Ekesetase 8:8 - Anatunya Buku Baepole Ole Testamene Pii Lapo dee Nuu Tesamene

⁸ Piyaminyi dokopa kiŋi Peraome Mosese Eronepa epena lao kee lapala dopa lamaiyuo, Kamongome mungi dupwa nyuo nembakana lao ateŋa lalapape. Dopa pirambinyi dokopa nakamana wambu dupwame mena pyao kiso Kamongo mairami lao nambame nakama pena laro, leya.

Ekesetase 8:8 ပူးပေါင်းရင်းမြစ်များ

Ekesetase 10:16

Dopa piyasa kiŋi dokome yamarangyuo karo waiya lao Mosese Eronepa epena lapala lao, Nambame nakambana Kamongo Anatupi nakambape kando yanda pimwaiyuo kopetame pipulyamo.

Ekesetase 10:17

Epapu dakepa nambana kopetame pipunu doko nyuo kame sakana lao randa nao koo keta pali nara lao nakambana Kamongo Anatu doko kando ateŋa lao lamaiyakalapape, leya.

Ekesetase 10:18

Dopa lapeyamo dokopa Mosese baa kiŋi yaki nyuo pao Kamongo kando ateŋa lakamiya.

Ekesetase 14:5

Yuu gii dokopa Isaraele wambu dupwa neta pao kaeyamilyamo lao lamaiyaminyi doko sepala Isipi kiŋi banya yanda singi dupwamepe suu pingi alowa pipala lao doko akinde pyamase? leyami. Namwame kandakinya Isaraele wambu dupwa karapusi ingyuo namwana yulu pyakao karenge dupwa pena lapala kaeyamwanosa pyakao papelyaminyiŋi, leyami.

Ekesetase 32:11

Leyamopape Moseseme banya Kamongo Anatu doko kando poraiyuo piso sokondali pyuo lao, Kamongo embame embena wambu dupwa kyawa lete nyuo yuu Isipi piso embena porainya renge dokome nyuo minyuo epee dupwa akipamo nakama kando imbumi kumarese?

Ekesetase 5:2

Peraome isingi lao, Kamongo doko baa angi apinde nambame banya pii soo Isaraele wambu dupwa pena larose? Namba Kamongo baa soo gisa nalyoŋo Isaraele dupwa pena laa naro daa, leya.

Ekesetase 8:15

Piyamopa Perao baame mungi dupwa kumuo pao mee ingiyamo kandapala dokopa mona kamba kana poko poraiyuo kaepala Kamongome leyamuli pyuo baame Mosese Eronepana pii see naya.

Ekesetase 8:29

Moseseme isingi lao, Mee mende usale namba papala rakya wambena dupwame embape embena yulu pingi akali mupwa dupwape embena wambupi yaki nyuo pena lao Anatu kando ateŋa lakaro. Dopa piru dokopa embame namwa dee minyoko pyuo wambu dupwame Anatu mena kiso maiya parami dupwa daa lao minyaro see napipi, leya.

Ekesetase 8:32

Dopa pepeyamopape Peraome dee ama poraiyuo mona kana poko karapala Isaraele wambu dupwa kaka soo pena laa naya.

Ekesetase 8:9

Dokopa Moseseme Perao isingi lamaiya. Nambame rae maiyuo ateŋa lakaro. Embame yuu gii rombo palyarene dokona embape embena yulu pingi akali mupwa dupwape embena wambu dupwapena ateŋa lakaro. Dopa pirunu dokopa mungi peparae neta pao ipwa Naele dokona iki serami.

Ekesetase 9:27

Doko kandapala kiŋi Peraome Mosese Eronepa lamaiyuo, Yuu gii dakepa namba koo pipu. Kamongo Anatu baa rolae pipyamo nambana wambu dupwa nambamoo koo pimwa lao polo leya.

Ekesetase 9:28

Kamongo Anatu kando ateŋa lakape. Yuu galape randake kapape doko namwa kapa nyepelyamanoŋo, leya. Namba lalu lao leto. Namba epapu nakamba yaki nyero parami dee ama pisi narami, leya.

Ekesetase 9:33

Mosese Perao yaki nyuo taone andake dokona nyisarena peya. Papala banya kingi yake dokona pyambuo Anatu lao ateŋa leya. Yuu gii dokopa yuu gala laa nao randake kapa epa nao dee apu epa nao soko piya.

Nambase 21:7

Dokopa Mosese kareyamo dokona wambu dupwa epapala dopa lamaiyuo, Namwa embapa Kamongopa kando kamba lao karamwano doko koo pimwa. Dokona epapu Kamongome kau dapwa nyuo nembakana lao ateŋa lakape. Leyaminyi dokopa Moseseme wambu dupwana lao ateŋa lakamiya.

APOSELENA YULU 8:24

Dopa leyamo dokopa Saimone baame isingi lamaiyuo, Emba leene doko namba keta pali nana lao namba nyiso Kamongo lamaiyuo ateŋa lakape leya.

1 Samyuele 12:19

Nakamame Samyuele kando lao, Samyuele namwa kuma narami lao embena Kamongo Anatu doko kando ateŋa lakape. Doko namwana koo wambo piyama dupwa rambe rambe palyapala namwame kiŋi jinya lao Kamongo piso siyama dokopa koo konda pyuo piyama lao epapu namwa soo nyilyamano, leyami.