Emosa 5:4 - Anatunya Buku Baepole Ole Testamene Pii Lapo dee Nuu Tesamene

⁴ Kamongo dokome Isaraele wambu dupwa lamaiyuo, Nakama namba keta ipupwape. Epapala dokopa nakama lete kararami.

Emosa 5:4 ပူးပေါင်းရင်းမြစ်များ

Samu 14:2

Kamongome yake dorena piso akali mendemepe mona palyuo baa kingi wapambupi lakao kingi letamipi lao kando karamo.

Samu 22:26

Pendewa dupwa nenge nalana suu pyarami dupwa nakonda pirami. Wambu Kamongo keta eparami dupwa baa lakandarami ingilyamo. Dopa pyuo nakama yuu dokona yulu pyuo nenge nao kapa palyuo karalu karena.

Samu 27:8

Kamongo emba karo dokona epo kingi wapambupi lakao lao pisi ipu lapinyi dokopa isingi lao, Kamongo namba eparowale, lapu.

Samu 69:32

Pendewa dupwame doko kandaraminyi dokopa raeme kumarami. Dopako pyuo Anatu kingi lenge wambu dupwa dokome porainyi pyambwaramo larami.

Samu 69:33

Kamongome bange yano pilyamo karelyaminyi dupwana pii doko soo nyuo dee banya wambu karapusi palenge dupwa kame see naowako karo pingi.

Aisaya 31:1

Nakama yuu Isipi nyisinya lao pelyaminyi dupwa kumuo rumbyuo parami. Nakama Isipi yanda singi malu porai renge palengepe mena osepe mena ose ipyuo papingi uliulipi yanda singi dupwape kandapala nyisaramiŋi lao suu pyao mona maiyuo pelyaminyi. Dopa pipala Isaraelena Kamongo Anatu poo pyasi dokome nyisaramo kararama lao pyamalyuo paope dee baame nyisinya lao piso soope pii nalyaminyi.

Aisaya 55:3

Nambana wambu dupwa pii leto dakepa sepala namba keta ipupwape. Dopa pyuo namba keta epo lete karenge renge nyerami. Dokopa nambame kana minyuo lenge pii sulu sera mende nambame Dapiti kando elyape keta pisaro lao lalu lao leyono dokona elyape keta pisingi renge doko nakama jeroko.

Jeremaya 38:20

Nambame lao, Emba nakamana kingi rakana palya nara. Nambame emba piso sokondali pyuo lao, Kamongo dokona wai pii doko warombo sepe. Dopa pirinyi dokopa bange peparae dupwa emba keta kapa ingyuo paramopa emba range kyawa lete pare.

Isikiolo 18:9

Akali dopale dokome namba letonuli pyuo lowa dupwana mondo lao minyingi. Baa rolae pingi dokona yuu gii andarele karara. Kamongo Mupwa Andake Wakasa dokome dopa letamo.

Emosa 5:6

Nakama Kamongo karara dokona papala lete karalapape. Doko kaepala paa narami ramo doko baa isare kekenge dopale ingyuo nakama Isaraele wambu dupwa keta epara. Isare dokome nakama yuu Betele wambu dupwa rao otara. Dokopa mendeme isare doko kapa kunja nara.

Matyu 7:8

Dokona lao piso singi wambu dupwame kapa nyingi, kotenge wambu dupwameko kando nyingi, kambu kapakapa pirami dokopa lumbwakamira.

Dutaronome 32:46

dokopa baame lao, Nakama epapu mawa pii dapwa peparae langilyu dupwa warombo soo minyuo pyuo karamape lao kandokondali pyuo karalapape. Dopako pyuo nakamana wanenge ikinyingipi dupwame Anatunya mana pii peparae yaki nyii nao rape rape lao minyarami lao nakamame nakama kamba lamaiyuo lamaiyuo pirami.

Dutaronome 32:47

Mana pii dapwa mee pii yeelyo ingya nalyamo. Pii dupwame nakama palyuo kararami dokopa pingi pyaramo kararami ingilyamo. Dokona pii dupwa warombo soo rape rape lao minyuo karapala nakama ipwa Jotane yalo yuu nyuo palya panya pilyaminyi dokona yuu gii malu palyuo kararami ingilyamo, leya.

Dutaronome 4:29

Dokona nakamana Kamongo Anatu doko koto kandarami. Nakamana mona suu pingipi dupwa peparaeme poraiyuo suu pyao kararami ramo doko koto kando nyerami.