Ekesetase 32:4 - Anatunya Buku Baepole Ole Testamene Pii Lapo dee Nuu Tesamene

⁴ Dokopa baame kana golo kalena pingi dupwa nyepala kiso lili lao ipwa ingiya. Ingiyamopa yuwale mena bulamakao dopale ingyuo apu rao reteyaminyi dokona golo ipwange doko kulimbwanyi pyambuya. Pyambuyamopa golo dokome bulamakao ikyane wasiya. Dokopa wambu dupwame lao, Isaraele dupwa dake namwana anatu yuu Isipi yaki nyuo lanyuo epeyamo dokoŋo, leyami.

Ekesetase 32:4 ပူးပေါင်းရင်းမြစ်များ

1 Kiŋi 12:28

Suu pyao otapala enakana baame kana golo dokome mee bange anatuŋu lao mena bulamakao kali lama pyuo wasapala banya wambu dupwa lamaiyuo lao, Nakama Jerusaleme Anatu lakandala kapa papelyaminyiŋi. Dokona Isaraele wambu dupwa nakama Isipi kareyaminyipa kiiramo minyuo epeyamo nakamana anatu dalapoŋo, leya.

1 Kiŋi 12:32

Dokopa yuu Juta dokona nenge nyuo malu palyuo nenge nenge doko suu pyao kana mange lama karo dokona yuu gii akalisa ipisu kingi paki dokopa nenge nyuo malu palyuo nao misi larami lao Jeropomeme rombo palyuo reteya. Retapala kana pyare lasi yuu Betele siyamo dokona mena bulamakao kali kana golome waso reteyamo dolapo keta mena pyao kiso maiya. Baame purisi akali yulu pirami dupwa lakandenge panda yuu Betele dokona wasiyamo dupwana karena leya.

Niyamaya 9:18

Wambu dupwame kingimi mena bulamakao yale mende pyuo wasapala doko namwa Isipi karo nyuo lanyuo epeya dokoŋo leyami. Yuu malu mee leyaminyi dokopa Kamongo emba isipyao leyami.

Ekesetase 20:2

Namba nakamana Kamongo Anatu dokome nakama yuu Isipi dokona karapusi ingyuo kendemande yulu pyuo kareyaminyipa neta nyuo lanyuo epeyoŋo doko.

Ekesetase 20:4

Nakamame yake ketae bange singipi panda isa yuunya singipi panda ipwa isarena yuu koko palenge dokona singipi dupwana yale mendeme anatuŋu lao wasa nalapape.

Ekesetase 32:1

Mosese baa isa epa nao yuu kyau dokona andarele kareyamopa wambu dupwame kandapala Erone kareyamo dokona sukusa sukusa pyuo epapala dopa lamaiyuo, Namwa Isipi kareyamanopa nyuo lanyuo epeyamo akali Mosese doko epapu apa pilyamo lao soo gisa nalyamano. Dokona mee bange anatu lao mende wasakape. Dokome namwa lanyuo penale, leyami.

Ekesetase 32:24

Dopa leyaminyi dokopa kana golome wasisi kalya pingi bange dupwa minyuo epo jinya leyo. Dokopa wambu lapome bange reteyaminyi dupwa nyisa nyepala jiyami. Jiyaminyi dupwa isare dokona pyao pyambuyu dokopa bulamakao ikyane dake mee maso sipuro epeya, leya.

Ekesetase 32:3

Dokopa wambu peparaeme kana golome kalena pingi bange dupwa nyisa nyepala minyuo epo Erone maiyami.

Ekesetase 32:35

Wambu dupwame Erone kando mena bulamakao ikyane golome wasakana leyaminyi dokona Kamongo dokome anga ikyane mende wambu keta peeya.

Ekesetase 32:5

Dokopa Eroneme golome wasisi mena bulamakao kareyamo lenge kambu dokona kana pyare mende leya. Lapala lao, Rakya Kamongo doko kingi ketae pyambuo lakando nenge andake kiso mairama, leya.

Ekesetase 32:7

Dopa piyaminyisa Kamongo dokome Mosese lamaiyuo lao, Embena wambu yuu Isipi yaki nyuo lanyuo epee kande dupwame namba mata joo yulu koo pilyaminyi dokona dakepa aopa waiya lao lupyuo puu, leya.

Ekesetase 32:8

Dopa lao, Nambame nakama mawa pii lamaipala moko minyuo pinya leyono doko yaki nyuo otami. Dopa pipala nakama kana golo kiso lili lapala mena bulamakao mende wasami. Wasapala doko lakando mena pyao kiso maimi. Maipala nakamame lao, Dake namwana anatu namwa yuu Isipi yaki nyuo lanyuo epeyamo dokoŋo, lami.

Aisaya 46:6

Wambumi kana palyingi nyuu dupwa lumbwanyi karalyapala kana golo dupwa mee male male lao nembo nakamame kana kulingi sikyali dokona piyami. Dopa pipala kana golome wasingi akali dupwame anatuŋu lao wasinya lao kingi wapambu lakao dokonako suu pyao misi lao karengepya.

APOSELENA YULU 17:29

Namwa Anatunya para pyao nyisi karamano dokona suu pyao akalimi kana golo dee kulingi kanape kana wakalepe nyepala kingi suu pingipi mora petenge dokome Anatu yale ingyuo wasiyamilyamo lao suu pyaa namanale.

APOSELENA YULU 7:41

Lapala bulamakao ikyane mende dopale pyuo wasiyami. Pyuo wasapala doko anatu ingilyamo lapala mena pyao kiso kingi lao kareyami. Rangena kingimi pyuo wasiyaminyipape bange doko kyanyi kando ketae pyambuyami.

1 Korina 10:7

Nakama yulu koo pyuo mee bange kingimi wasisi dupwa kingi lao mona mai narama lao repe repe langilyamo. Anatunya pii pyasi dokome lao dokopa, Wambu dupwame ipwape nengepe napala piso sipurapala mali lyiyami.

Dutaronome 9:16

Dokopa nakamame nakamana Kamongo Anatu dokome mawa pii jiyamo dupwa kamba lao oto banya lenge kambu dorena yulu koo pyuo kana dokome bulamakao kali yale mende anatuŋu lao wasiyami doko namba kandeyo.

Jasi 8:24

Lapala baame lao, Nambame pii mende nakama keta piso serowale. Doko nakamame wambu pyapala kalena palyingi bange uriŋi nyiyaminyi dupwa namba jepape, leya. Mitiane wambu dupwa Isimaelena rara dokona karenge dupwa nakambana kalena uriŋi palyingi.

Jasi 8:27

Gitioneme golo dupwame anatuŋu lao mende wasapala banya yuu range taone Opera lenge dokona pisiya. Isaraele wambu peparae Anatu angi doko kame sepala bangeme wasisi anatuŋu lao lakandala peyami. Dopa piyamo dokona Gitione baa dee banya ree palu wambu dupwa pipya konena nyuo pyamalyiyasa piya.