Ekesetase 3:8 - Anatunya Buku Baepole Ole Testamene Pii Lapo dee Nuu Tesamene

⁸ Nambame Isipi range dupwana kiiramo nyisala epelyo. Kiiramo nyepala yuu Isipi yaki nyuo yuu ama keyange andake mendena lanyuo paro. Yuu doko keyange amenge pingi. Dakepa akali rara Kenane rangepe Iti rangepe Amo rangepe Perasi rangepe Ipi rangepe dee Jepusi rangepe dupwa yuu dokona palaminyi, leya.

Ekesetase 3:8 ပူးပေါင်းရင်းမြစ်များ

Jenesese 11:5

Dokopa Kamongo doko isa epapala akali dupwame yuu taonepe anda londepe piyami dupwa apa pilyamipi lao kandalana epeya.

Jenesese 11:7

Dokona lao nakamame yango mendeme mendena pii doko see nanaleŋe lao nakamana pii dupwa wakale wakale lenale ukiaki minyala isa lupyuo monale, leya.

Jenesese 15:13

Dopa pyuo paleyamo dokopa Kamongome Aporame lamaiyuo lao, Embena para pyarene dupwa yuu wakale mendena karala paenge ingyuo parami. Nakama yuu rangena daa. Dokona ee kana 400 randa nao kendemande yulu pyuo kararami doko soo pakana palyape.

Jenesese 15:14

Dopa pyuo piraminyipape nambame wambu nakama kendemande yulu pyuo karakamirami dupwa kote lao randa mairunupa nakama neta epowale pyuo karo dokopa bange malu nyepala eparami, leya.

Jenesese 18:21

Pii malu epelyamo dokona kinyi letamipi lao namba pao kandapala soo rolaro, leya.

Jenesese 43:11

Dokopa rakange Isaraeleme lamaiyuo lao, Dopa pyuo parandena lyamo dopa pyuo pipa, leya. Yuunya bange angi kapa palenge dupwana lapo paki pipala mamba lapo amburali ipwangepe awa kyaa pingi lapope anga ulyape dee kumba roo lapope manjo pao akali doko mee pakiki mairami.

Jenesese 46:4

Nambame emba role pyao Isipipapala dee embena para pyasi dupwa dakena laeyo lanyuo eparo. Dee emba Josepe kando kararamo kumare, leya.

Jenesese 50:24

Josepeme banya yangongemoo lamaiyuo, Namba oo kumarolyamo. Kumuo paronopape Anatumi nakama reto karo yuu dake kala yuu Aporakame Aisake Jekopepena yuu Anatumi maiyalu maiyuo maiya dokona lanyuo para, leya.

Niyamaya 9:8

Embena yulu dokona yaki nyii nao mondo lao pyakao kareyamo kandee. Dokona embame baapa kando lao kana minyuo lalu lao lee. Embame yuu Kenanepe Iti rangepe Amo rangepe Perasi rangepe Jepusi rangepe Gukase range dupwa palenge dupwanape banya ree palu dupwa palirami lao Mairu lao doko lalu lao leepya Embame lenge nyili pyuo pingi dokona embena lalu lao lenge doko kaeya nao minyingi.

Samu 34:8

Kamongo doko baa apa pyuo keyangelao emba range kotapala apiyakalepe lao nakanjo soo kandare. Kamongo baakando nyeparamo doko kyawa minyara panda doko nyilyamo doko rae maiyuo karenge.

Samu 91:15

Nambame nyisape lao kyakale laraminyi dokopa isingi pii yano doko pyakamiro. Nakamba randa nyepala pisiraminyi dokopa kaeya nao role pyao piso nenge rekya lao nyepala dokopa nakama lakando kingi ketae pyambuo piro.

Ekesetase 12:41

Ee kana 430 dusipa epo papeyamo yuu gii dokopa nakama Kamongona rara dupwa peparae yuu Isipi yaki nyiyami.

Ekesetase 12:51

Yuu gii dokopa Kamongome Isaraele wambu dupwa yuu Isipi yaki nyuo lanyuo epeya.

Ekesetase 13:5

Kamongome nakamana rora ambasupinya wambu dupwa kando Kenane wambupi Iti wambupi Amo wambupi Ipi wambupi Jepusi wambupi dupwa peparaena yuu jero lao kana minyuo lalu lao leya. Dokona lao baame nakama yuu amenge pingi dokona lanyuo eparamo dokopa ee kana peparaena kana mupwa dokona yaka lao nenge dake nao misi lao pipwape.

Ekesetase 3:17

Nambame suu pilyu doko nakama Isipi wambu dupwame kopetame rapu pyuo karaminyi dokona yuu doko yaki nyuo yuu mende ama keyange amenge pingi dokona lanyuo paro. Yuu dokona Kenane rangepe Iti rangepe Amo rangepe Perasi rangepe Ipi rangepe Jepusi rangepe palaminyi dokona lanyuo paro lapyaŋa lare, leya.

Ekesetase 34:11

Nambame nakama epapu mawa pii jilyu dupwa warombo soo karalapape. Nakama paraminyi dokona nambame wambo pao Amo rangepe Kenane rangepe Iti rangepe Perasi rangepe Ipi rangepe dee Jepusi rangepe peparae neta pyao ralinyi nembaro.

Ekesetase 5:23

Nambame Perao lamaiyakala epeyono dokona piso pao dakepape baame embena wambu dupwa mee randa maiyuoko karamo. Karapyamopape embame nakama nyisaroŋo laope mende ingya nalene, leya.

Aisaya 64:1

Akipamo emba yake doko kanguo nyuo karalyapala isa lupyuo epa nalese? Dopa piri ramo yuu kyau dupwa emba kandapala walu lao paka renge nyerami.

Jeremaya 2:7

Nambame nakama yuu amenge pingi nenge jingi lyingipi singi dupwana rae maiyuo dee nenge lapo dupwana rae maiyuo pirami lapala nambame nakama lanyuo peyo. Dopa piyunupape nakamame yuu au pyuo narami doko suu pyao nakamame nambana yuu doko lulya ranyi nembo kokwa siyami.

Emosa 2:10

Nambame nakama yuu Isipi piso neta nyuo lanyuo epeyo. Epapala ee kana akalisa pao kisima nembo yuu muiyane dokona laminyuo epeyo. Epapala dokopa Amo wambunya yuu doko nakamana inginya lao nyuo jiyu, kande.

Nambase 13:27

Akali dusipame Mosese lamaiyuo, Namwa yuu kandala pumwa kandape doko ama yuu amenge pingi keyange dokona nenge malu singi. Dokona isa jingi lapo minyuo imwa dupwa dae silyamo kandape, leyami.

Jone 3:13

Akali mende yake panda sukusa dokona pulyuo paa nange. Ikinyingi Akali yake panda dokona karo lupyuo epeya dokoko iki penge.

Jone 6:38

Dokona lao namba yake panda karapala isa epo dokopa range suu piyunuli pyuo pila epeyonde daa. Namba mapanyi peeyamo dokome laramuli pyuo pyuo karala epeyo.

Dutaronome 1:7

Nakamame nakamana pinji dupwa pyao rapa rapa pipala komau anda dupwa lalyuo minyuo yuu mendasa parami. Yuu kyau pyalya pyana pingi Amote wambu kareyaminyi dokonape dee yuu dokona awali laope ipwa Jotane rapu dokonape yuu kyau pyalya pyana pingipi yuu lama lama dupwanape yuu donarenamepe dee ipwa kota Metitaraniane kipwa kipwa dokonape yuu Kenane dokonape pao yuu Lepanone kyau dokona dumurena ipwa Yuporisa pona andake ama nanesa dokona parami.

Dutaronome 6:3

Nakama Isaraele wambu dupwame mawa pii dupwa selapape. Sepala warombo soo minyuo pyuo karalapape. Dopa piraminyi dokopa Kamongo namwana rora ambasu dupwana Anatu dokome lalu lao leyamuli pyuo nakama elyape keta piso yulu keyange pyuo bange peparae au pyuo soo puu paramopa rara porai ingyuo karo yuu amenge pingi dokona kapa palyuo kararami.

Dutaronome 7:1

Nakamana Kamongo Anatu dokome yuu nakama palyuo kararami dokona nakama sukusa lanyuo para. Dokopa baame rara malu dupwa pyao neta ralinyi nembara. Nakama wambo pao kararaminyipa baame akali rara ama andake nakama nyuo isa palyuo porainya renge palenge rara yanda ipingi dusipa pyao ralinyi nembara. Rara dusipa Iti wambupi Gukasi wambupi Amo wambupi Kenane wambupi Perasi wambupi Ipi wambupi Jepusi wambu dupwa peparae ralinyi nembara.

Josua 5:6

akali kapa yanda piramili dupwame Kamongo kando kamba lao kareyamisa yuu muiyane kata papeyaminyipa peparae kumuo oteyami. Baame akali kumuyaminyi dupwa lamaiyuo, Yuu amenge pingi ee nengepe ando kamonganyi nembenge doko nakama jeroŋo lao nakamana rora ambasu dupwa pipya lalu lao lao lamaiyunu nakama doko kapa kanda narami lao lalu lao leyamuli pyuo piya.