Ipuru 10:38 - Anatunya Buku Baepole Ole Testamene Pii Lapo dee Nuu Tesamene

³⁸ Baame nambana wambu rolo pasi dupwa namba kapa ingingi lao suu pyarami ramo doko lete parami. Dee lapome mata jerami dupwa nambame epekanda naroŋo, letamo.

Ipuru 10:38 ပူးပေါင်းရင်းမြစ်များ

2 Samyuele 22:22

Nambame Kamongona lowa dupwa warombo singi. Nambame nambana Anatu kando mata maiyuo kapu kyuo paa nange.

Aisaya 42:1

Kamongome lao, Nambana kendemande nambame baa porainyi pyambungi. Nambame baa rombo palyapala baa kando raeko maingi. Baa keta nambana imambu dokome maralyiyu. Dokopa baame wambu rara peparae yulu rolae dokona polo lamaira.

Isikiolo 18:24

Akali rolae pingi dokome keyange piyamo dupwa kupyuo yaki nyepala koo dupwana sukusa pao wambu wakalena koo pipala elya nyingi dupwana mana makandope nyepala pyuo karara ramo doko baa lete karara ingyarase? Ama daa mendeme banya keyange wambo piyamo dupwana dee suu pyaa naro. Baa yaki nyuo yulu koo pyuo kareyamo dokona kumara.

Isikiolo 3:20

Akali rolae pyuo karara mendeme nambame kyawa yaki nyuo makande pyuo kandaronopa koo keta paliramo dokopa embame repe repe lamai nare ramo banya koo dokona lao kumara. Banya yulu keyange wamba pyuo kareyamo dupwa mende yaka lakami naro. Dopa pyuo koo keta palira dokona lao banya kumasi ranjama doko emba keta palena laro.

Isikiolo 33:13

Nambame akali rolae pingi doko lete karara lao lalu lao laronopape baa wambo keyange pyuo kaepala karoŋo dusipa kapa lapala koo lapo pira ramo doko wambo keyange piyamo dupwa yaka lakamirunde daa. Baa rangena koo dokona kumara dokona karara ingilyamo.

Apakuku 2:4

Dake pii angi doko wambu yulu koo pingi doko lete kara nara. Kara naramopape mendali Anatu baa kapa ingingi lao suu pyara dokome Anatupa rolae ingyuo karara dokome baa lete para ingilyamo, leya.

Malakae 1:10

Kamongo Porai Wakasa dokome lao, Nakama mendeme tembole anda kambu dowa doko upi lamili leto. Dopa pirami dokome nambana kana pyare lasi dokona isare dupwa mee langa kisa namili. Nambame nakama rae mai nalyo dokona nambame nakamana nenge minyuo epo jeraminyi dupwa kando rae maiyuo nyii naro, letamo.

Matyu 12:18

Nambana kendemande akali nambame nyuo rombo palyiyu, nambame mona retelyo doko kando monarena raeko maiyuo karo doko kandalapa. Baa keta nambana imambu doko maralyaronopa baame rara wakale peparae yulu rolae dokona lao polo lamaira.

Matyu 13:21

Dopa piramopape waingi pingi angingyuo pyaa naya doko suu pyao baa monarena suu pyao poraiya nao karara. Yuu gii mendasipa suu pyale pyale kararamopa, enakana waili pii keyange dokona reke lao randa eparamo dokopa mona kuki palyuo kara napala waiya lao kaenge.

Orome 1:17

Anatumi waili pii keyange dokome namwa apa pyuo banya lenge kambu dokona rolo kararami lao lasaka pyuo karamo. Doko wambu Anatu kapa ingingi lao suu pingi kata dokome iki rolae ingyuo parami. Kata wakale mendeme rolae ingyuo paa narami. Anatunya buku Baepole lao, Mendali kapa ingingi lao suu pyara dokome Anatupa rolae ingyuo paramo dokopa baa letena renge nyera letamo.

Galasia 3:11

Wambu mende Lowa dokome Anatuya lenge kambu dokona rolo paa nara doko angi silyamano. Baepolena lao dokopa, Mendali Anatu baa kapa ingingi lao suu pyara dokome Anatupa rolae ingyuo karara dokome baa lete para ingilyamo letamo.

1 Tesalonaika 2:15

Juu dupwame Kamongo Yesupi poropeta akali dupwape pyao kumakapala namwa randa jiyami. Randa jiyamisa Anatumi nakama kando epekanda nalyamo. Nakamame wambu peparae yanda pimwaiyuo karaminyi.

Ipuru 10:39

Doko suu pyao namwa wambu kapu kyepala isa pelyaminyi dopale ingya nalyamano doŋo. Namwame Anatu kapa ingingi lao suu pyao karo letena kata pelyamano.

Jemesa 5:6

Nakama dopa pyuo karo rolae pingi wambu dupwa kando kote lapala pyao kumakayami. Nakamame isingi mende laa nange.

1 Jone 2:19

Namwa role pyapeta sukusa karenge dokona karapala neta peyami. Nakama namwa role pyapeta kareyaminyipape namwana pongwae ingyuo kara nayami. Nakama namwana pongwae ingyuo kareyamili doko nakama namwa role pyapeta karalu karamwali. Nakama namwa yaki nyuo peyami doko namwana pongwae ingyuo kara nayamindeme dokopa paneya.