Epesasa 1:10 - Anatunya Buku Baepole Ole Testamene Pii Lapo dee Nuu Tesamene

¹⁰ Yuu gii pyaka separamo dokopa Anatumi banya wasisi peparae yake pandape isa pandape nyuo mendakyapala dokona Koraisa baa kyawa ingyuo kararaŋa lao suu piyamuli pyuo pira.

Epesasa 1:10 ပူးပေါင်းရင်းမြစ်များ

Jenesese 49:10

Juta embena rombelyame kaikwasi dokoisa paa nara. Embena rara doko kiŋinya rara ingyuo karalu kararami. Kamongonge bange dupwa reto karo pao range eparamo dokopa baa keta pyamalyarami. Wambu peparae baako kando warombo soo banya pii minyaraminyi karara.

Daniele 2:44

Yuu gii kiŋi dusipame iso kararaminyi dokopa Anatu yake panda karenge dokome kiŋi enenge mende rombo palyuo baa mee karalu karena lara. Kiŋi wakale dupwame baa pyao anamasi minya narami. Dopa piramopape baame kiŋi doloma peparae pyao isa palyapala baa mee iso palyuo puu para.

Emosa 9:11

Kamongo dokome dopa letamo. Dapitinya rara dokona kiŋi yulu doko anda lalyisi kwaeyo singi dopakale ingyuo silyamo. Dokona lao yuu gii mende pyaka solopyamo dokopa anda lalyuo kwaeyasi isa andopaepe peparae minyalyingi dopale ingyalopyamo. Dokopa yuu wamba Dapiti kareyamo yuu siya dopale ingyara.

Malakae 3:1

Pii dakena sepala Kamongo Porai Wakasa dokome isingi lao, Nambame nambana kata wapwakana lao nambana wai minyingi akali mende wambo pena laro. Dokopa aopa nakama Kamongo kandalana kotelyaminyi doko banya tembole anda dokona epara. Dokona waili pii minyingi akali kandamwali lao suu pilyaminyi doko epapala nambana kana minyuo lalu lao lenge pii dokona polo langira.

Matyu 25:32

Banya lenge kambu dokona wambu rara wakale wakale dupwa peparae epo sukusa sukusa pirami. Dokopa mena rapu pingi akali dokome sipisipi dupwape meme dupwape wakale yapalyuo liti pingi doko suu pyao wambu dupwa yapalyuo liti pira.

Make 1:15

Baame yuu gii pyaka sepelyamo dokona Anatunya isingi yulu repetale epelyamo. Nakama mona kapu kyuo waili pii keyange doko kinyi lao suu pyalapape, leya.

1 Korina 10:11

Nakama keta dopa piyalyamo lao wakale dupwa sinya lao piyami. Dokona lao pyao retapala namwa repe repe langingi. Namwa yuu gii lumwa doko repeta pyaka selena pipyamo dokona karamano.

1 Korina 11:3

Dee Koraisame wambu peparaena mupwa karenge. Dee akalimi etenge isili lao karaminyipa Anatumi Koraisa isili laro karamo doko selapa lao langilyu.

Galasia 4:4

Dopa piyamanopape yuu gii angi rolae epeya dokopa Anatumi banya Ikinyingi doko epena leya. Baa isa wane ingyuo Juu wambunya Lowa doko moko minyuo pyuo kareya.

Epesasa 1:22

Baa karamo dokona lungwa lungwarename peparae karena lao, dee Elyambu Pinginya kyawa ingyuo karena leya.

Epesasa 2:15

Juu wambunya Lowa dupwape mawa pii dupwape waso karenge dupwape peparae mee inginyi nembeya. Nembapala rara paka lakisi siyamo doko kaepala baa keta nyuo komondapala rara enenge mendakinya ingyuo manda rao karena lao piya.

Epesasa 3:15

Baa keta piso yake panda isa pandape ree palu peparaena kingi lasi dupwa epeya.

Epesasa 3:2

Anatu mona keyange palyuo ipyapala nambame nakama nyisareŋe lao yulu andake namba keta jiyamo doko siyami lao suu pilyu.

Kolosi 1:16

Baa ketako yake bange dee isa bange dupwapeko wasisi silyamo. Bange kandenge dee mendeme kanda nangepe Imambu dupwape kiŋi dupwape kamongo dupwape gapomane dupwape baa ketako pyuo ingiyamopa banyako silyamo.

Kolosi 1:20

Anatumi yuu muu peparaena rekya lasi siyamo doko banya Ikinyingi keta dee nyuo mendakiya. Yesumi isa mamandona ranjama kulimbuo kumuo paleya dokome Anatumi yake yuupi peparae baa keta sukusa nyiya.

Kolosi 3:11

Yulu enenge dokome Juu Girikipi ingyuo kingi see nara. Yanenge kalomengepe kaloma nangepe rara wakale wakalepe kingi mende see nalyamo. Dee kendemandepe mee karengepe ingya nara. Koraisa baa keta peparaena keta karengeoko dokome wakale mende yangya nara.

Ipuru 1:2

Epapu yuu gii repetale lumwa pira ingyapyamopa banya Ikinyingi keta pii langiya. Anatumi Ikinyingi keta yake yuupi wasapala karo dupwa peparae banyaŋa lapala baa maira ingilyamoko.

Ipuru 11:40

Doko Anatu yulu keyange mende lao reteya dokona nakama namwa pipya angi poo pyasi ingyuo role pyao parama suu piya.

Ipuru 9:10

Lowa wambarae dupwana nengepe ipwape dee Juu wambunya wate pingi yulu dupwanape lao waso kareyami dupwa yanengena lowa iki ingiya. Lowa wambarae doko mee kingi wai lete lao minyaro kareyaminyipape enakana angi doko epara ingiya.

1 Pita 1:20

Yuu muu dupwa ene wasapa nayamopa Anatumi Yesu rombo palyiyamopa baa yuu gii repetale lumwa piramo mange dokopa nakamana lao epo paneya.

Orepalaisane 5:9

kenane enenge mende dopa lao piyami. Embame iki kapa ingyapyamopa buku rongo pisi doko nyepala bange porai upi laro palenge dupwa kapa rokwanyi nembare ingilyamo. Emba pyao kumakayamisa embena ranjama dokome wambu dupwa Anatunya lao ropo pyao nyepala kinyi rara wakale wakalepe pii wakale ingyuo lengepe dee wambu rara peparae Anatunya arapunya nyuo palyii.