Ekesetase 3:1 - Anatunya Buku Baepole Ole Testamene Pii Lapo dee Nuu Tesamene

¹ Mosese banya imwange Jetero yuu Mitiane range purisi akali dokona mena sipisipipi memepe dupwa rapu pyakamyuo kareya. Yuu mendepa baa dopa pyuo karo Mosese mena dupwa lanyuo yuu muiyane dokona pao Anatunya yuu kyau kingi Sainai lenge dokona epeya.

Ekesetase 3:1 ပူးပေါင်းရင်းမြစ်များ

1 Kiŋi 19:19

Dokopa Ilainja yaki nyuo Ilaisa koto kandala peya. Kandeyamo dokopa mena okese lapo minyuo yuu ape ape pyao kareya. Kareyamo dokona mena okese gurupu akalisa ipisu mendaki wambo pyuo peyaminyipa baa mende enakaya dokopa dokona ape ape pyao peya. Dopa piyamo dokopa Ilainjame banya komau londe doko roko nyepala Ilaisa wapwakamiya.

1 Kiŋi 19:8

Dokopa Ilainja lenge rapala nenge ipwape duwpa neya. Nenge neyamo dokome baa kapa sikya pyuo poraiyamopa yuu gii akalisa kisima kata pao karo pao yuu kyau poo pyasi Sainai dokona para ingiyamopa peya.

Ekesetase 17:6

Yuu kyau Sainai mare dokona kana mendena namba embena lenge kambusa kararo. Kararono dokopa kana doko pangalimi pyare dokopa wambu dupwa ipwa narami lao guu lao potemara, leya. Dokopa Isaraele akali mupwa dupwa kando kareyaminyipa Moseseme kana doko pangali dokome piya.

Ekesetase 18:12

Lapala Jeterome bange mende isareme kiso oto Anatu keta maiya. Dee lapo opetae kiso rendamu pingi Anatu keta maiya. Maiyamo dokopa Eronemoo Isaraele isingi akali mupwa dupwape dee Mosesena imwange dokomoo role pyao Anatunya lenge kambu dokona piso nenge neyami.

Ekesetase 19:11

jimwa dokopa nakama rapa rapa pisi kararami. Yuu gii dokopa namba yuu kyau manda Sainai lenge dokona eparonopa wambu peparaeme namba kandarami.

Ekesetase 19:2

Epapala yuu kyau dokona isarena palyuo kareyami.

Ekesetase 19:3

Kareyaminyi dokopa Mosese yuu kyau dokona Anatu kando nyela peya. Peyamo dokopa Kamongo dokome yuu kyau dokona karo kyakale lapala embame Jekopena para pyasi Isaraele wambu dupwa dopa lamainya leya.

Ekesetase 2:16

Dokopa purisi akali mende kingi Jetero lenge yuu Mitiane doko rangendeme wanake yanda ipingi nyepo mandenge. Wanake dusipa peparae rakangena mena sipisipi memepe dupwa ipwa maiyalana kamwala epeyami.

Ekesetase 2:18

Dopa pyakamiyamopa wanake dusipa rakange kareyamo dokona waiya lao peyami. Dokopa rakangeme piso soo, Akipamo nakamba epapu waiya lao kapa kyuo epelyamisi? leya.

Ekesetase 2:21

Dokopa Mosese baa doo palyuo karo pipuli lao suu pyalu pyao piya. Dopa piyasa Jetero banya wanenge Sipora doko Mosesena etenge inginya lao maiya.

Ekesetase 24:13

Mosesepa banya nyisingi Josuapa rapa rapa pyuo oteyambinyipa Mosese baa yuu kyau poo pyasi dokona kanda soo pulyuo peya.

Ekesetase 3:12

Anatumi isingi lamaiyuo, Nambame emba pipya role pyao kararo. Wambu dupwa lanyuo Isipi yaki nyuo epare dokopa yuu kyau dakena namba kingi lao pisirami. Dopa pirinyi dokome nambame emba puu lapu lao lasaka pirasa pira, lamaiya.

Ekesetase 3:5

Anatumi Mosese lamaiyuo, Kamame repeta epa napipi. Yuu doo karene doko poo pyasiŋi dokona embena kimbu suu doko kolo nyisa nyepe, leya.

Ekesetase 33:6

Leyamo dokona lao nakama yuu kyau Sainai yaki nyuo papeyaminyi dokopa Isaraele wambu dupwa kalya pingi bange dupwa pyuo kara nayami.

Ekesetase 4:18

Mosesena imwange Jetero kareyamo dokona lambuo peya. Papala lao, Yuu Isipi dokona nambana wambu dupwa mende pii napyamo kapa karamipi lao kandala parowale, leya. Dokopa Jeterome kapaŋa pena leya.

Ekesetase 4:27

Dokopa Kamongome Erone lamaiyuo, Yuu muiyane dokona Mosese epelyamoŋo kando nyela pena leya. Dokopa Eroneme Anatunya yuu kyau poo pyasi dokona kando nyela peya. Pao epeyamo kando nyepala Eroneme Mosese nyinyi piya.

Emosa 1:1

Akali mena sipisipi rapu pyuo karenge yuu Tekowa range akali Emosa banya pii dasipa lasi silyamo. Usaya baa Juta wambunya kiŋi ingyuo karo Jeropome Jewasena ikinyingi baa Isaraele wambunya kiŋi ingyuo karo piyamo dokopa Anatunya pii Emosa keta Isaraele wambu dupwana lao pano epeya. Epo lapeyamo dokopa ee kana lama epo papeyamopa enakana yuusili doko minyiya.

Malakae 4:4

Isaraele wambu peparae warombo sinya lao yuu kyau Sainai dokona karo mawa piipi mana piipi dupwa Mosese maiyu. Dokona lao nambana kendemande akali Mosesena mana nyiyamo dupwa kame see nao karalapape, leya.

Nambase 10:33

Wambu dupwame yuu kyau poo pyasi mende kingi Sainai lenge doko yaki nyepala yuu gii rema nembo peyaminyi dokopa Kamongona Kana Minyuo Lalu Lao Lenge Pii Palenge Bokote doko soo wambako pao nakama paliraminyi yuu pandape lasaka pira lao koto peyami.

Luku 2:8

Dokopa yuu dokona sipisipi rapu pingi akali lapome pau mendena nakamana sipisipi dupwa kukwa dokopa iso peteyami.

APOSELENA YULU 7:30

Ee kana akalisa kisima epo papeyamo dokopa yuu kyau Sainai lenge dokona yuu muiyane mendena Mosese kareyamopa aŋala mende dokona pano epo isa reke karenge pusinai mendena isare ulingi nyuo rao kareyasa dokona sukusa aŋala doko epo panembena kareyamo kandeya.

Dutaronome 1:2

Yuu Sainai kyau dokona piso yuu Itome dokona kyau pyalya pyana pingi dokona kata pao karo yuu gii akalisa ipisu mendaki nembo yuu Katese Paneya dokona pao kando nyingi.

Dutaronome 1:6

Namwa yuu Sainai kyau dokona kareyamano dokopa namwana Kamongo Anatu dokome namwa kando dopa langyuo, Nakama yuu kyau dakena yuu andarele karaminyi, leya.

Dutaronome 4:10

Yuu gii mendepa yuu Sainai kyau dokona nakamana Kamongo Anatunya lenge kambu dorena kareyaminyi dokona lao nakamana ikinyingipi wanengepe kauwangepe dupwa lamairami. Yuu gii dokopa Kamongome namba langyuo, Wambu dupwa nyuo malu palyuo karena lape. Yuu peparae karo dokopa nambana pii mana nyuo warombo soo dee nakamana wane wanakepe dupwame namba kando mupwa lao suu pyao pako karena lao mana lamairami lao nambana pii laro doko simili yaka lao suu pilyu, leya.

Jasi 4:11

Dokopa akali Ipua lenge yuu Kene range doko banya komau anda yuu Ketese repeta isa oke lenge mende karenge yuu Sananimi lenge dokona piya. Akali yuu Kene range dupwa yaki nyuo kakondo pao yuu mendena peya. Mosese banya imwange Opape lenge dokona rara wai kiso karenge rara dupwa Kene lenge.

1 Samyuele 16:11

Dokopa enakana piso soo, Embena wane dasipa ikisi? leya. Jeseme isingi lamaiyuo, Wane kuki doko iki baame mena sipisipi rapu pyuo karamo. Dopa leyamo dokopa Samyueleme lao, Baa dae epo karena lamai. Baa dae eparamo dokopa Kamongo bange rendamu pingi kiso maingi dokona mairama, leya.