Emosa 4:9 - Anatunya Buku Baepole Ole Testamene Pii Lapo dee Nuu Tesamene

⁹ Nambame poo rambaya rakusi renge mende ee jingi dupwa rakusi rena lao peyo. Aimbu dupwame nakamana girapo eepe isa pikipi isa olipi dupwa nao lembeke nyinyi reteyaminyipape nakamame namba keta kapu kyuo epa nayami.

Emosa 4:9 ပူးပေါင်းရင်းမြစ်များ

1 Kiŋi 8:37

Dopa pipala yuu dakena lopo andake seramo panda wambu peparae yanyi andake pyaramo panda poo raiya andake minyapala ee dupwa kumaramo panda aimbu malu ee naraminyi panda embena wambu dupwa nakamana nyisu petenge dupwame pyalana piraminyi panda yanyi angape nakama keta palira dokopape

Aisaya 1:5

Isaraele akipamo embame yanda pimwaiyuo puu pelepe. Emba dee kamba yasu kee letepe? Isaraele embena kyawa dorena wua kakupi nyuo pisapala mona suu pingipi dorena kumapyamo karene.

Osia 11:5

Nakama namba karo dokona kapu kyuo epa narama lao kamba letaminyi dokona Asiria wambu dupwame nakama rapu piraŋa yuu Isipi dokona kapu kyuo parami.

Joele 1:4

Aimbu ambo dupwa epo ee jingi dupwana minyarambuyami. Ambo mendeme neyamo pyarepala peya doko ambo enakaya nao dee dokome neyamo pyarepala peyamo doko mendeme nao piyami.

Joele 1:7

Nakamame namwana isa girapo marange dupwa kokwa simi dee namwana piki isa dupwa nao rango pyanyi nembami. Dopa pyuo isa yanenge nao rekya lao nembaminyisa wangya dupwa kuli kewa lasi karaminyi.

Joele 2:25

Aimbu malu dupwame nakamana ee jingi nao oteyaminyi ee kana dupwana nakamana bange isa peyamo peteyami dupwa nambame nakama yano pyakao jero. Doko nambame aimbu malu dupwa nakama keta peeyo lyakande.

Emosa 4:6

Nambame yuu taone peparaena lopo sinya leyo dokopa nakama keta nenge see nayamopape nakama kuki perala mona kapu kyaa nayami, leya.

Emosa 4:8

Kamongome dopa lamaiyuo, Yuu taone mendasipana palenge wambu dupwa ipwa nano dokome lokerapo leyasa ralo yuu taone mendena ipwa serali lao peyami. Peyaminyi yuu dupwana ipwa mendasa narami ingya nayamo doko soo kandapala dokopa namba keta kapu kyuo epa nayami.

Apakuku 3:17

Isa piki dupwa jingi lyii naramopape dee isa girapo jingi dupwa lyii naramopape dee isa olipi dupwana jingi lyii naramopape dee ee dupwa jingi lyuo pii naramopape dee sipisipi dupwa peparae kumuo otaraminyipape dee bulamakao karenge panda dupwa apa seramopape

Malakae 3:11

Nakamana ee jingi dupwa kau kuki dupwame nao kwaena laa naronopa nakamana isa girapo marange dokona jingi malu mee lyera.