Epesasa 6:10 - Anatunya Buku Baepole Ole Testamene Pii Lapo dee Nuu Tesamene

¹⁰ Pii dake lao lumwa pyuo leto. Kamongopa pako karo banya porainya renge doko nyepala kulisa palyuo karalapape.

Epesasa 6:10 ပူးပေါင်းရင်းမြစ်များ

Aisaya 40:28

Kamongo baa lete karo puu penge. Baame yuu muu peparae wasiya. Baa makame kumuo mende pii nara inginginde daa. Banya suu pingi dupwa mendemepe sakami nange. Doko nakama see nao soo nyii nao pingisi?

Aisaya 40:31

Dopa piramopape wambu Kamongo nyisara lao baa keta pyamalyuo kapa ingingi lao suu pyao karaminyi dupwa porainya renge enenge nyuo kararami. Yaka kambe banya papakeme ketae poraiyuo soo penge dopale ingyuo kararami. Nakama makando paraminyipape maka narami. Dee kata paparaminyipape nakama mee porai ingyuo kararami.

1 Korina 16:13

Kando karo Yesu kapa ingingi lao suu piyami dokona poraiyuo minyuo porayapala paka nao karalapape.

2 Korina 13:11

Yangonemoo karalapape. Koo mende pii nao mondo lao karalapape. Nambana pii dake warombo selapa. Nakama mona mendare palyuo dokopa suu pingi mendaki palyuo lambo lao karalapape. Dopa piraminyi dokopa Anatu mona retengepe mona kyuu lao singipi doko baa nakama pipya role pyao karara.

Epesasa 1:19

Banya porainya renge yapasi doko namwa Anatu kapa ingingi lao suu pyao karenge dupwa keta palena lao ateŋa lakalyo. Porainya renge wakasa pyuo kareyamo dokomeyoko

Epesasa 3:16

Kamongo Anatunya yanga paupau lenge renge jingi ingyuo lyuo karamo doko Imambu keta epo nakama maralyapala mona andarena porainyi pyambunya lao ateŋa lakalyo.

Dutaronome 31:23

Mange dokopa dee Anatumi akali Nanena ikinyingi Josua baa lamaiyuo, Paka nao mona porayapala karape. Dopa pyuo embame Isaraele wambu yuu nambame mairuŋu lao kana minyuo lalu lao leyo kande dokona lanyuo pareŋe namba embapa role kararo, leya.

Pilipai 3:1

Nambana Kurisene yango dupwa Kamongo dokome rae maingi renge nakama keta jinya leto. Pii wambo pyao reteyo doko dee kamba pyao jero ramo dokopa kapa ingyara. Dee kambako serami ramo doko nakama porainyi pyambwara ingilyamo.

Pilipai 4:13

Koraisa baame namba porainyi pyambuyasa yulu peparaena lao mona kuki palyuo karenge.

Pilipai 4:8

Pii renge dakeme lao oto leto. Yulu keyange wambu kando epe singi dupwana iki suu pyao karalapape. Angi dupwape, suu pingi rolaepe yulu rolaepe koo pali nange dupwape au pisi dupwape mona palenge yulu dusipa iki suu pyale pyale pyuo karalapape.

Kolosi 1:11

Dokonako ingyuo banya porainya renge wakasa dokome nakama porainyi pyambwaramopa randa malu eparamo dokopa mona kuki palyuo rae maiyuo kararami.

2 Timoti 2:1

Nambana wane Timoti emba Koraisa Yesupa pakao karo baa mona keyange palyapala ipyuo kararamopa porayapala karape.

2 Timoti 4:17

Dopa piyaminyipa Yesumi namba role pyao karapala banya porainya renge jiya. Jiyamo dokona waili pii angi doko lamaiyunupa Juu daa rara wakale dupwa peparae kapa siyami. Mende doko namba mena laenena nenge kata dokona Anatu baame nenge raka lao nyiya.

Josua 1:9

Nambame emba kando, Mona kumapala porai ingyuo yulu dokona kandokondali pyuo karape lao mana langiyu kande. Dokona lao namba embena Kamongo Anatu emba anja panda parene dupwana role pyapeta paramba dokona paka nao mona nemba nao poraiyuo karape, lao Kamongome leya.

1 Pita 3:8

Epapu lumwa pyuo leto. Doko nakama Kurisene yango dupwa kondo suu pingi mendakinya palyuo mona maiyuo yalya kando pisipwape. Range mupwa lao suu pyaa napala anjiki pyuo pisipwape.

1 Pita 4:11

Mendeme misi lara ramo doko baa Anatunya pii doko lena. Mendeme mende nyisara ramo doko Anatumi porai renge maiyamo doko nyepala nyiso pyuo karenale. Yesu Koraisa neta renge ingyuo karalu karenge doko keta yulu peparae pirami ramo Anatunya kingi ketae pyambwaramisa pira.

1 Pita 5:10

Nakama yuu gii mendasipa iki yaso nao kararaminyipa Anatu mona keyange palyuo ipingi renge renge kuiyuo karenge doko nyisara. Nakama Koraisapa pako karo banya yanga paupau lenge panda sulu singi dokona ipupwape leyamo doko baame nakama sukunde ingyuo kiso rolapala nakama porainyi pyambwapala paka isa ingyaro kararami.

1 Jone 2:14

Wane wanakepe dupwa nakamame Rakane soo nyepala karaminyi dokona pepa pyao retapupya kandapi. Rakanemoo, wambo kanda soo kareyamo baa soo nyepala karaminyi dokona pepa pyao retapupya kandapi. Wanyane dupwa nakama porai ingyuo karaminyipa Anatunya pii doko nakama keta soo nakamame Satane nyuo anamapala karaminyi lao sepala dokona epapu pepa pyao retapupya kandapi.