Ekesetase 17:2 - Anatunya Buku Baepole Ole Testamene Pii Lapo dee Nuu Tesamene

² Dopa piyamosa Mosese kando nakamame mumu andake lao ipwa nalana jinya, leyami. Leyaminyi dokopa Moseseme isingi lao, Akipamo namba kando mumu letamisi? Akipamo nakamame Kamongo doko kando makande pilyamisi? leya.

Ekesetase 17:2 ပူးပေါင်းရင်းမြစ်များ

Samu 95:8

Yuu muiyane dokona yuu kingi Meripa lengepe yuu Masa lengepe dolapona nakamana rakange kyawa dupwa mona kana pokapala Anatupa male male lao kamba lao kareyami kande dokonakopalyuo pii nalapape.

Samu 95:9

Nakamame nambana yulu piyunu doko kando karapalape namba alyungu mambu ingyuo minyuo kui leyami.

Ekesetase 15:24

Wambu dupwame Mosese kando mumu andake lao piso siyami. Namwa ipwa aki naramase? leyami.

Ekesetase 16:8

Moseseme nakama lamaiyuo, Kamongo dokome nakamame baa kando mumu andake leyaminyi dokona kando soo otapala kukwa minju narami dokona joo yangama borete naraminyili pyuo joo pira. Nakamame nambwa kando mumu leyaminyi doko Kamongo kando mumu leyamisako piya.

Ekesetase 17:7

Isaraele wambu dupwame Kamongo doko kando makande pyuo mumu lao lao, Kamongo doko namwa pipya role pyao kara panda daase? leyaminyi dokome Moseseme yuu doko kingi lama Masa dee Merepa, leya. (Kingi Masa doko makande pingi dopale. Dee kingi Merepa doko mumu lenge dopale.)

Ekesetase 5:21

Dokopa isingi akali dupwame Mosese Eronepa kando, Nakamba sipurapala mende piyambinyi dokona Perao banya wambu pipya namwa kando awa nalyaminyi. Dokona Anatumi nakamba kando kote lao randa mainyale. Nakambame namwa pinya lao wua nyuo kingi rakana palyakamyuo nyuo kisambisa pipya, leyami.

Aisaya 7:12

Dokopa Easame isingi lao, Nambame Kamongo Anatu doko dopale pinya lao piso see naro. Dopako pyuo Kamongo doko makande pyuo kanda naro ingilyamo, leya.

Malakae 3:15

Dee wambu range mupwa lao suu pingi dupwa iki rae maiminyi kandelyamano. Dee yulu koo pingi dupwame bange malu mee retaminyipape nakamana yulu koo dokome Anatu makande pyuo baa isingi pyaa nange lamo letaminyi, leya.

Nambase 14:2

Wambu dupwa Mosese Eronepa kando mumu lao lao, Yuu Isipi dokonape panda yuu muiyane karamano dakenape kumuyamali doko kapa ingyapyali.

Nambase 14:22

Wambu dapwana mendemepe yuu dokona sukusa pao pali nara. Nakama nambana yanga paupau lenge renge dokome epo kendale piyasa kandeyaminyi dokope dee yuu Isipi dokonape yuu muiyane dokonape yulu mendeme pii nange dupwa piyunu kandeyami. Kandeyaminyipape nakamame nambana maka nange renge doko makande pipa pyuo nambana pii warombo see napala kamba leyami.

Nambase 21:5

Anatu Mosesepa kando kamba lao mumu leyami. Yuu muiyana nenge ipwape see nange dakena kumaramiŋi lao akipamo embame namwa yuu Isipi yaki nyuo dae lanyuo ipisi? Namwame nenge koo dapwa rae maiyuo kamba naa narama, leyami.

Matyu 4:7

Yesumi baa dopa lamaiya, Dee pii mende dopa lao pyasi palamo. Embena Kamongo Anatu doko apa pilyape lao kandalena makande pii nare, leya.

Luku 15:12

Dokopa enakana mandeyamo dokome banya rakange doko dopa lamaiya. Rakane, moyange bange nyeroli dupwa dakepa jii leya. Dokopa banya bange dupwa nakamba mokwa soo maiya.

Luku 4:12

Dokopa Yesumi baa isingi lamaiyuo, Pii dopa lao lasi palamo. Kamongo Anatu mende pirape lao kandalana pyuo kara nalapape lao palamo, leya.

APOSELENA YULU 15:10

Dokona ingyuo nakama apa pipyasa Anatu makande pyuo kandele lao Kurisene yango dupwa kenda renge doko sinya lao mainya pilyamisi? Kenda pingi nakama keta maiyalana pilyaminyi dupwa namwape namwana rora ambasupi dupwame mata punjiyamosa selana saka nayama.

APOSELENA YULU 5:9

Dopa leyamo dokopa Pitame baa lamaiya. Nakamba apa piramba lao Kamongona Imambu doko makande pyuo mendakinya palyuo kyambo lambisi? Emba see. Akali dupwame wambo embena akalinya malu pyaaminyi dupwa malu pipala dakepa anda kambu dokona yuu kisakasi lao ipwuaminyi. Akalinyi soo puminyi doko suu pyao emba dopako pyuo dee soo potomo poominyi lyakande leya.

1 Korina 10:9

Nakama Kamongome larape lao yulu koo doko pyuo kareyamisa kau malumi nakama neyamo kumuyami. Doko kandapala namwa dopako pyuo pii namanale.

Dutaronome 6:16

Yuu Masa dokona nakamame nakamana Kamongo Anatu doko makande pyuo kandeyami doko suu pyao apa pilyape lao kandalana makande pii nalapape.

Dutaronome 9:22

Yuu Tapara yuu Masa dee yuu Kipirote Atapa dupwana karo epeyaminyi dokopa nakamame dopako pyuo nakamana Kamongo Anatu doko imbu singi manjinyi pyambuyami.

Ipuru 3:9

Anatu lao dokopa nakamana kauwane dupwame ee kana akalisa kisima (40). nambana yulu kando karapalape namba alyungu mambu ingyuo minyuo kui leyami leya.

1 Samyuele 8:6

Dokopa Samyuele baa doo piso siyami doko epe kanda napala Kamongo kando loma siya.