Ipuru 11:1 - Anatunya Buku Baepole Ole Testamene Pii Lapo dee Nuu Tesamene

¹ Namwa yake pandana bange minyando kanda nalyamano dupwa Anatu kapa ingingi lao suu pingi dokome angi minyando kandarama doko soo giso karamano.

Ipuru 11:1 ပူးပေါင်းရင်းမြစ်များ

Samu 27:13

Dae karo dakepa Kamongome wambu keta keyange piramo doko kandalanasuu pyao karapusa pilyamo.

Samu 42:11

Akipamo namba sakame kumulyusi? Akipamo namba randa andake nyilyusi? Nambame Anatumi kapa pira lao soo manjo baa nambana pyuo nyingi karamo doko dee kamba lakando kararo.

APOSELENA YULU 20:21

Nakama Juu wambupi rara wakale dupwape Anatu dokona mona kapu kyepala Kamongo Yesu Koraisa kapa ingingi lao suu pyao karalapape lao poraiyuo leyo.

1 Korina 13:13

Mee dupwa otaramopa renge rema sulu sera. Dusipa Anatu kapa ingingi lao suu pingi dokope Yesu epara lao soo manjo karenge renge dokope dee wambu Anatupa lao mona retenge renge dokope. Renge rema dusipa sulu sera doŋo dee namwa Anatupa mona retenge doko mupwa wakasa ingyuo silyamo.

2 Korina 11:17

Namba epapu letono pii doko Kamongome lamaiyalase lapyamo laa nalyo. Namba range lakando kararo ramo doko namba kopyali minyarosa pira.

2 Korina 4:18

Bange kandenge dupwana suu pyaa nao kanda nange dupwana iki poraiyuo suu pyao karamano. Bange kandenge dupwa waiya lao otara. Bange kanda nange dupwa soo otalu oto otara.

2 Korina 5:17

Wambu mendali Yesu Koraisapa pakarambi ramo doko baa kyaka ingyuo para. Wambarae doko isa paramopa enenge doko sipuro eparasa pira.

2 Korina 5:7

Namwa Anatu lengeme kanda napalape baa iki kapa ingingi lao poraiyuo suu pilyamano.

2 Korina 9:4

Dokona Masetonia wambu namba role pyao eparama dupwame nakama nyisalana rapa rapa pii nao mee kararami ramo doko kandapala elyaramanopa nakama Korina range dupwa opetaeko elya nyerami ingilyamo.

Galasia 5:6

Namwa Koraisa Yesupa pako kararama doko yanenge kalomengepe kaloma nangepe dokona pii mende pali nalyamo. Doko Yesu kapa ingingi lao suu pyapala wambu yango mona reto nyisarama yulu doko iki angi ingyuo pelyamo.

Taitesa 1:1

Namba Pole Anatunya kendemande akali ingyuo karo Yesu Koraisana aposele akali dokome pepa pase pyao jilyu. Anatunya rombo palyisi wambunya kapa ingingi lao suu pingi doko andanyi pyambwapala pii angi namwana misi pii lenge doko nolakare lao Anatumi emba kyakale lao mapanyi peelyo pare langiya. Ene busiyamo dokopa Anatu kyambo laa nange dokome nakama lete karalu kararami lao kinyi lalu lao leya.

Ipuru 10:22

Dokona lao suu pingi lamana palya nao Anatu baame namwa kapa nyera doko soo gisapala karo mona anda yapasi dokome koo mende range keta pali nalyamo doko monarena pyapi pyuo soo kaepala ipwa yapasi dokome yongo wate pipala Anatu dokona repe repe pyuo monale.

Ipuru 10:39

Doko suu pyao namwa wambu kapu kyepala isa pelyaminyi dopale ingya nalyamano doŋo. Namwame Anatu kapa ingingi lao suu pyao karo letena kata pelyamano.

Ipuru 11:13

Enda akalipi dusipa Anatumi bangende nyerami leyamo dupwa nyepa nao nanesale karo mee kyanyi kandapala, Namwa dae mee sisi panda ingyuo epo karamwano pilyamo lao kareyami. Dopa pyuo nakama Anatu kapa ingingi lao suu pyao karo kumuyami.

Ipuru 11:27

Baame Anatu kapa ingingi lao suu piyamo dokome Kiŋi Perao imbu singi manjira dokona paka napala yuu Isipi doko yaki nyuo peya. Baa Anatu karamo doko mane mane piyamopa mee kyawame suu lao puu pao peya.

Ipuru 11:7

Noa baa Anatu kapa ingingi lao suu piyamo renge dokome mende pira dokona Anatumi baa repe repe pii lamaiyamo doko soo nyiya. Sepala baame sipu anda wasiyamopa banya ree palu pipa lete wai pyao peyami. Yuu muu peparae koo keta pasi siyamo kandapala baa Anatu kapa ingingi lao suu piyamo dokona rolaena renge imu epeyamo kando nyiya.

Ipuru 2:3

Anatumi yulu andake pyuo namwa kyawa lete nyiyamo doko soo nyii narama ramo doko apa pyuo koo panda wanjaramase? Kamongome wambowana karo namwa kyawa lete nyeronyaŋa lao leyamopa soo nyiyami dupwa keta kinyiŋi lao pakana palamo.

Ipuru 3:14

Namwa kanda soo Kurisene ingyapala dokopa waa waa karo piyama dokona palyuo pyuo puu parama ramo doko Koraisana dupwa namwa opetaenako ingyuo para.

Ipuru 3:6

Dopa piyamopape Koraisa baa Anatunya wambu dupwana kyawa nyuo iso kareya. Namwa kaeya napala Yesu epara lao mona kare kare kararama ramo doko Anatunya ree palu ingyuo kararama lyakande.

Ipuru 6:12

Nakama makapala kaeyarami doko kapa daa. Anatu baa kapa ingingi lao suu pyao wangu lakapala mee iso kararami dupwa keta pii lao kaeyamo dokona kapa wai wara pira letamo. Nakama dokona mendako ingyuo pumili yaka.

2 Pita 1:1

Namba Saimone Pita Yesu Koraisana aposele akali dokome banya kendemande yulu pyuo karo. Anatu Lete Wai Pyao Nyingi Yesu Koraisapa rolae pingi dolapome Kurisene suu pingi keyange maiyamo yango dupwa keta pepa dake pyao jilyu.