Emosa 7:4 - Anatunya Buku Baepole Ole Testamene Pii Lapo dee Nuu Tesamene

⁴ Kamongo Mupwa Andake Wakasa karenge dokome renge mendeko namba lasaka piyamo kandeyo. Kandeyono dokona Kamongo dokome banya wambu dupwa isarena pyao yangalana rapa rapa piyamo kandeyo. Isare dokome yuu kokorena ipwa kota andake doko reyamo kandeyo. Rao epo yuu dake ralana kanda soo reyamo kandeyo.

Emosa 7:4 ပူးပေါင်းရင်းမြစ်များ

Joele 1:19

Isareme rapala pinginyili pyuo rambipi isape yando nelyamo. Dopa pipyasa nambame Kamongo emba keta ee lao piso silyu.

Joele 2:30

Repe repe lamaiyuo dokopa yake dulunya yulu andake wambu dupwame kando yamarangwarami dopale pyuo isa yuu dokona wambu kandena lao yulu andake lapo lasaka pyuo piru. Ranjama kulimbuo soo isare rao isare sukwa doko kopa soo rali pyuo pira dusipa kandena lao lasaka piru.

Emosa 1:4

Dokona lao anda kiŋi Aseyele piyamo dokona nambame isare mende peyaro. Peyo kiŋi Benatate banya kana kame piyamo doko yanganyi nembo piru, leya.

Emosa 1:7

Dokona lao nambame yuu taone andake Gasa dokona kame dokona isare peyaronopa kame porai doko rao otara.

Emosa 2:5

Dokona nambame isare yuu Juta dokona peyaronopa Jerusaleme kana kame porai doko rao lalyara.

Emosa 4:11

Kamongo dokome dopa lamaiyuo, Nambame yuu Sotoma Gomorape pyao kokwa sinyi nembeyo dopale ingyuo nakama lapo pyao kokwa sinyi nembeyo. Nakama lapo pyarepala peyami dupwa poo rao pao isa mende rao wapu lenge dopale ingyapala lete peyami. Dopa piyunupape nakamame namba kareyo dokona kapu kyuo epa nayamiko.

Emosa 5:6

Nakama Kamongo karara dokona papala lete karalapape. Doko kaepala paa narami ramo doko baa isare kekenge dopale ingyuo nakama Isaraele wambu dupwa keta epara. Isare dokome nakama yuu Betele wambu dupwa rao otara. Dokopa mendeme isare doko kapa kunja nara.

Emosa 7:1

Kamongo Mupwa Andake Wakasa karenge dokome renge mende namba lasaka piyamo pii repa repa pyuo kandeyo. Kandeyono dokona akali yulu pingi dupwame rambi isoko kiŋi mairami dupwa pyakepo oteyami. Oteyaminyipa renge dokona rambi enenge kene piyamo dokopa Kamongo dokome aimbu malu mee peeyamo kandeyo.

Emosa 7:7

Kamongo dokome namba renge wakale mendeko lasaka piyamo kandeyo. Kandeyono dokona Kamongo doko anda dokona apya repeta roya kareya. Akali dupwa peparaeme anda puu minyuo rolae panda kyai lao kandenge puu ane kuki peteta doko minyuo anda pyaminde Kamongo dokome puu doko minyaro kareyamo nambame kandeyo.

Maeka 1:4

Papiramo dokopa yuu kyau moko kararamo dupwa rao lili lao ipwa ingyapala yuu lama lama dupwana kyau ipwa lyuo epele lao epara.

Dutaronome 32:22

Nambana imbu singi dokome isare kekenge ingyuo boletoko lapala isa yuunya bange peparae rara. Dopa pyuo rao isa yuu koko dono kando nyepala yuu kyau dupwana pingi moko minyuo rara.

Ipuru 1:7

Baa aŋala dupwa suu pyao dopa leya. Nambana aŋala dupwa porambaiye dopale ingyuo pena lao kendemande dupwa yulu poo rele lao pinya lao mairu, leya.

Orepalaisane 4:1

Dokopa pii repa repa wakale mende piyamo kandeyo. Yake panda dorena kambu dowa mende lumbwaro kareyamo kandeyo. Kandeyo dokona pii romende bikuli pii ingiyamo wamba siyu doko dee kambako epo, Emba pulyuo ipu. Eparenepa yulu enakana pirami dupwa lasaka piruwale leya.