Ekesetase 2:23 - Anatunya Buku Baepole Ole Testamene Pii Lapo dee Nuu Tesamene

²³ Ee kana malu epo peyamopa Isipi range kiŋi doko kumuya. Dokopa Isaraele wambu dupwa ee lao nakama karapusi yulu pyuo karo makapala mendeme nyisapyali lao ee lao kareyami. Dokopa Anatumi Isaraele wambu ee lao kareyami doko siya.

Ekesetase 2:23 ပူးပေါင်းရင်းမြစ်များ

Jenesese 16:11

Embena rombanda petamo doko wane ane kyakala pare. Embame wane kingi Isimaele lape. Kingi Isimaele renge doko Kamongome emba randa nyilyane lao kando nyisapya.

Jenesese 4:10

Dokopa Kamongome lao, Emba doko akinde pipisi? Embena yangonena ranjama dokome yuu ono pupyamo dokona soo namba kee lao letamo, leya.

Niyamaya 9:9

Namwana rora ambasupi dupwa apa pyuo yuu Isipi dokona randa nyiyami doko kandee kande. Wambu dupwame Ipwa Kota Pete Kone lenge marenge dokona karo nyisala ipu leyami doko emba sii.

Ekesetase 1:14

Isaraele range wambu dupwa randa maiyuo mona kendanyi pyambuo ee yulupi anda pingipi poraiyuo pinya leyami. Dopa pyuo karo nakamame Isaraele wambu dupwa kando sakame kuma nao mee randa maiyuoko pyuo kareyami.

Ekesetase 4:19

Leyamo dokopa Kamongome yuu Mitiane dokona epo Mosese lamaiyuo, Dakepa yuu Isipi dokona lambuo paaleŋe. Wambu emba pyalana piyami kande dupwa kumuo oteyami lyakande, leya.

Ekesetase 6:5

Dopako pyuo Isaraelena rara dupwa Isipi akali dupwame karapusi pyaminyipa randa nao ingi koo palyuo karaminyi dokona kandapala nambana kana minyuo lalu lao leyono pii dokona suu pyaro karoŋo.

Ekesetase 6:9

Dokopa Moseseme pii doko Isaraele wambu dupwa lamaiyamopape nakama karapusi yulu kopetame maiyaminyi pyuo karapala makame kumuo kareyami dokome pii doko soo nyii nayami.

Ekesetase 7:7

Nakambame kiŋi kando pii lamaiyambinyi yuu gii dokopa Mosese baa ee kana akalisa mange lama karo (80) dee Erone ee kana akalisa mange lama ipisu rema (83) nembo kareya.

Aisaya 5:7

Isaraele wambu dupwa Kamongo Porai Wakasana isa girapo ee mendeke ingyuo serenge. Juta wambu dupwa girapo angi baame warapiyamo andenge dopale. Dokome baame nakama keyange pimili lao suu piyamo dokona palyuo pyuo kara napala wambu pungi yando nao kwaeyami. Rolae karamili lao suu piya dokona palya napala mendeme mendali nyuo isa palyalanako suu pyao piyaminyi dokome range mende pyao isa palyingi dokopa kote rolae lakanako lao minyuo pao karenge.

Nambase 20:16

Dokopa Kamongome namwa nyisinya lao baa kande ee lao kareyama. Ee lao kareyamano doko sepala yuu Isipi yaki nyuo lanyuo pena lao banya aŋala mende peya. Epapu namwa yuu taone Katese lenge embena yuu liti dokona karamana.

APOSELENA YULU 7:30

Ee kana akalisa kisima epo papeyamo dokopa yuu kyau Sainai lenge dokona yuu muiyane mendena Mosese kareyamopa aŋala mende dokona pano epo isa reke karenge pusinai mendena isare ulingi nyuo rao kareyasa dokona sukusa aŋala doko epo panembena kareyamo kandeya.

Dutaronome 24:15

Yuu gii yaka lao neta anda peya kande dokona aopa banya yulu dokona yole maipi. Baa mone dokoko nyelana suu pyale pyale yulu pira ingilyamo. Daaŋa lao embame baa yole mai nare ramo dokona lao baame saka renge doko Kamongo lamairasa koo doko emba keta palira ingilyamo.

Jemesa 5:4

Nakamana yulu akali ee pyakao karaminyi dupwana yole angi ingyuo mai napala pingyakamiyami dokona nakama kando lasara. Ee dupwana nenge manjakao pyuo karaminyi dupwame mumu letaminyi doko Anatu Kamongo Porai dokona kale katana palyuo karamo.

Jasi 4:3

Akali Jepene banya mena oseme ipyuo penge uliuli andete mange mendaki (900) siya. Siyamopa baame Isaraele wambu dupwa kopetame randa andake maiyuo ee kana akalisa lama iso kareya. Kareyamo dokopa Isaraele wambu dupwame ee andake lao Kamongome nakama nyisinya leyami.

1 Samyuele 12:8

Jekopemoo banya ree palu dusipa yuu Isipi peyami. Pao kareyaminyi dokopa Isipi range dupwame nakamana rora ambasu dupwa randa maiyami dokopa Kamongome nyisinya lao kando ee lamaiyamisa Kamongome nyiso Mosese Eronepa peeya. Dolapome Isipi yaki nyuo Isaraele wambu dupwa nyuo lanyuo yuu dakena epeyambi.

1 Samyuele 9:16

Rakya yuu gii dakepaleko ingyuo nambame akali Benjamenena rara dokona mende emba keta peyarono epara. Eparamo embame baa nambana Isaraele wambu dupwana kiŋi kararaŋa lao banya kyawa dokona mamba wele kisakamyuo rombo palyare. Dokopa baame nakama Pilisitia wambu dupwa keta lekeleke koo rao karaminyi dupwa kiiramo nyera. Nambame nambana wambu dupwa randa naminyi doko kando dee nyisa lao ee laminyi doko soo pilyu, leya.