Ipuru 1:11 - Anatunya Buku Baepole Ole Testamene Pii Lapo dee Nuu Tesamene

¹¹ Wasiinyi dupwa mee ingyuo rali piramopape emba yapo karalu karare. Komau wambarae dupwa kwao penge doko suu pyao bange peparae kwaoko para.

Ipuru 1:11 ပူးပေါင်းရင်းမြစ်များ

Samu 90:2

Yuu kyau dupwa wasapa nao karowape dee yuu muu peparae ingyalana karowape Anatu emba letena renge palyuo Anatu ingyuo karalu karengepya. Dokoko Anatu ingyuo karo puu parepya.

Aisaya 41:4

Apimi dokona karapala yulu dopale dupwa pyaka sinya lao piyase? Api mendeme wambo pyuo kaeyamo dupwana doko mende wamba piyaŋa lao soo giso lara ingiyase? Namba Kamongo doko wamba enye kanda siyamo dokopa kareyo. Dee namba Kamongo doko lumwa piramo dokopa dokona kararoko ingilyamo.

Aisaya 44:6

Kamongo baame Isaraele wambu dupwa iso kyawa minyuo karenge doko Kamongo Porai Wakasa dokome pii dake palipyasa lalana letamo. Kama wambowana nambako kareyo doko lumwa pyuo dokopa namba kararoko. Anatu mende mendasa kara nange. Anatu doko nambako iki karenge.

Aisaya 50:9

Nambana Kamongo Mupwa Andake Wakasa dokome namba kyawa minyuo karenge. Namba koo piiŋi lao lao pakana palyara doko apisi? Nambapa yanda pyuo laraminyi dupwa dusa kata serandena pana narami ingilyamo. Nakama komau pinjingi nakepasi dee kando nyii narami dopale ingilyamo.

Aisaya 65:17

Kamongome dopa letamo. Nambame yake yuupi enenge ingyuo wasaronopa wambowana pingi dupwa dopale kandape panda dapale kandape lao suu pyaa narami, letamo.

Matyu 24:35

Yake yuupa otara ingyapyamopa nambana pii dupwa ota nara ingilyamo.

Make 13:31

Yake yuupa otara ingilyamo. Nambana pii dupwa ota nara ingilyamo.

Luku 21:33

Yake yuupi otaramopa nambana pii doko ota nara.

Ipuru 12:27

Anatumi deeko laronya letamo pii dokona lao, Wambo dokopa wasiyamo dupwa pyuku pyuku lao bolombalo laramopa kapa pyuku laa narali dupwa mee poraiyuo sulu seraŋa letamo.

Ipuru 8:13

Anatumi lalu lao lenge pii enenge retelyo leya doko wambarae doko isa pelyamo lao leyasa piya. Bange wambarae momo nelyamo dokopa mee isa penge kandale.

Orepalaisane 1:11

dopa pyuo langiya. Emba kandarene dupwa pepana pyapala Elyambu Pingi yanda ipingi nyepo dusipana mairi. Mende yuu Epesasa lenge, mende Semena, mende Pekamama, mende Tayataira, mende Satisa, mende Pilatepia, mende Leotosia lenge yuu dusipana mairi leya.

Orepalaisane 2:8

Aŋala yuu Semena Elyambu Pingi rapu pyuo karamo dokona dopa pyuo pepa pyao maipi. Wambowana karapala pao dee lumwa pira dokopa kararako baa kumapala dee lopo epeyamo dokome dopa letamo.

Orepalaisane 20:11

Enakana kiŋinya petenge isa reeko kakepamendena mendali peteyamo kandeyo. Banya lenge kambu dokona yake yuupa dolapo mee ingyuo rali piyambinyipa dee kanda narami ingiya.

Orepalaisane 21:1

Enakana yake yuupa dolapo wakale enenge ingyuo alowa piyamo kandeyo. Yake yuupa wamba singi dolapo nyuo alowa piyamopa kota pete doko mee ingyuo rali piya.