Emosa 3:1 - Anatunya Buku Baepole Ole Testamene Pii Lapo dee Nuu Tesamene

¹ Nakama Isaraele wambu dupwa peparae Kamongo dokome Isipi piso nyuo lanyuo epeya. Dokona nakamana lao baame pii dake langilyamo selapape.

Emosa 3:1 ပူးပေါင်းရင်းမြစ်များ

Aisaya 46:3

Isaraele rara dokona rembe nanao palaminyi Jekopena para pyasi dupwa nambana pii dake selapa. Nakama romba anda paleyaminyipape dee manjinyi peyaminyipape nambame rapu pyuo karo andanyi pyambuyu kande dokome letoŋo.

Jeremaya 31:1

Kamongo dokome lao, Namba Anatu Isaraele rara peparaena ingyaronopa nakama nambana wambu ingyarami yuu gii doko repeta epelyamo.

Osia 4:1

Isaraele wambu nakama Anatunya pii epelyamo dake selapa. Kamongome Isaraele wambu nakama yuu dakena palaminyi dupwa pipya apiyanda pii ingyuo letamo. Yuu dakena wambu dupwame namba yaki nyuo mona reta nao namba Anatuŋu lao soo nyii nalyaminyi.

Osia 5:1

Nakama purisi dupwa dake selapape. Isaraele wambu dupwa pii dake kale yukupala selapape. Nakama kiŋinya ree palu dupwa selapapeko. Nakamame kote dupwa rolae lapenge lyakande. Dokona nakama keta kote palira ingilyamoŋo kando karalapape. Yuu Misipa yuu kyau Tapo dolapona nakamame wambu nyuo koo keta palyalana anga pyuo kone makasi ingyaro silyaminyi.

Emosa 2:10

Nambame nakama yuu Isipi piso neta nyuo lanyuo epeyo. Epapala ee kana akalisa pao kisima nembo yuu muiyane dokona laminyuo epeyo. Epapala dokopa Amo wambunya yuu doko nakamana inginya lao nyuo jiyu, kande.

Emosa 4:1

Samaria enda dupwa nakama pii dake selapape. Nakama mena bulamakao yuu Basane dokona karenge dupwame nenge malu napala ando kameya ingyuo rondo lenge dopale ingyuo rondo lasi mee dolapo petaminyi. Nakamame wambu porai renge palya nange dupwa pyuo kopetame pisilyaminyi. Wambu pendewa dupwa randa maipala nakamame wambu dupwa kuki perala konda nalyaminyiko ama daa. Nakamame nakamana akali dupwa kando dopa letaminyi. Ipwa biya malu nao sepake lalana kaeya nao minyakao ipupwa letaminyi.

Emosa 5:1

Nakama Isaraele wambu dupwa pii dake selapape. Wambu malu pinya yanyanda mareta piso ee romo lenge dokoreke doko nakamana lao leto, leya.

Maeka 2:3

Dopa pilyaminyi dokona lao Kamongome dopa letamo. Nambame nakama keta randa andake mende jero lao lao palyilyu dokona nakama mendali lete pao awa pii narami. Yuu gii dokopa nakama keta keyange ingya nao randa palira dokopa nakama keta rolae pingi lao suu pyao karaminyili pyuo kara narami.

Maeka 3:1

Isaraele lita dupwa nakama pii dake selapape. Nakama yulu rolae yapasi dupwa pepengele doko kaepala

Orepalaisane 2:29

Kale kata singi ramo dokome Imambumi Elyambu Pingi dupwana pii lamailyamo dupwa kale yukupala selapape. Ote.