Ipuru 11:37 - Anatunya Buku Baepole Ole Testamene Pii Lapo dee Nuu Tesamene

³⁷ Nakama kaname pyapala dokopa wua gela dupwame pyao piyamisa kumuyami. Nakama pendewa ingyuo papala sipisipi memepena yanenge nyuo wapuo kareyaminyipa randa koo maiyuo kopetame piyami.

Ipuru 11:37 ပူးပေါင်းရင်းမြစ်များ

1 Kiŋi 18:13

Lapala dee lao, Enda Jesapele dokome Kamongona poropeta akali dupwa pyao kumakaya dokopa nambame akali andete mendaki (100) nyepala kananda lapona gurupu lama wasapala pingyu akalisa kingi paki (50) ingyapala yalu pyuo palena lapala nenge ipwape maipapu piyu doko emba see naese? leya.

1 Kiŋi 18:4

Dokopa enda Jesapele dokome Anatunya poropeta akali dupwa pyao kumakayamopa akali Opetaya dokome akali andete (100) nyiya. Nyepala kananda lapona gurupu lama wasapala pingyu akalisa kingi paki (50) ingyapala palena lapala ipwa nengepe maipapu piya.)

1 Kiŋi 19:1

Kiŋi Ayapeme Ilainja baame yulu peparae pyuo mee bange kingi Bealo lenge anatu lao lakandenge poropeta dupwa peparae pyao kumakao piyamo dokona lao banya etenge Jesapele lenge doko lamaiya.

1 Kiŋi 19:10

Ilainjame isingi lao, Kamongo Anatu Porai Wakasa, namba embena yulu keyange pyakange kandale. Dopa pipunupape Isaraele wambu dupwame embena poropeta dupwa pyao kumakao embena tembole andana kiso maingi kana pyare lasi dupwa lalyinyi nembo dee embapa lao pii kana minyuo lalu lao leyaminyi doko kokwa soo pimi dokona namba yeelyo karapunupa pyao kumakamwali lao suu pilyaminyi, leya.

1 Kiŋi 19:13

Pii doko Ilainja sepala banya komau dokome lenge kambu yambe pyapala kananda kambu konandowame dokona karala peya. Dokopa pii dokome baa lamaiyuo, Ilainja emba dakena apa pyuo karese? leya.

1 Kiŋi 19:14

Ilainjame isingi lao, Kamongo Anatu Porai Wakasa, namba embena yulu iki pyakange kandale. Dopa pipunupape Isaraele wambu dupwame embena poropeta dupwa pyao kumakao embena tembole andana kiso maingi kana pyare lasi dupwa lalyinyi nembo dee embapa lao pii kana minyuo lalu lao leyami doko kokwa soo pimi dokona namba yeelyo karapunupa pyao kumakamwali lao suu pilyaminyi, leya.

1 Kiŋi 19:19

Dokopa Ilainja yaki nyuo Ilaisa koto kandala peya. Kandeyamo dokopa mena okese lapo minyuo yuu ape ape pyao kareya. Kareyamo dokona mena okese gurupu akalisa ipisu mendaki wambo pyuo peyaminyipa baa mende enakaya dokopa dokona ape ape pyao peya. Dopa piyamo dokopa Ilainjame banya komau londe doko roko nyepala Ilaisa wapwakamiya.

1 Kiŋi 21:10

Lapala orasakele akali lama nyepala baa kooŋo lapala Anatunya lenge kambupi kiŋinya lenge kambupi dolapona kokwa soo pipi lena. Lapala yuu taone dokona baa minyuo nyisa papala kaname pyao kumakalapape, leya.

2 Kiŋi 2:13

Dopa pipala enakana Ilainjana komau isa pao siyamo doko nyepala dee kapu kyuo ipwa Jotane marenge dokona pao kareya.

2 Kiŋi 2:8

Enakana Ilainja banya komau roko nyepala malawai lao rongo pipala ipwa doko piya. Piyamo dokopa ipwa doko kanya dokona liti pyuo nyuo karalyiya. Kata siyamo dokona Ilaisa baapa ipwa dumurena poko pyao peyambi.

Jeremaya 2:30

Nambame nakama mana langyuo pyalana pipunupape dokome nakama nyiso rola nalyamo. Nambame nakama kata rolae lasaka pyuo dopa pii dapa lao langi laa nalyaminyi. Mena laene gasimwa pokapala nenge nenge manjo pii lenge dopale ingyuo nakamame nakamana poropeta dupwa pyao kumuyami.

Jeremaya 26:23

Akali dusipame Yuraya nyuo lanyuo epo kiŋi Jiyoakwimi maiyamisa baame nyepala pyao kumakapala banya yongo doko wambu peparaena malu pingi yuu dokona pyao nembeyami.)

Matyu 21:35

Dokona peyaminyipa akali ee kando kareyaminyi dusipame yulu pingi akali dusipa nyuo yoko lapala mendali pyaroko pyao mendali pyao kumakao mendali kaname pyao piyami.

Matyu 3:4

Jone baa komau mena kamelena yamanji dokome wapusinde lisa marapu mendeme minyanyi pyuo wapwaro karo aimbupi amburali ipwangepe nao kareya.

Matyu 8:20

Leyamo dokopa Yesumi baa isingi lamaiyuo dopa leya. Yana suwa kararope dupwa yuu rumbyapala palyuo, yaka bii lao papingi dupwa anda pipala palyuo pilyaminyipa Ikinyingi Akali doko mendasa kyawa koŋondapala karara ingya nange, leya.

Luku 13:34

O Jerusaleme, Jerusaleme, Anatunya poropeta akali dupwa pyao kumwakao baa wambu nakama karaminyi dokona mapanyi peenge dupwa nyuo kaname pyao karenge. Kola endangimi ikyane dupwa papakeme nee pyuo arapunya palyingi doko suu pyao nambame yuu malu mee embena wane wanakepe dupwa nyuo arapunya sukusa palyapuli yaka lao suu pyapa piyu. Suu pyapa piyunupa daa lee.

APOSELENA YULU 14:19

Dopa piyaminyipa Juu wambu lapo yuu Andioko yuu Aikoniuma range dupwa dokona epapala yuu range wambu dupwa nembo nembo piyaminyisa nakama kinyi lalyaminyi lao suu pyapala nakama Pole kaname piyami. Pyapala baa kumapapyalyamo lao suu pyapala anda malu palyuo kareya dokona kame netarena ipyuo nyuo nembeyami.

APOSELENA YULU 7:52

Anatunya poropeta akali dupwa kareyami dokona anjukunya mende nakamana rakange dupwame lekeleke rena lao laa nayamisi? Yulu rolae pingi akali doko epara lao wambo wai nembo kareyami dupwa nakamana rakange dupwame pyao kumakapa piyami. Enakana yulu rolae pingi doko epara leyami doko epeyamo dokopa nakamame mata kando lapala pyao kumakayamipya kande.

2 Korina 12:10

Namba porai napunupape Koraisana reke lao dokome rae maiyuo karo. Koraisana reke lao wambu namba kando giyalya giyana piyaminyipape randa andake wakale wakale nyiyunupape rae maiyuo kararoko. Namba poraiya nange dokopa Kamongona porainya renge dokome paka pyao singi.

Ipuru 11:25

Baa yulu koo dokona yuu mendasipa iki rae maira dokona paa napala Anatunya wambu pipa randa nyelana suu pyao peya.

Ipuru 13:3

Lapo karapusi palaminyi dupwana nakama dokona mendako ingyuo karo, dee randa ipyamo yaso nelyaminyi dupwana mendako karo lao suu pyao pisipwape.

Orepalaisane 11:3

Dokopa nambana pii minyingi akali lama kumanda petenge komau wapuo pisirambinyipa pena lao nembaro. Nakamba yuu gii malu (1,260) dusipana Anatunya pii polo lao kararambi leya.