Ipuru 10:4 - Anatunya Buku Baepole Ole Testamene Pii Lapo dee Nuu Tesamene

⁴ Doko mena bulamakao kalyuwa dee memepena ranjama dokome wambunya koo dupwa isa paa nange.

Ipuru 10:4 ပူးပေါင်းရင်းမြစ်များ

Samu 51:16

Emba mena pyao kiso maingi dokona rae mai nange. Rae maipili nambame kapa jipuli. Dee mena kiso rendamu pyuo maingi dokona emba rae mai nange kandaleko.

Jeremaya 6:20

Yuu Sepa piso nakamame rendamu pingi doko namba keta minyuo epeyaminyipape mona karo nyaka nalyo. Panda yuu wakale nanesa rae bange lapo nenge rende pinya lao minyuo epeyaminyipape dupwana lao mona nyii nalyo. Nakamana nenge kiso jeraminyi dupwa nambame rae maiyuo nyakami naro. Dee mena pyao kiso jeraminyi dupwana nambame rae maiyakami naroko.

Osia 14:2

Kamongo karamo dokona kapu kyuo papala mena pyao kiso maingi dopale ingyuo penale ateŋa dapa lao lalapape. Namwana koo dupwa nyuo kame sakapala ateŋa letamano doko soo nyepe. Soo nyerene dokopa namwa lalu lao leyamanoli pyuo emba lakandarama.

Osia 6:6

Mena pyao kiso jilyaminyi dupwa kapako doŋo nakamame namba kare kare soo mona retenge doko rungi rungi pyao karo. Nambana wambu dupwame mena pyao kiso joo karowape namba soo pakana palyarami doko angi ingilyamo.

Make 12:33

Namwa isa wambu dupwame mona anda dokomepe suu pingi dokomepe rangena imambu dokomepe ama porayapala, Anatu dokona mona reto karapenge ingilyamo. Dokonako ingyuo wambu yango opetae mona reto kararama ingilyamo. Namwa wamba Anatu lao mena pyao kana pyare dupwana kiso maiyuo kareyami doko epapu lowa andake dolapo angiŋi minyapenge ingilyamo leya.

Jone 1:29

Dokopa yangama dokopa baa kareyamo dokona Yesu epeyamo kandeya. Kandapala, Anatunya Sipisipi Ikyane isa wambu dupwana koo dupwa nyuo lanyakao para doko kandalapa.

Orome 11:27

Nambame nakamana koo dupwa nyuo nembakamipala nakama pipya lao kana minyaro leya.

Ipuru 10:1

Juu wambunya Lowa doko lowa kulisa angi dokona mee kongwalu palyuo sipyasa pilyamo. Angi eparamo doko dopaleŋe lao mee makande pyuo piyasa piya. Ee kana epo pao piyamo yaka lao Anatu lao mena pyao kiso maingi yulu doko mee minyaro petenge. Dopa pyuo epo mena pyao kiso piyaminyipape nakama rolo paa nayami.

Ipuru 10:11

Juu wambunya purisi dupwame yuu peparae tembole andana yulu pyuo mena kiso maipa maipa pyuo karenge. Dopa pilyaminyipape koo dupwa nyuo angi nembakamira ingya nange.

Ipuru 10:8

Yesumi Anatu kando wambo dopa leya. Yulu koo palamo dokona suu pyao Lowa letamuli pyuo mena kiso jiminyi dupwana rae mailyinde daa. Dee rendamu pingi kana pyare doko emba epekanda nalenyako.

Ipuru 9:9

Pii wamba lao ranaisa poko sereyami doko yuu mange dakepana manda manjo palamo. Lowa wambarae dokona bange mee maingi dee kiso maingipi yulu dupwa paleya. Dopa piyaminyipape mena kiso maiyaminyi dupwana monarena koo dupwa angi kwuanyi nembakamiyande daa.

1 Jone 3:5

Yesu baame namwana koo dupwa ramanyi nembala pano epeya lao soo gisilyaminyi kande. Baa koo mende pali nange.