Emosa 5:2 - Anatunya Buku Baepole Ole Testamene Pii Lapo dee Nuu Tesamene

² Isaraele doko enda mapwae akali mare kanda nange dopale kandale doko sipurao epa nao isa pao palu palyuo palamo. Mendeme nyuo sukusa pyambwa naminyipa isa pao palu palyuo palamo doko mendeme baa nyiso minyalyuo nyii nara ingilyamo.

Emosa 5:2 ပူးပေါင်းရင်းမြစ်များ

Aisaya 43:17

Baame ami yanda singi poraipi uliuli mename ipilyamo piso papingipi mena osepe peparae pyao kokwa soo nembo oteya kande. Nakama isa paleyaminyi doko lambe puku lapala kunjapala raa nalamuli pyuo nakama kamba lete sipurao epa nao isa palu palyuo paleyami.

Jeremaya 14:17

Kamongo dokome nambana mona rando karapunu dokona wambu dupwa lamairi doko pii dapwa lamaipi, langiya. Nambana wambu dupwa wua kakupi piso kopeta kapeta pyami dokona kukwa korakamape ee dupwa palyamo kata pali naramopa lao kararo ingilyamo.

Jeremaya 18:13

Kamongome lao doko, Isaraele wambu dupwame renge ama koo wakasa lapo pilyaminyi. Renge dopale yuu liti wakale dupwana pyaka siyape lao piso sepe.

Jeremaya 2:27

Nakamame lao, Isa doko namwana rakane dee kana doko namwana endangi letaminyi. Dokona nakama peparae elya nyerami. Dokona nakamame namba mata jepala namba karo dokona kapu kyuo epa naminyidokona dake pipalako kaeyaro. Dopa piminyipape nakama randa nyepala dokopa nambame nakama kyawa lete nyele ipu lao piso singi.

Jeremaya 31:4

Nambame nakama dee kamba dopona pili lao andanyi pyambwaronopa nakama nakamana lakuli nyepala pyao rae maiyuo mali lyuo wamya lyuo pyakalyuo pyao kararami.

Jeremaya 9:21

Kumungi renge doko namwana windowa kata dokona kolando epelyamo. Epo namwana kiŋinya anda kambu dokona epelyamo. Epapala yuu taone kata barete andake dupwana wane wanakepe karaminyi dupwa pyao nyilyamo. Dee makete yuu dupwana akali parange karaminyi dupwa epo pyao nyilyamoko.

Osia 14:1

Isaraele wambu dupwa nakamana Kamongo Anatu karamo dokona kapu kyuo pupwape. Nakamana koo dupwame nakama lukumakapala pao palimi kandape.

Osia 6:2

Yuu gii lama remape epo paparamopa baame namwa lete nyeramopa baamoo pipya karalomano.

Emosa 8:14

Dopa piraminyi dokopa wambu lapome yuu Samaria dokona kingimi wasisi anatuŋu lenge dupwa kando pii lalu lao lenge dupwa yuu Dane dokona anatu dokona kingi lao yuu Biasipa dokona anatu dokona kingi lao letamano lao lao karaminyi. Doo lao karaminyi dupwa kumarami doko dee lenge rao sipura narami, Kamongome leya.

Emosa 9:11

Kamongo dokome dopa letamo. Dapitinya rara dokona kiŋi yulu doko anda lalyisi kwaeyo singi dopakale ingyuo silyamo. Dokona lao yuu gii mende pyaka solopyamo dokopa anda lalyuo kwaeyasi isa andopaepe peparae minyalyingi dopale ingyalopyamo. Dokopa yuu wamba Dapiti kareyamo yuu siya dopale ingyara.