Epesasa 2:12 - Anatunya Buku Baepole Ole Testamene Pii Lapo dee Nuu Tesamene

¹² Wamba dokopa nakama Koraisapa liti pyuo karo, Isaraele rara dokopa wakale ingyuo kareyami. Anatumi Isaraele keta keyange mairunya lao pii lanyi sereyamo dokona nakama kamenge ambe ambe kareyami. Isa panda dokona Anatu soo nyii napala dokopa mende pyakarandelyamo lao mona kare kare kara nayami.

Epesasa 2:12 ပူးပေါင်းရင်းမြစ်များ

Jenesese 15:18

Yuu gii dokopa Kamongo dokome Aporamepa kana minyuo pii lalu lao lao dopa leya. Embena wai kisaramo dupwa nambame yuu dake mairuingilyamo. Mairunu yuu doko yuu Isipi lili dokona piso pao ipwa pona andake Yuporisa lenge dokona lili pira lyakande, leya.

Ekesetase 12:45

Wambu mende yuu gii malu role pyao kara naramo dokope panda wambu mende kana maiyuo nyepala yulu pyakana laraminyi dokope Pasopa nenge naa nara.

Aisaya 44:6

Kamongo baame Isaraele wambu dupwa iso kyawa minyuo karenge doko Kamongo Porai Wakasa dokome pii dake palipyasa lalana letamo. Kama wambowana nambako kareyo doko lumwa pyuo dokopa namba kararoko. Anatu mende mendasa kara nange. Anatu doko nambako iki karenge.

Aisaya 45:20

Kamongo dokome lao, Nakamana yuu liti wakale wakale dupwa pyao kokwa soo nembeyaminyipa wambu lapo kyawa lete nyisi karaminyi dupwa epo nyuo pyaselapape. Kote letaminyi dokona nakama ipupwape. Wambu nakamana mee bange isame wasisi dupwa kalya pyuo pao dee mee bange anatu lenge nakama kyawa lete nyii narami dupwa kando loma silyaminyi dupwa renge angi doko soo nyii nange dupwa nakama peparae eparami, letamo.

Aisaya 61:5

Nambana wambu dupwa yuu wakale range wambu dupwame epo yulu pyakao kararami. Nakamana mena sipisipi dupwa rapu pyakao nakamana yuu dupwana yulu pyakao ee nengepe wara pyuo isa girapo ee dupwa mondo lao rapu pyakao pirami.

Jeremaya 14:8

Embame Isaraele wambu dupwame mende pirinyi lao sepala mona pyamalyuo lao karenge. Embameko namwana randa dupwana kyawa minyingi. Doko akipamo emba namwana yuu dakena upunili ingyalya ingyana pyuo yuu mendaki mee panya epo luu palipala penge dopale ingyuo karese?

Isikiolo 37:26

Nambame nakama pipya pii lalu lao lao kana minyuo laronopa nakama keta mumbwa palyaramopa elyape keta palyuo puu parami. Namba dopa pyuo kanda soo pipala wambu wai kiso andake inginyi pyambwapala nambana tembole anda doko nakamana yuu dokona wasaronopa karalu karara, leya.

Osia 3:4

Renge dopale dokome Isaraele wambu dupwa yuu rengyape mende nakamana kiŋi mende kara nara dee akali mupwape mende kara narako. Mena pyao kiso maiyuope mee kana mende wasapala lakandaope pyarepa kana minyuope ama rengyana mendepe koto kanda naramiko.

Luku 1:72

Namwana rora ambasupi kando lamaiyuo kaeyamuli pyuo, pii yapasi doko kame see napala kondo nyiso karara.

Jone 10:16

Nambana sipisipi wakale lapo karaminyi dupwa kakopasa dakena kara nalyaminyi. Nakama dupwa opetae lanyuo eparo ingilyamo. Dokopa nambana pii sakarami. Dokopa rapu pingi mendakindeme rapu pyuo kararamopa rara mendaki ingyuo role pyao kararami.

Jone 15:5

Namba girapo isa marange ingyuo karelyonopa nakama wangya ingyuo karaminyi. Akali nambana kararamopa namba banya mona anda palironopa jingi malu lyerasa pira. Dokona lao nakamame namba lakipa nyepala kararami ramo dokopa nakama mendepe pinya saka narami.

Jone 4:22

Nakama Samaria wambu dupwame api mende ketae pyambuo yako lao karaminyi doko angi sepala pilyaminde daa. Lete wai pyao nyingi yulu doko namwa Juu wambu dupwa keta epelyamo dokona soo gisapala Anatu ketae pyambuo angingyuo lao karamano.

APOSELENA YULU 2:39

Dokona lao Anatumi Imambu Poo Pyasi doko jero lao kaeyapya pii doko nakamasa kando laowako nakamana wane wanakepe wambu menge nanesa karaminyi dupwa opetaesa lao wambu baame sukusa ipupwape laramo dupwa peparaena palyuo leyaŋa, leya Pitame.

APOSELENA YULU 28:20

Renge dokona lao nakama epena lapala pii lapo lamaiya. Doko Isaraele wambu dupwame mende pyuo pyaka sipyali lao suu pilyaminyi dokona namba anakapo dolapome puu maiminyipa peto leya.

APOSELENA YULU 3:25

Anatumi Aporakame kando embena para pyao nyerene dupwa keta wambu peparae elya pyuo parami leya. Dokona ingyuo Anatumi poropeta akali keta lao kaeyamo dupwa nakama mokwa soo nyerami. Anatumi nakamana akali kyawa dupwa kando lalu lao leyamo dupwana pingyu nyeramioko.

Orome 9:8

Pii doko wane mee wambumi mandengenyili pyuo manjirami dupwa Anatunya wane wanakepe ingya nara. Ingya naramopape Anatunya lalu lao lenge pii soo nyiyaminyi dupwana wane dupwa yapo Aporakamena para pao peyami lao suu pilyu.

Galasia 4:8

Wambo nakama Anatu soo gisa napala anatu angi daa mee imambu wakale dupwana karapusi wambu ingyuo pyuo kareyamipya.

Epesasa 2:19

Dokona lao nakama epapu menge upunyili ingyuo kara napala Anatunya wambu yapasi dupwa pipya mendare ingyapyamopa Anatunya ree palu ingyuo karaminyi.

Epesasa 4:18

Nakamba suu pingi iminjiyamo karo, kamenge see nao pisipala mona kana pokwapala Anatupa rekya lao karaminyi.

Kolosi 1:21

Nakama suu pingi kwaenge dokome ene alembole yulu koo pyuo kareyaminyipa Anatupa yanda pimwaiyuo rekya lao wakale ingyuo kareyami.

Kolosi 1:27

Anatumi banya suu pingi neta renge yalu pisi doko, banya wambupi Juu daa rara wakale dupwape keta nyuo panara lao suu piya. Pii wambo yalu piyamopa see nayami doko Koraisa nakama keta palamo. Dokome Anatunya yanga paupau lenge panda nyerami.

Kolosi 1:5

Anatunya waili pii keyange rolae doko kanda soo sepeyaminyipa keyange keta palirami doko soo gisiyami. Yake pandana bange keyange sakalyamo dokona mona kare kare karapala Anatu kapa ingingi lao suu pyapala wambu yango mona reto karaminyi.

1 Tesalonaika 4:13

Yangonemoo wambu wamba kumuyami dupwana lao rolo simili yaka lao suu pilyamano. Yesu see nange wambu dupwame nakamana wambu yango kumaminyi dokopa mona nembelyaminyi. Nakamame wambu kumuo penge kata dokona rolo serami dokona mona nemba narami.

1 Tesalonaika 4:5

Anatu see nange akali dupwame etenge dupwa mona reta nao mee nyipuli lao nyilyaminyi dopako pyuo pii nalapape.

2 Tesalonaika 2:16

Namwana Kamongo Yesu Koraisa baapa dee namwana Rakange Anatupame nakama porai inginyi pyambwarambi. Namwana Rakange Anatu baame namwa mona retapala mona keyange palyuo ipyuo karenge dokome namwa porainyi pyambwalu pyambuo pyambuya. Pyambuyamosa Yesu dee epara lao mona kare kare karamano.

1 Timoti 1:1

Namba Pole Koraisa Yesunya aposele akali Anatu namwana Lete Wai Pyao Nyingi dokope Koraisa Yesu namwa keta dee epara dokope leyambinyili pyuo aposele akali ingyuo karo.

Ipuru 11:34

Nakama porayapala isare andake rao kareyamo dupwa kunjapala wua gelame pyalana pyuo epeyami dupwa anameyami. Wambo pau lao kareyami doko enakana kuli palyuo yandana ketae palipala yanda pimwai dupwa pyao anamo piyami.

Ipuru 6:18

Anatu alowa pipala mende pyuo laa nange dokome yuu lamasa lao kingi ketae nembo leyamo dolapona suu pyao alowa pii nara. Renge dolapome namwa Anatu keta pao pyama lyiyama dupwa porainyi pyambwaramopa kyawa lete nyeraŋa lao mona kare kare karamano.

Ipuru 8:6

Doko Koraisana purisi yulu dokome purisi dolomana yulu isa palyiya. Doko suu pyao Yesu kanya akali ingyuo kareyamo dokome Anatupa namwa pipa enakana lalu lao leyamo doko renge kamame keyange nyerami dupwa suusa isa ingiyamosa wambo lalu lao leyamo doko pyalya pyalya paleya

1 Pita 1:21

Baa epeyamo dokona Anatu kapa ingingi lao suu pilyminyi. Anatumi baa lete minyalyuo nyepala neta renge ingyuo karena leyamopa nakama Yesu keta Anatu kapa ingingi lao suu pyapala mona kare kare karaminyi.

1 Pita 1:3

Kamongo Yesu Koraisana Rakange Anatu kando sangyu lao lakando karamana. Baa mona keyange palyapala ipyuo karenge dokome Yesu Koraisa lete minyalyuo nyiyasa namwame kyakana renge nyepala lete parama dokona enenge ingyuo manjo nyisi karamano.

1 Pita 3:15

Nakamana mona anda dokona Koraisa baa mupwa lao suu pyapala baa Kamongo dokona lao ketae pyambwalapape. Mendeme nakamana keyange pira lao mona kare kare karaminyi renge dokona piso seraminyi kandena. Pisarami dokopa pii keyange polo lamairuŋu lapala wambo rapa rapa pyuo karalapape.

1 Jone 3:3

Wambu mendeme Yesu kandapuli lao suu pyara ramo suu pingi doko monarename range pyuo poo pyarasa pira. Yesu poo pyasi karenge doko suu pyao poo pyasi kararasa pira.