Ekesetase 4:18 - Anatunya Buku Baepole Ole Testamene Pii Lapo dee Nuu Tesamene

¹⁸ Mosesena imwange Jetero kareyamo dokona lambuo peya. Papala lao, Yuu Isipi dokona nambana wambu dupwa mende pii napyamo kapa karamipi lao kandala parowale, leya. Dokopa Jeterome kapaŋa pena leya.

Ekesetase 4:18 ပူးပေါင်းရင်းမြစ်များ

Jenesese 45:3

Josepeme yangonge dusipa kando namba Josepeŋe rakane mee kapa karengese? leya. Dopa leyamopa yangongedusipame pakame kumapala isingi warapo laa nayami.

2 Kiŋi 5:10

Dokopa Ilaisame banya kendemande dokona mende dopa lao lamaila pena leya. Leyamo dokopa baame Nemane baa lamaiyuo, Ipwa Jotane dokona yuu yanda ipingi nyepo wate pipa pyuo kararene dokopa banya anga yakane rete rapa nenge doko ama peparae otara, lamaiya.

2 Kiŋi 5:19

Ilaisame baa lamaiyuo, Emba manda rao pupu leyamo dokopa Nemane yuu doko yaki nyepala mee mende dulisale peya.

Ekesetase 2:21

Dokopa Mosese baa doo palyuo karo pipuli lao suu pyalu pyao piya. Dopa piyasa Jetero banya wanenge Sipora doko Mosesena etenge inginya lao maiya.

Ekesetase 3:1

Mosese banya imwange Jetero yuu Mitiane range purisi akali dokona mena sipisipipi memepe dupwa rapu pyakamyuo kareya. Yuu mendepa baa dopa pyuo karo Mosese mena dupwa lanyuo yuu muiyane dokona pao Anatunya yuu kyau kingi Sainai lenge dokona epeya.

Luku 7:50

Dokopa baame enda lamaiyuo, Embame Anatu kapa ingingi lao suu pyapi dokona lete wai pyao nyisi mona seramopa pupi, leya.

APOSELENA YULU 15:36

Yuu lapo epo papeyamopa Poleme Banapasa lamaiyuo, Yuu anda malu repe repe pyuo karenge dupwana Kamongona pii doko boo pyao lamaiyuo papiyamba dupwana Kurisene yangonge dupwa apa pyuo karaminyi lao yuu dupwa peparaena dee bonale, leya.

APOSELENA YULU 16:36

Dokopa karapusi rapu pingi akali dokome Pole lamaiyuo, Kote singi akali dolapome nakamba mokwalale langyala pena lalambinyilamo. Kamanda epapala mona seramopa pupwape, lalambinyiŋi leya.

1 Timoti 6:1

Yulu pingi akali dupwame nakamana yulu pyakamaingi akali doko keyange ingyuo karamo lao suu pyao karo banya kingi ketae pyambuo pyuo kararami. Dopa pyuo kararami ramo dokopa Anatunya kingi dokonape dee Kurisene yulupi dolapona kwaelyamo laa narami.

1 Samyuele 1:17

Dopa lapeyamo dokopa Ilaime lao, Mona kyuu lao seramo pupi. Isaraele wambunya Anatu dokome kee lapinyi doko jinyale, leya.