Emosa 4:2 - Anatunya Buku Baepole Ole Testamene Pii Lapo dee Nuu Tesamene

² Kamongo Mupwa Andake Wakasa karenge baa poo pyasi dokome pii lalu lao lao dopa leya. Kinyi kinyi leto yuu gii mendasipa pyaka sera. Pyaka seramo dokopa nakama koe anga serapala dokona ukunya ingyuo lyeraminyipa wambu dupwame nakama ipyuo nyuo parami. Nakama peparae mendaki mendaki lao oma ingyuo ukunya kareta pele laro kararaminyipa nyuo parami, leya.

Emosa 4:2 ပူးပေါင်းရင်းမြစ်များ

Samu 89:35

Nambana kingi poo pyasi dokona lao yuu gii mendakisa leyo doko yuu peparaena ingyuo pena lao lalu lao leyonosa piya. Doko Dapitipa kyambo ingyuo pena lao pii naro.

Samu 89:36

Yuu peparae banya para pyao pyaramo dupwa rembe naa naramopa banya kiŋi yulu doko nambana lenge kambu dokona neta rao karamo dopale ingyuo soo puu para.

Isikiolo 34:16

Nambame isa pelyaminyi dupwa koto karo neta puu pao otasi dupwa nyuo lanyuo epo rete pira dupwa yaki pyakamyuo anga pyara dupwa lete nyuo pyuo kararo. Dopa pirunupape wambu rondo lasipi porai ingyuo karaminyipape dupwa pyao kokwa sinyi nembaro. Renge doko namba sipisipi rapu pingi ingyuo karo dokome rolae doko anjuku lao mee dopa piru ingilyamo.

Emosa 6:8

Kamongo Mupwa Andake Wakasa Ama Porai karenge dokome repe repe pii dapwa poraiyuo letamo. Isaraele wambu dupwa range mupwa lao suu pyao moŋo kyaŋe singi dokona nambame epe naso karo. Nakamana anda ama reeko keyange wakasa dupwa ipyalyo. Dokona nambame wambu dupwana taone andake mupwa dokope dee dokona bange silyamo dupwa peparaepe nakamana wambu yanda pimwai dupwa keta mairu, leya.

Emosa 8:7

Kamongo, Isaraele wambunya Anatu dokome pii kana minyuo lalu lao lao, Nambame Isaraele wambunya yulu koo dupwa kame see napala suu pyaro kararo.