Ekesetase 6:2 - Anatunya Buku Baepole Ole Testamene Pii Lapo dee Nuu Tesamene

² Anatumi Mosese lamaiyuo, Kamongo doko namba lyakande, leya.

Ekesetase 6:2 ပူးပေါင်းရင်းမြစ်များ

Jenesese 15:7

Dokopa Anatumi baa lamaiyuo lao, Namba Kamongo dokome emba Kalitia wambu yuu kingi Ua lenge dokona kareenepa kingi rekya lao yuu dake embena ingyaraŋa lao lanyuo epeyo.

Ekesetase 12:12

Kukwa doo leto angi dokopa nambame yuu Isipi suku suku peparaena papyuo wane mupwasa dupwa peparaepe mena kali wambo mandenge dupwa peparaepe pyao kumakaro. Dopa pyuo pyao mee bange anatuŋu lao Isipi dokona lakandenge dupwa pyao nembo piru. Namba Kamongo doko karoŋo.

Ekesetase 14:18

Nambame angi pyao anamasi minyarono sepala dokopa Isipi wambu dupwame namba Kamongo doko karene lao soo nyerami, leya.

Ekesetase 15:3

Kamongo baa soo giso yanda pimwaingi akali. Doko Kamongo banya kingi.

Ekesetase 17:1

Isaraele wambu dupwa peparae yuu muiyane kingi Sini lenge doko yaki nyepala Kamongome leyamuli pyuo yuu mendasa palipa mendasa palipa pyuo peyami. Papala yuu Orepitimi dokona palyuo kareyaminyipape yuu dokona wambu dupwa ipwa narami lao mende epa naya.

Ekesetase 20:2

Namba nakamana Kamongo Anatu dokome nakama yuu Isipi dokona karapusi ingyuo kendemande yulu pyuo kareyaminyipa neta nyuo lanyuo epeyoŋo doko.

Ekesetase 3:14

Dokopa Anatumi Mosese lamaiyuo, Namba Doko Nambako. Pii dake embame Isaraele wambu dupwa lamairi. Namba Doko Nambako laypamo dokome namba nakama keta puu lao peyapyamo epano lare.

Ekesetase 3:15

Lapala Isaraele wambu dupwa lamaiyuo lao, Namba Kamongo doko nakamana rakane kauwanepena Anatu Aporakamemoo Aisake Jekope dusipana Anatuko dokome namba puu lapyamo epano lare. Dake nambana kingi sulu soo sera. Dokoko wambu ene manjiraminyi dupwame namba kando larami, leya.

Ekesetase 6:29

Namba Kamongo doko, Pii peparae nambame langilyu dusipa minyuo pao yuu Isipi wambunya kiŋi doko lamaipi, leya.

Ekesetase 6:6

Dokona lao embame Isaraele wambu dupwa lamaiyuo Kamongo doko nambaŋa. Nakama Isipi dupwame karapusi pyuo yulu nyuo suu lao joo karaminyi dokona nambame nakama karapusi yulu pyakamyuo karaminyi dokona kingi rekya lao nyero. Nambana kingi porai dokome nakama pyao rekya lalana pyuo karo dokome nakamba randa koo maipala nakama kyawa lete nyero.

Ekesetase 6:8

Dopa pyuo lao, Nambame yuunde Aporakame Aisake Jekopemoo mairuŋu lao kingi ketae nembo lalu lao leyono dokona nakama rangena kipungi inginya lao jero. Namba Kamongo doko karo letamo lao lamairi, leya.

Aisaya 42:8

Namba iki doko embena Kamongo Anatu. Bange anatu lenge dupwa namba kingi lenge dokona role pyao laa narami. Nambame kingimi wasisi dupwa nambana lakandenge panda dokona lakandena lao panda serakami naro.

Aisaya 43:11

Nakama lete wai pyao nyeramo Kamongo doko nambako iki karenge.

Aisaya 43:15

Namba Kamongo doko nakamana Anatu poo pyasi ingyuo karo. Nambame nakama Isaraele wambu dupwa pyuo wasiyu. Wasapala namba nakamana kiŋi ingyuo karo.

Aisaya 44:6

Kamongo baame Isaraele wambu dupwa iso kyawa minyuo karenge doko Kamongo Porai Wakasa dokome pii dake palipyasa lalana letamo. Kama wambowana nambako kareyo doko lumwa pyuo dokopa namba kararoko. Anatu mende mendasa kara nange. Anatu doko nambako iki karenge.

Jeremaya 9:24

Mendeme range lakandalana suu pyara ramo doko baame namba Kamongo doko soo nyuo soo giso pilyamo dokona lakandara. Renge dokona nambame wambu mona retenge doko reto puu penge. Dopako pyuo nambame pii pali nana lao yulu rolae dupwa kapa pyuo puu penge. Renge dolapome namba rae mainyi pyambungi, Kamongo dokome letamo.

Malakae 3:6

Namba Kamongo doko namba dee alowa pii nange. Dokona lao nakama Jekopena wai kiso nyiyamo dupwa peparae nembo otasi kara nalyaminyi.