Emosa 4:8 - Anatunya Buku Baepole Ole Testamene Pii Lapo dee Nuu Tesamene

⁸ Kamongome dopa lamaiyuo, Yuu taone mendasipana palenge wambu dupwa ipwa nano dokome lokerapo leyasa ralo yuu taone mendena ipwa serali lao peyami. Peyaminyi yuu dupwana ipwa mendasa narami ingya nayamo doko soo kandapala dokopa namba keta kapu kyuo epa nayami.

Emosa 4:8 ပူးပေါင်းရင်းမြစ်များ

1 Kiŋi 18:5

Dopa piyamo dokopa kiŋi Ayapeme Opetaya lamaiyuo, Mena dongepe osepe dupwana rambi lapo kapa nao kararami lao ipwa guu lao epengepe ipwa ponape peparae dupwana mende silyape lao koto kando bwua, leya. Lapala lao, Mende ramo nambwana mena dupwana lapo pyao naa naramba, leya.

Jeremaya 23:14

Dopa piminyipape yuu Jerusaleme dokona poropeta akali karaminyi dupwame yulu koo ai pingi doko piminyi kandelyo. Nakamame enda kepo pipala pii kyambo letaminyi. Wambu dupwa yulu koo pinya lao kata lasaka pyuo karaminyi dokome wambu mendeme yulu koo dupwa yaki nyii narami ingilyamo. Nambame kandapu dokopa yuu Sotoma Gomora dolapona koo piyaminyi dopale manda manjo pelyamo.

Osia 11:5

Nakama namba karo dokona kapu kyuo epa narama lao kamba letaminyi dokona Asiria wambu dupwame nakama rapu piraŋa yuu Isipi dokona kapu kyuo parami.

Emosa 4:6

Nambame yuu taone peparaena lopo sinya leyo dokopa nakama keta nenge see nayamopape nakama kuki perala mona kapu kyaa nayami, leya.

Maeka 6:14

Nakama nenge naraminyipape sikya pii napala mee yango nano nano piramo kararami. Nakamana pinji dupwa nyakarami lapala soo pelyamano lao paraminyipape kapa wai rombo nyii narami. Pinji lapo range nyuo parami dupwa nambame yanda pipala pyao kokwa sinya laro.