Ekesetase 13:9 - Anatunya Buku Baepole Ole Testamene Pii Lapo dee Nuu Tesamene

⁹ Dopa pyuo lao reto nakamana enamba kinginyape puu pisapala kando karenge kandale dopale ingyuo paraŋa, leya. Dopa pyuo pirami dokome piyamiŋi lao panele laramopa Kamongona porainya renge dokome Isipi piso nyuo epeyaŋa lao banya mawa pii dupwa suu pyaro karo mana nyuo polo lao kararamiŋi.

Ekesetase 13:9 ပူးပေါင်းရင်းမြစ်များ

Niyamaya 1:10

Lapala dokopa Kamongo doko dapwa embena kendemande emba rangena wambu kandale. Embena porainya renge andake dokome kiiramo nyii dupwa karaminyi.

Samu 89:13

Anemapwae. Emba ama porai renge wakasa palenge. Embena porai renge doko bange mendepa manda manjipa nalyamo.

Ekesetase 12:14

Namba Kamongome dopa piya lao suu pyao kame see naramiŋi dokona ee kana peparae yaka lao yuu gii dake dopa pyuo misi lao nenge nao nambana lao suu pyao pisirami, leya.

Ekesetase 12:41

Ee kana 430 dusipa epo papeyamo yuu gii dokopa nakama Kamongona rara dupwa peparae yuu Isipi yaki nyiyami.

Ekesetase 13:14

Rakyame nakamana ikinyingi dupwame doko akinde pilyaminyi lao piso siyami kande dokopa yuu Isipi dokona anjaro paleyamanopa Kamongona porainya renge palyuo moko nyiya dokona dopa pyuo karamano lao renge doko lamaipape.

Ekesetase 13:16

Dopa pyuo lao reto nakamana enamba kinginyape puu pisapala kando karenge kandale dopale ingyuo paraŋa. Dopa pyuo pirami dokome piyamiŋi lao panele laramopa Kamongome banya porainya renge dokome Isipi piso namwa nyuo lanyuo epeyaŋa lao suu pyaramaŋa lao pingi ingyara, leya.

Ekesetase 13:3

Moseseme wambu dupwa lamaiyuo, Nakama Isipi karapusi karo neta epeyami kande doko dakepa suu pyalapape. Anatumi banya porai renge dokome nyuo lanyuo epeya kande doko yuu gii dakeŋe. Borete isi pyambwasi doko wasaka pyuo naa nalapape.

Ekesetase 3:20

Dokopa nambana porai dokome yulu yamarangunyi pyambungi lapo Isipi wambu randa mairu. Enakana dokopa kiŋi dokome nakama pupwa lapala kaeyara, leya.

Ekesetase 7:4

Dokopa nambame yuu Isipi range dupwa randa andake mairunupa nambana Isaraele wambu dupwa Isipi yaki nyuo lanyuo paro.

Poropepe 1:9

Akali kalya pyuo eparamo doko kandapala au pyuo karengelamo lao suu pyarami. Doko suu pyao emba endakinyi rakanepana pii warombo soo karapala kapa palyuo karare dokopa auwo kandarami.

Poropepe 7:23

Dee omande sinyana malyilyaminyipa baa kumara doko see nao mee panda rapisi lao pao palipala randa nyingi dopale ingyuo wane doko baa peya.

Aisaya 40:10

Kamongo Mupwa Andake Wakasa dokome porainya renge palyuo banya wambu dupwa iso karala epelyamo. Epo dokopa banya wambu kiiramo nyiyamo dupwa role pyapeta lanyuo epelyamo.

Aisaya 44:5

Dokopa mendaki mendaki lao wambu dupwame lao, Namba Kamongona wambu karo lao epo Isaraele wambu pipya konda konda pirami. Dopa pipala wambu mendaki mendaki lao nakamana kingi sukuli dokona Kamongona kingi pyanyi palyarami. Palyapala baa range Anatunya wambu dokona mende karo, larami.

Aisaya 49:16

Jerusaleme nambame yuu mendepape nakama kame soo kaeya naro ingilyamo. Nambana kingi kape dokona nakamana kingi doko pyasi palamo.

Daniele 9:15

Namwana Kamongo Anatu, yuu Isipi piso embena wambu dupwa lanyuo epeene dokome embena porai renge doko lasaka pii. Dokona lao wambu dupwame embena porai renge dokona lao mee suu pyaro karaminyi. Dopa piinyipa namwame kopetame pyuo yulu koo pyuo karamano.

Joele 2:11

Kamongo dokome yuu gala lele lao banya ami akali dupwa dopa pinya dapa pinya lao pii poraiyuo lamaira. Yanda singi banya pii warombo singi dupwa ama malu mee dupwa porai wakasako. Kamongona yuu gii doko koo mangepe nao randa nyuo epara dokona api mendeme paka nao mona porayapala kararase?

Matyu 23:5

Nakamame yulu pingi dupwa peparae wambu dupwame kandamili lao pyuo karenge. Dokona lao nakamame Baepolena pii pyasi palenge malu nyuu byake dokona nyimbunyale lao embo nakamana komau pinjingi londenale lao pee pyuo karenge.

Orome 10:8

Dokona ingyuo pii mende pyasi palamo doko. Anatu baa kapa ingingi lao suu pilyamano waili pii doko nakamana mona anda palipyamopa polo larami ingilyamo.

Dutaronome 30:14

Doko daa. Dae nakama pipya repeta angi suu pingi monape dokona palipyamo doko nakama maso kambunya lao karaminyi. Dokona lao epapu mawa pii doko warombo soo karalapape.

Dutaronome 6:21

Dokopa nakama lamaiyuo lalapape. Namwa Isipi range kiŋi dokona kendemande yulu pyuo karapusi kareyamanopa Kamongome banya porainya renge wakasa dokome namwa kiiramo nyiya.

Dutaronome 6:6

Epapu nambame mawa pii nakama langilyu dapwa kame see nalu nalapape.

Dutaronome 6:8

Kame see naramana lao nakamame pii dapwa pepana pyapala nakamana kingi kalenge dupwana puu pyanyi piso dee enamba dupwana piso pipwape.

Orepalaisane 18:8

Dopa pyuo laramosa koo wakale wakale dupwa enda baa keta yuu gii mendaki dokonako mee komondo kata palyuo epara. Epara dokome yuu andake doko anga ikyane kiso maiyuo lopo andake soo mona rando papala rao muku sera. Doko Kamongo Anatu Porai dokome baa kote laramosa pira leya.

Jasi 2:12

Karo nakama Kamongona kingi yaki nyiyami. Anatumi nakamana kauwange dupwa yuu Isipi yaki nyuo lanyuo epeyamo doko soo gisa nayami. Nakamame kanda soo wambu rara wakale role pyao paleyaminyi dupwana kyambo anatu kingi lakando kareyami. Nakamame mata punjinyi nembo mee kyambo anatu dupwana lao kingi leyaminyi dokopa Kamongo baa imbwaya.