Emosa 1:3 - Anatunya Buku Baepole Ole Testamene Pii Lapo dee Nuu Tesamene

³ Damasakesa wambu dupwame yulu koo doko kamba pyuo kamba pyuo pilyaminyi dokona nambame nakama kaeya nao randa mairu, Kamongo dokome leya. Nakamame Giliate wambu kopetame minyuo koeya siyamiŋi.

Emosa 1:3 ပူးပေါင်းရင်းမြစ်များ

1 Kiŋi 19:17

Pipala wambu mendali kiŋi Aseyele dokome randa maiyuo pyao kumaka nara ramo doko kiŋi Jiyumi pyao kumakara. Dee wambu mendali Jiyumi pyaa nara ramo doko Ilaisame pyao kumakara.

Jopo 19:3

Yuu peparae embame namba mona randanyi pyambuo elya pali napala namba mona kendanyi pyambuli lao lao puu pelene.

Jopo 5:19

Yuu gii pao epo piramo dupwa peparaena emba koo keta palirinyi lao kyawa minyuo karenge.

Poropepe 6:16

Kamongome bange yanda ipingi nyepo epe kanda napala daa lalu lao lenge. Wambu kandamili kandamili lengepe pii kyambo lengepe wambu koo pii nalyaminyi kingimi pyao kumungipi suu pinginya suu pingi kopetame yulu pipuli lao suu pingipi koo pelana wangu lakapala makando pengepe mendali kando nembo nembo pii minyuo kyambo lakamingipi dee akali mendeme banya puu minyingi dupwa pipya pyakandanyi retengepe dupwana Kamongo doko kando epe kanda nange.

Ekelesiyastisi 11:2

Emba isa yuu dakena koo mende piramopa apa pyuo embone kara nare lao emba see nalene dokona embena kana dupwame bisinase wakale wakale pyuo byange wakale wakalena retape.

Aisaya 41:15

Nambame nakama isa warake dokona nenge pyao injingi dopale inginyi pyambwaro. Isa warake dokona pirimi yale nenge karenge dupwa potemaro karara. Nakamame yuu kyau dupwa pyao injo kokwa soo nembarami ingilyamo. Yuu manda kuki dupwa inji ranji pyuo sinjimu inginyi nembarami.

Aisaya 7:16

Yuu gii doko pyaka sepa naramopa akali doo kiŋi lama dolapome emba paka renge jilyambinyi dolapona yuu doko apa nao kwaeyasi sera, leya.

Aisaya 7:8

Akipamo dopa letope? Renge doko Siria wambu dupwa Damasakesa wambu taone mupwa doko manda manja nara. Dee Damasakesa doko baa porai ingya naramopa kiŋi Oresene baa poraili ingyuo karamo. Dopa pyuo silyamo dokona Isaraele wambu dupwana lao ee kana 65 paparamo dokopa penge kamba sinya ipwa pele lapala dusa kata serandena minyuo rali pipala yuu liti doko angingyuo see nara, leya.

Aisaya 8:4

Lao dokopa lao, Wane doko ene ando anyi rakane lapa naramo mange dokopa Asiria kiŋi dokome Damasakesa wambu Samaria wambupinya yuu dokona epo pyao andambupi nao pyapala apa nao nyuo parami, leya.

Emosa 1:11

Kamongo dokome dopa leya. Yuu Itome range wambu dupwame yulu koo doko kamba pyuo kamba pyuo karenge dokona nambame nakama randa mairu, leya. Nakamame nakamana yangonge Isaraele wambu dupwa mena rae lenge pyalaminyili pyuo roko nyinyi palyuo pyao kareyami. Dopa pyuo piyaminyipa saka renge mende nakama keta pali naya. Nakamana imbu singi doko ipwa ingyuo guu lao kareya. Dokome kame soo kaeyarami ingya naya.

Emosa 1:13

Kamongo dokome lao, Yuu Amone range wambu dupwame yulu koo doko yaki nyii nalyaminyi dokona nambame nakama angi randa mairu. Nakama yuu liti wakale mendena doko nyelana yanda pyuo dokopa yuu Giliate range enda wane paleta dupwa pyao pyarokapapu pipala reteyami, leya.

Emosa 1:6

Kamongo dokome leya. Gasa wambu dupwame yulu koo kamba pyuo pyuo pilyaminyi dokona nambame nakama angi randa mairu. Nakamame wambu rara mende peparae lanyuo pao Itome wambu dupwana kendemande ingyuo karena lapala maipala kana nyiyami.

Emosa 1:9

Kamongo dokome dopa leya. Yuu Taya range wambu dupwame yulu koo doko pyulu pyuo pilyaminyi dokona nambame nakama randa mairu. Nakamame wambu rara mende peparae yuu Itome dokona karapusi ingyuo lanyuo peyami. Nakamame wambu dupwa pipya puu minyuo karalu kararama lao lalu lao leyami doko masa nao piyami.

Emosa 2:1

Kamongo dokome lao, Moape wambu dupwame yulu koo doko pyuo sulu silyaminyi dokona nambame angi nakama randa mairu, leya. Nakamame kiŋi yuu Itome range dokona kuli doko nyuo yanganyi nembo banya kingi doko nyuo mee bange inginyi nembeyami.

Emosa 2:4

Kamongo dokome dopa leya. Juta wambu dupwame yulu koo doko kamba pyuo pyuo karaminyi dokona nambame angi nakama randa mairu. nakamame nambana mana pii dupwa awa nale lao dee nambana mawa pii dupwa minyaro kara napala kupyuo yaki nyingi. Nakamana rora ambasupi dupwame mee bange lapo anatuŋu lao kingi lao kareyaminyi suu pingi dokonako pyulu pyuoko pelyaminyi.

Emosa 2:6

Kamongome dopa lao, Isaraele wambu dupwa yulu koo doko kamba pyuo kamba pyuo karaminyi dokona nambame nakama angi randa mairu, leya. Isaraele wambu dupwame akali rolae karenge kana aeya nalyamopa kuki mendeme kimbu suu kana kuki penge dupwa ropo pyaramana laope sera nange dupwa kendemande ingyuo karena lao kana nyuo karapusi pyuo nembelyaminyi.