Emosa 3:7 - Anatunya Buku Baepole Ole Testamene Pii Lapo dee Nuu Tesamene

⁷ Kamongo wambu dupwana mupwa ingyuo iso karenge dokome yulu peparae pinya dokopa banya kendemande poropeta akali dupwa wambo panao lamaingi.

Emosa 3:7 ပူးပေါင်းရင်းမြစ်များ

Jenesese 18:17

Dokopa Kamongome baa range lao, Namba mende pirono doko Aporakame lamai napala kalyamo pirolya silisi laosuu piya.

Jenesese 6:13

Dokopa Anatumi Noa lamaiyuo, Wambu peparae rembe nanyi nembalana lao suu pyao kaelyo. Pyakandenge yuu soo karaminyi dokome yuu doko nakama pipya kokwa soronaŋa kandape, leya.

2 Kiŋi 22:13

Papala buku dakena mana letamo dokona lao Juta wambu peparae dupwana laope dee nambana laope Kamongo doko piso sakalapape. Namwana rora ambasu dupwame buku dakena pinya leyamo dupwa pii nayami dokona Kamongo dokome namwa pipya imbwualyamo.

2 Kiŋi 22:20

Namba randa mende Jerusaleme peyaro doko emba kumaparenepa peyaro. Nambame emba mee manda rao kuma lao kaeyaro. Akali dupwame wai pii doko minyuo kapu kyuo kiŋi Josaya peteyamo dokona epeyami.

2 Kiŋi 6:12

Mendeme dokona isingi lao, O kiŋi andake doko, mende Isaraele role pyao kara nalyaminyi. Poropeta akali Ilaisame emba iki embena urumu dokona piso pii elya kalo lenge doko Isaraele kiŋi doko lamaingi, leyami.

Jeremaya 23:22

Nakamame nambana suu pingi yalu pyuo silyamo dupwa simili doko nakamame nambana pii dupwa nyepala nambana wambu dupwa polo lamaikaraminyipa Satane yulu dupwa yaki nyuo kaeyo karo yulu koo pyuo karaminyi dupwa alowa pyuo kaeyamili.

Daniele 2:47

Embame nambana kombeyana renge angi dokona polo langipinyi dokona embena Anatu doko kamame andake wakasa mee bange anatu dupwa nyuo isa palyuo baa Kamongo kiŋi dupwana baa ketae ingyuo karenge dee baameko kombeya renge angi dupwa panenge doko soo nyilyu, leya.

Jone 15:15

Kendemande akali dupwame nakamana kamongo dupwa apa pilyaminyi lao soo gisa nange renge dokona nambame nakama kando kendemande ingyuo karaminyi lao laa nalyo. Laa napunupape nambana Rakane pii namba langiyamopa soo nyiya dupwa peparae nakama polo langyuo karapu dokona nakama nambana puu minyingi lalono kandapi.

Orepalaisane 1:1

Anatumi Yesu Koraisa dokona pii polo lamaiyamo doko dakena pyasi palamo. Yulu oo repeta pyaka selana pilyamo dupwa Koraisa banya yulu pyakamaingi wambu wambo lasaka pinyale lao Anatumi baa lamaiya. Koraisame banya yulu akali Jone soo karena lao banya aŋala mende lamaiyala pena leya.

Orepalaisane 1:19

Kandalene dupwape dakepale kando karene dupwape rengya pyaka seramo dupwape pepana pyao retape.

Orepalaisane 10:7

Dopa piramo dokona aŋala yanda ipingi dokome bikuli lara dokopa Anatunya pironya lao poropeta akali dupwa lamaiyamo doko angi pyaka silyamo leya.

Orepalaisane 4:1

Dokopa pii repa repa wakale mende piyamo kandeyo. Yake panda dorena kambu dowa mende lumbwaro kareyamo kandeyo. Kandeyo dokona pii romende bikuli pii ingiyamo wamba siyu doko dee kambako epo, Emba pulyuo ipu. Eparenepa yulu enakana pirami dupwa lasaka piruwale leya.

1 Samyuele 9:15

Kwuaka yuu gii dokopa Kamongo dokome Samyuele lamaiyuo lao,