyuo piru leto.

Orepalaisane 7:2

Dokopa dee neta pyakaenge dorena aŋala mende Anatumi banya lao kamu kepeyamo epeya. Epo aŋala kisima yuupi ipwa kotape kwuanyi nembarami lao porainya renge maiyamo dupwa kando dopa lao kyakale poraiyuo kaeyo lao epeya.