Emosa 8:9 - Anatunya Buku Baepole Ole Testamene Pii Lapo dee Nuu Tesamene

⁹ Yuu gii mende eparamo dokopa andawai korakama neta karara doko kaepala anda pao alemanji ingyuo yapa sii pyuo yalyinya laro. Korakama neta rao karenge gii dokopa yuu doko iminjo umi ami lena laro. Lao, Namba Kamongo Mupwa Andake Wakasa karenge dokome pii dake lapunu pilyamo, leya.

Emosa 8:9 ပူးပေါင်းရင်းမြစ်များ

Jopo 5:14

Nakama mee korakama karelyaminyipape kata angi doko kukwama ingilyamo karenge.

Jeremaya 15:9

Enda mendena wane yanda ipingi nyepo kumapyasa baa lulaka pao pembetoko pyapyasa popo nembalana saka nalyamo. Baa eŋa nembo petenge dopa pyuo pisa napala mona rumbingi petamo. Nakama lapo pyapa nalyaminyi dupwa Kamame yanda pimwai keta nyuo mapi sero dokopa pyarami. Pii dusipa namba Kamongo dokome lapusa pilyamo.

Emosa 4:13

Anatu baame iki yuu kyau dupwa pyuo waso porambaiye dupwa pyuo piya. Baame banya suu pingi dupwa akali dupwa soo nyinya lao lamaingi. Baameko yuu yango karenge doko iminjinyi lao alowa pingi. Baa yuu muu dupwana kyawa nyuo kata papingi. Dopa pingi dokona kingi doko Kamongo Anatu Porai Wakasa lenge.

Emosa 5:8

Kamongo dokome bui kingi Pelaetesepi Orayonepe dupwa wasiya. Baameko yuu iminjingi doko yangena lao yangenge doko iminjinya lao pingi. Dopako pyuo baame ipwa kota dupwa pulyuo epena lao nyepala dee apunda ingyuo kulimbwanyi yuu dokona isa peenge. Banya kingi doko Kamongo ingyuo palena.

Maeka 3:6

Nakama dopa pyuo nambana wambu kando rapu pyaka nao kata koo lasaka pyakao karaminyi. Dokona nakama keta ene piramo dupwana pii repa repa pyuo kanda narami dee nakamame yulu dopa pira ingilyamo laope kapa laa narami. Poropeta dupwa nakamana yuu gii doko repe otelyamo. Nakamana yulu isa pao kaepyamo karaminyi.

Matyu 24:29

Randa andake nao kararami gii doko otaramopa aopa neta doko raa napala iminjowape, kana doko raa nao, bui dupwa yake dokona piso kondo isa epo karo yake bange porai dupwa romo romo pyuo pyuo karara.

Matyu 27:45

Andawai korakama towalo keloke piso yuu dupwa iminjiya. Kwuarao karo neta damasa peyamo sere keloke dokopa yuu yangeya.

Make 15:33

Enakana andawai korakama towalo keloke dokopa yuu dupwa iminjiya. Kwuarao karo karo pao seri keloke dokopa yuu yangeya.

Luku 23:44

Yuu gii dokopa andawai korakama towalo keloke piso yuu dupwana iminjiya. Neta damasa penge sere keloke ene pyaka sepa nayamopa

Orepalaisane 6:12

Sipisipi Ikyane dokome isa roome pepa upi lasi pakinyamange doko nyuo lumbuya. Dokona dee kandeyono dokopa yuusili andake minyiya. Dokopa neta doko alowa pyuo nyuu byake rokwasi wambarae pupuri dopale ingiya. Dee kana doko kone pyuo ranjama dopale ingiya.

Orepalaisane 8:12

Aŋala kisima doko bikuli leyamo dokopa neta kana dokonape dee bui dupwanape kanya remasa lao rombo pyao liti piyamopa liti mendaki dokona larapu iminjapa piya. Dopako pyuo kukwa doko remasa lao liti piyamopa dokona liti mende iminjo, dee korakama doko dopako piyamopa dokona liti mende iminjo piya.