Ekesetase 15:2 - Anatunya Buku Baepole Ole Testamene Pii Lapo dee Nuu Tesamene

² Kamongome namba porainyi pyambwapyamo porai ingyuo karo. Baame namba elyape keta palyuo kiiramo nyiya. Nyiyamo dokona baa nambana Anatu dokona nambame banya kingi lakandaro. Baa nambana rakanena Anatu. Banya kingi andake dokona lao nambame lakandaro.

Ekesetase 15:2 ပူးပေါင်းရင်းမြစ်များ

Jenesese 17:7

Namba embapa kana minyuo lalu lao lenge pii doko minyaronopa embena enakana manjiri dupwa opetae keta pii doko kulisa ingyuo sulu seramopa dokona nambame nakamana Anatu angingyuo karalu kararoŋo.

Jenesese 49:18

O Kamongo namba mata kyakao nyerene dokonaiso karo.

2 Samyuele 22:3

Nambana Anatu doko nambana alya minyingi akali dokona namba baa keta kyawa lete epelyo. Baame konambe dopale ingyuo namba alya minyingi. Dee baa nambana lete wai pyao nyingi akali wambu dupwame namba pyalana randa jilyaminyi dokopa baame namba keta alya minyuo nyisingi.

2 Samyuele 22:47

Kamongo doko lete karalu karenge. Baa nambana nee isa ingyuo karenge doko lakandena. Anatu porainya renge palenge dokome namba lete wai pyao nyingi dokona kingi ketae pena lao leto.

2 Samyuele 22:51

Namba banya kiŋi Dapiti dokome nyisu petenge dupwa anamasi minyare lao Anatumi porainya renge jingi ingyuo karenge. Baame namba banya rombo palyiyamo akali doko mona kulisa retenge. Dopa pipala namba Dapiti ketape dee nambana para pyaramo dupwa ketape mona reto karalu karara.

2 Samyuele 7:24

Isaraele dupwa embame emba rangena wambu ingyuo puu parami lao rombo palyapala emba Kamongo doko namwana Anatu angingyuo karenge.

2 Samyuele 7:5

Nambana kendemande akali Dapiti doko kando nambame lalamo lao lamaila pupi. Embame ingyuo nambana tembole anda doko pyaka nare, lape.

1 Kiŋi 8:13

Dopa leenepape epapu nambame embena lao tembole anda kamame keyange wakasa doko pyakapu. Panda dokona emba epo karalu karare.

1 Kiŋi 8:27

Dopa piramopape Anatu, emba kinyi angingyuo isa yuu dakena palyuo karo pilisi? Yake peparae emba kapa karare ingya nalyamo. Dokona apa pipala emba tembole anda piyunu dakena kapa kararese?

Samu 118:14

Kamongo baa namba ama porai kana lopalopa inginyi pyambungi. Doko baame namba pyuo nyilyasa pingi.

Samu 118:21

Nambame Kamongo embenakingi doko lakandelyo. Renge doko embame yanda dupwana pyuo rakae salaselao jingi.

Samu 118:28

Emba nambana Anatu karene dokona kando ange leto. Nambame embena yulu wakasa ingyuo penge dupwana lao lamairu ingilyamo.

Samu 132:5

Dopa pyuo pao Kamongo karara yuu dokope dee anda Isaraele wambunya Anatu Porai doko palira anda doko maipala dokopa luu palyuo nenge nao kame sero.

Samu 145:1

Nambana Anatu emba kiŋi ingyuokarene doko embena yulu andake dupwa nambame lao panaro. Nambame embena kingi dokona ange lao karalu kararo.

Samu 22:10

Namba mandeyami gii dokopa piso embena kingi kapena siyunupa emba nambana Anatu ingyuo karee.

Samu 22:3

Dopa pipunupape emba poo pyasi karenge doko kiŋi karapinyisa emba lakandelyaminyi.

Samu 27:1

Kamongo doko nambana pyuo nyingi kendalinya mendeke karamo dokona kupwa sipyamo karonde daa. Kamongo doko nambana matarena konambe mendeke ingyaro karapyamo karoŋo wambu pakaro doko angi api karase?

Samu 34:3

Kamongo baa wakasa ingyuo karamo lao namba lamailyu dokona lamaiyuo banya kingi doko role pyao lakandamanale.

Ekesetase 14:13

Leyamisa Moseseme isingi lamaiyuo, Paka napala Kamongome apa pyuo nakama epapu kyawa lete nyilyape lao mee karalapa. Nakamame Isipi range dupwa dee kandaraminde daa.

Ekesetase 3:6

Namba embena rakane dusipana Anatuŋu, leya. Leyamo dokonako lao, Aporakamena Anatu Aisakena Anatu Jekopena Anatu dokoŋo leya. Dokopa Mosese Anatu kandalana pakapala banya lenge kambu doko nee piya.

Ekesetase 4:22

Dokopa embame Perao lamaiyuo, Kamongo dokome dopa letamo. Isaraele rara dupwa nambana wane mupwa kyawalengya lao mandengeŋe.

Ekesetase 40:34

Misi anda komaumi wasisi dokona kopa dokome epo yambe piya. Dokopa Anatunya yanga paupau lenge renge dokome leya leya piyamo dokome komau anda doko palyuo simbuya.

Ekesetase 6:7

Dopa pyuo nakama namba rangena ingyuo nyepala namba nakamana Anatu ingyuo kararo. Dokopa namba nakamana Kamongo Anatu dokome Isipi wambu dupwa randa joo kareyaminyipa moko nyii kande dokolyamo lao serami, leya.

Aisaya 45:17

Dopa piraminyipape Isaraele wambu dupwa Kamongome lete pyuo nyilyamo doko soo puu para ingilyamo. Dee banya wambu dupwa kamame elya renge nyii narami.

Aisaya 49:6

Kamongome namba langyuo, Nambana kendemande akali doko emba yulu andake mende retakapunu silyamo. Embame Isaraele wambu kyawa lete nyisi karaminyi dupwa iki keyange ingyuo palyuo karalu karena lao piriŋi lao laa nalyo. Dopa piramopape wambu rara peparaena lambe mendeke ingyuo karalase lao lao rombo palyaro. Dokona lao yuu muu peparaena wambu nambana lete penge kata lasaka pirami ingilyamo.

Aisaya 66:1

Kamongome lao, Yake doko nambana kiŋinya isa petenge rate silyamo. Isa yuu doko nambana kimbu kararo petenge. Anda apiyakale mende pyakaramisi? Yuu anjukundena namba palirusi? letamo.

Jeremaya 31:33

Kana minyuo lalu lao lenge pii enenge nambame Isaraele wambu pipa larono doko dapale ingyara. Nambana lowa dupwa nakamana mona anda dokona pyao retapala nakamana suu pingi dokona pyao palyakaro. Dopa pipala namba nakamana Anatu angingyuo kararonopa nakama nambana wambu angingyuo parami.

Apakuku 3:13

Embame papala embena wambu dupwa nyiso dokopa embena rombo palyasi kiŋi doko nyisiiko. Akali yulu koona mupwa ingingi doko pyapala banya letamuli pyuo pingi dupwa pyao kokwa sinya nembalu nembo nembee.

Luku 1:77

banya wambu dupwana koo dupwa kame sakasi seramopa lete wai pyao parami lao pii doko boo pyao lamairi.

Luku 2:30

Embena lete wai pyao nyingi doko

Jone 4:22

Nakama Samaria wambu dupwame api mende ketae pyambuo yako lao karaminyi doko angi sepala pilyaminde daa. Lete wai pyao nyingi yulu doko namwa Juu wambu dupwa keta epelyamo dokona soo gisapala Anatu ketae pyambuo angingyuo lao karamano.

Jone 5:23

Wambu peparaeme Rakange kando ketae pyambuo karaminyi dopako pyuo Ikinyingi ketae pyambuo karena lao maiya. Mendeme Ikinyingi kando ketae pyambuo kara narami dupwame Rakange mapanyi peeyamo doko ketae pyambuo kara naramisa pira.

APOSELENA YULU 4:12

Banya kingi dokomeoko iki isa wambumi lete wai pyao parami. Kingi wakale wakale dupwa laminyipape namwa Yesunya kingi dokome iki letena renge kando nyerama leyambi.

2 Korina 5:19

Anatumi Koraisa keta wambu peparae banya puu minyingi inginyi pyambuya dokona waili pii doko polo letamano. Doko nakamana yulu koo piyami dupwa yaka lao suu pyakami naya. Suu pyakami nayamopape apa pyuo nakama banya puu minyingi inginyi pyambulyu lao waili pii doko langyuo jiya.

Epesasa 2:22

Nakama opetae Koraisa keta kimbu silya sana pyuo pisi karaminyi. Anda pisi doko Anatu Imambu dokopa paleta karenge.

Dutaronome 10:21

Baa lakandalapape. Baa nakamana Anatu dokome yulu andakepe yulu yamarangunyi pyambungipi dupwa nakamana lao pyakayamo dupwa nakama rangena lenge dokome kandeyami.

Pilipai 2:11

Lakando dokopa wambu peparaeme Yesu Koraisa doko baa Kamongo doko lao kararami. Dopa pyuo lakandarami dokome Rakange Anatunya kingi ketae pyambuo parasa pira.

Pilipai 4:13

Koraisa baame namba porainyi pyambuyasa yulu peparaena lao mona kuki palyuo karenge.

Kolosi 2:9

Koraisa Yesumi wambunya yongo maralyuo karo, Anatu angi karengenyili pyuo kareya.

Orepalaisane 15:3

Nakamame Anatunya kendemande akali Mosesena kenane doko pyao dee Sipisipi Ikyanena kenane doko pyao dopa pyuo leyami. O Kamongo Anatu Ama Porai doko, embena yulu dupwa peparae ama wakasa ingyapala elyape rolae ingyuo singi. Emba yuu muu peparaena kiŋi ingyuo karene.

Orepalaisane 19:1

Enakana yake dokona piso pii ketae lao wambu ama malumi pii larami dopale leyaminyi siyu doko, Lete wai pyao nyingi yulupi yanga paupau lenge dokope porainya rengepe namwana Anatu baa keta palenge. Dokona banya kingi lakandalapape leya.

Jasi 5:21

Ipwa Kisone lenge doko palipala nakama peparae soo peya. Dokona namba porai ingyuo karo kimbu pyao piso paro.