Ekesetase 15:9 - Anatunya Buku Baepole Ole Testamene Pii Lapo dee Nuu Tesamene

⁹ Dokopa yanda pimwai dokome lao, Nambame nakama peteta epapala nakama minyarapala nyero. Nambame bange nakamana dupwa wakale liti pira pira pipala namba nyelana maserono bange dupwa nyero. Nambana wua gela kolo nyepala dokopa nambana porai dokome nakama bange peparae retaraminyi doko nyero, lapya.

Ekesetase 15:9 ပူးပေါင်းရင်းမြစ်များ

Jenesese 49:27

Benjamene yana suwa kararope nuli nalana lee minyuo papingi dopale yangama sipurapala pyao nao karenge. Pyao nyuo serelyamo dupwa mokwasoo maiyuo karelyamopa yuu kwuange, leya.

2 Samyuele 22:38

Nambame nyisu petenge dupwa peta ralyuo pyapala anamasi minyingi. Nambame kaeya napala nakama pyao kokwa soo nembapala dokopa kaenge.

1 Kiŋi 19:2

Dokopa enda dokome Ilainja peteyamo dokona pii wai nembapala lao, Embame poropeta dupwa pyapi doko suu pyao epapu rakyape mende nambame emba pyaa naro ramo dokopa mee bange anatu dupwame namba kumungi dokona pyambuo pinya, leya.

Ekesetase 14:5

Yuu gii dokopa Isaraele wambu dupwa neta pao kaeyamilyamo lao lamaiyaminyi doko sepala Isipi kiŋi banya yanda singi dupwamepe suu pingi alowa pipala lao doko akinde pyamase? leyami. Namwame kandakinya Isaraele wambu dupwa karapusi ingyuo namwana yulu pyakao karenge dupwa pena lapala kaeyamwanosa pyakao papelyaminyiŋi, leyami.

Aisaya 53:12

Dopa pyuo paramopa nambame baa ketae pyambuo baa akali kamame wakasa porai dupwa pipya karena laro. Wambu koo pingi dupwana panda nyuo randa nao baa range kumuo mainya mona kumapala baame wambu koo pingi malunya panda nyepala ateŋa lao Anatumi nakamana koo dupwa kame sakaminya lamaiyuo kumuya.

Apakuku 3:14

Banya yanda pimwai dupwa ipwaŋa kulimbuli lao epo namwa pyao bolombalo lanyi nembala epeyami. Bange aya nange wambu dupwana bange dupwa yalu pyuo kingi rukyuo nyakamyuo pingi dopale ingyuo epeyami. Dopa piyaminyipape dupwana yanda singi mupwa doko embame angi keta pii.

Luku 11:22

Kapa seramopape akali kama porai mendeme epo baa pyao isa palyapala dokopa banya yanda kaku konambepe retaro kararamo dupwa nyepala banya pinjale bange nyuo wambu yango mokwa soo maira.

Jasi 5:30

Nakama bange koto nyuo mokwa soo lili pyuo nyilyaminyi ingilyamo. Doko wanake mapwae nyuo yanda singi dupwa lama larapu nyilyaminyi. Dee komau keyange kamonganyi nembenge dupwa akali Sisira dokona lao nyakamilyaminyi. Dee mola suku pisi ama keyange dupwa enda kuini dokona mangena sera lao nyakamilyaminyi, leya. Leyamo doko sepala Sisirana endangi dokome poraiyuo suu pyao peteya.