Epesasa 6:4 - Anatunya Buku Baepole Ole Testamene Pii Lapo dee Nuu Tesamene

⁴ Endangi rakangepe dupwa nakamana wane wanakepe imbu singi nyakami nalapape. Mondo koo lao mana lamaiyuo Kamongona kingi lao ando pena larami.

Epesasa 6:4 ပူးပေါင်းရင်းမြစ်များ

Jenesese 18:19

Daa. Namba rangeme baame banya ree palu wane wanakepe banya para pyasi wambupi dupwa Kamongona yulu rolaepe kyai rolae lao rolo lenge dupwa iki mana lamaira lao rombo palyiyu. Dokonako rape rape lao pira ramo baa kando pii lalu lao leyamo dupwa banya angi ingyara.

Poropepe 22:15

Wane wanake dupwame mee langa male male lao yulu kopetame pingi. Dopa piminyipape nakamame poraiyuo mana lao pyarami ramo dokopa nakama yulu rolae dupwana mana nyuo piramisa pira.

Poropepe 22:6

Dopa pyuo karapala wane doko apa pyuo palyuo karo pisa dokona mana lamai. Dokopa baa ando palyuo karo piramo yuu gii dusipana doko mende kandale lao suu pyale pyale karara.

Poropepe 29:15

Mana lao pyalena pingi renge doko wane wanakepe keta keyange ingyuo pelyamo. Waneme nakama range suu pilyamano ote lao pirami ramo doko baa keta endangi elya nyera.

Poropepe 29:17

Embena wane doko mana lao pyalena pirinyipa yuu peparae embame baa kando rae maiyuo karare. Dopa pirinyipa baame emba raeko mainyi pyambuo karo elya renge nyuo jii nara.

Epesasa 6:3

Dokona moko minyuo pirami ramo kapa palyuo isa yuunya gii andarele karare ingilyamo lao makande pyuo pyasi palamo.

Dutaronome 4:9

Nakama kandokondali pyuo karalapape. Yulu dupwa nakama rangena lengeme kandeyaminyi dupwa yuu gii kararaminyi dusipana kame see nalapape.

Dutaronome 6:7

Nakamana wane wanakepe dupwa mana lamailapape. Nakama anda dokona pisope mendasa wakale paope imambu soo pisope dee yulu pyuo kararaminyi dupwanape kamba kamba lamaiyuoko karalapape.

Kolosi 3:21

Nakama endangi rakangepeme nakamana wane wanakepe imbu singi manjinyi pyambwa nalapape. Pyambwarami ramo dokopa nakamana mona kendo inyimungu kararami.

2 Timoti 1:5

Namba embame Anatu kapa ingingi lao suu pyao mandeene doko angi ingilyamo lao kame see nalyo. Anatu kapa ingingi lao suu pingi dokore embena apusingi Loisa endakinyi Yunisapame opetae suu pyao peteyambipya. Doko suu pyao embena doko mendare ingyuo pelyamo lao silyu.

2 Timoti 3:15

Emba wamba wane dokopa buku Baepole pii poo pyasi doko mana nyii kande. Pii dokome emba singinya renge joo Koraisa Yesu kapa ingingi lao suu pyarenepa lete wai pyao nyera.

Josua 24:15

Dokona lao nakamame Kamongona yulu dokona pinya lao suu pyaa narami ramo nakamame mendena yulu pyakamirami lao suu piyami kande doko dakepa rombo palyuo lalapape. Nakamana rora ambasu dupwa yuu Mesopotemia dokona karo bange wakale anatuŋu lao lakandeyami dupwape panda yuu Amote karaminyi dokona wambunya anatu wakale dupwana lao rombo palyuo lalapape. Dopa piraminyipape nambamoo nambana ree palu dupwape Kamongona yulu pyakamirama, leya.

Jasi 13:12

Enakana akali Manoa baame leya, Epapu dee emba letene doko angi pyaka seramo dokopa wane baa apa pirase? lao piso siya. Dee baa aki yulu pirase? lao piso siya.