Ekesetase 13:3 - Anatunya Buku Baepole Ole Testamene Pii Lapo dee Nuu Tesamene

³ Moseseme wambu dupwa lamaiyuo, Nakama Isipi karapusi karo neta epeyami kande doko dakepa suu pyalapape. Anatumi banya porai renge dokome nyuo lanyuo epeya kande doko yuu gii dakeŋe. Borete isi pyambwasi doko wasaka pyuo naa nalapape.

Ekesetase 13:3 ပူးပေါင်းရင်းမြစ်များ

Jenesese 15:16

Amo wambu yulu koo pilyaminyi dokona koo andake ingyuo paramo randa maipengele dokopa ralinyi nembaro. Dokopa embena palu yuu kisima mende ingyuo manjo para pyao nyeparaminyipa dee yuu dake epo nyerami, leya.

Niyamaya 1:10

Lapala dokopa Kamongo doko dapwa embena kendemande emba rangena wambu kandale. Embena porainya renge andake dokome kiiramo nyii dupwa karaminyi.

Niyamaya 9:10

Embena wambu dupwa randa maiyami doko emba sepala Embame yulu pii nange yamarangaramili dupwa kiŋi Peraope banya akali mupwape dee banya yuu range wambupi keta randa maiyuo pii. Dopa pyuo anamasi minyii dokona embena kingi doko andake ingyuo silyamo.

Samu 105:5

Nakama banya kendemande Aporakamena para pyao nyisi dupwa karaminyi. Nakama Jekope Anatumi rombo palyiyamo dokona para pyao nyiyamo dupwakaraminyiko. Dokona Anatunya yulu keyange pyuo wambumi pii nange yulu piyamopape kote rolae leyamopape dupwana doko mende kande lao suu pyao karalapape.

Samu 89:14

Embena isingi yulu doko rolae pingi rengepe kote rolae lenge rengepe dolapona ingyuo renge kuiyaro karapyamo silyamo. Embena mona reto pingipi mondo lao pingipi dolapo yulu pipi dokona panelyamo.

Ekesetase 12:15

Kamongome lao, Yuu yanda ipingi nyepo dusipana nakamame borete isi pyambuo wasingi doko naa narami. Borete isi pyambwa nao wasisi doko iki narami. Daaŋa lao yuu gii dusipana mendeme isi pyambwasi doko nao lara ramo doko nambana wambu ingyuo kara nana dokona yuu gii mupwa dokopa nenge isi nakamana anda singi dupwa peparae nyuo nembarami, leya.

Ekesetase 12:17

Nakamana rara yuu Isipi piso yuu gii dakena lanyuo epeyaŋa lao kaeya nao misi lao nenge nenge yuu gii doko minyuo pyuo kararami. Ee kana peparaena yuu gii dake eparamo dokopa dopako pyuo karalu kararami.

Ekesetase 12:19

Yuu gii yanda ipingi dusipana isi mende nakamana anda seramo kanda napenge. Daaŋa lao Juu rangepe dee wambu wakale mendemepe borete isi pyambwasi nara ramo doko nambana wambu ingyuo pisi nalyamo lao suu pyaroŋo, leya.

Ekesetase 12:2

Kana dake nakambana ee kana dokona kana mupwa ingyuo pyaka silyamoŋo.

Ekesetase 12:41

Ee kana 430 dusipa epo papeyamo yuu gii dokopa nakama Kamongona rara dupwa peparae yuu Isipi yaki nyiyami.

Ekesetase 12:42

Kukwama dokopa yuu Isipi yaki nyuo Kamongome nakama waa keta paliraminyi kandokondali pyuo nyuo lanyuo epeya. Kukwa doko Kamongo baa keta yuu rakyamepe pyamalyuo retapala doko mende piya kande lao Isaraele wambu dupwame suu pyao pisirami ingiya.

Ekesetase 12:8

Kukwama dokopako mena doko isareme yango narami ingilyamo. Nao dokopa borete isi pyambwa nange nenge dokope awa kyalyape kau pingi dupwa pipya kopo narami.

Ekesetase 13:14

Rakyame nakamana ikinyingi dupwame doko akinde pilyaminyi lao piso siyami kande dokopa yuu Isipi dokona anjaro paleyamanopa Kamongona porainya renge palyuo moko nyiya dokona dopa pyuo karamano lao renge doko lamaipape.

Ekesetase 13:9

Dopa pyuo lao reto nakamana enamba kinginyape puu pisapala kando karenge kandale dopale ingyuo paraŋa, leya. Dopa pyuo pirami dokome piyamiŋi lao panele laramopa Kamongona porainya renge dokome Isipi piso nyuo epeyaŋa lao banya mawa pii dupwa suu pyaro karo mana nyuo polo lao kararamiŋi.

Ekesetase 20:2

Namba nakamana Kamongo Anatu dokome nakama yuu Isipi dokona karapusi ingyuo kendemande yulu pyuo kareyaminyipa neta nyuo lanyuo epeyoŋo doko.

Ekesetase 20:8

Koro petenge yuu gii dokona lao poraiyuo suu pyao minyaro karo yapasi ingyuo Kamongo keta pyambwarami.

Ekesetase 3:20

Dokopa nambana porai dokome yulu yamarangunyi pyambungi lapo Isipi wambu randa mairu. Enakana dokopa kiŋi dokome nakama pupwa lapala kaeyara, leya.

Ekesetase 34:18

Nakama Borete Isi Pyambwa Nange Nenge Nenge yuu gii doko minyuo karalapape. Karapala nambame langiyunuli pyuo nakama borete isi pyambwa nange doko kana Apipi dokona yuu yanda ipingi dusipana narami. Kana Apipi dokona nakama yuu Isipi yaki nyuo epeyaminyi dokona ingyuo narami.

Ekesetase 6:1

Dokopa Kamongome Mosese lamaiyuo, Dakepa nambame Perao kando mende pingi pyapono doko pao kandalale. Perao banya kingi porai dokome banya yuu doko yaki nyuo pena lapala wambu dupwa poraiyuo suu lanyi nembara, leya.

Ekesetase 6:6

Dokona lao embame Isaraele wambu dupwa lamaiyuo Kamongo doko nambaŋa. Nakama Isipi dupwame karapusi pyuo yulu nyuo suu lao joo karaminyi dokona nambame nakama karapusi yulu pyakamyuo karaminyi dokona kingi rekya lao nyero. Nambana kingi porai dokome nakama pyao rekya lalana pyuo karo dokome nakamba randa koo maipala nakama kyawa lete nyero.

Ekesetase 6:7

Dopa pyuo nakama namba rangena ingyuo nyepala namba nakamana Anatu ingyuo kararo. Dokopa namba nakamana Kamongo Anatu dokome Isipi wambu dupwa randa joo kareyaminyipa moko nyii kande dokolyamo lao serami, leya.

Ekesetase 7:4

Dokopa nambame yuu Isipi range dupwa randa andake mairunupa nambana Isaraele wambu dupwa Isipi yaki nyuo lanyuo paro.

Daniele 9:15

Namwana Kamongo Anatu, yuu Isipi piso embena wambu dupwa lanyuo epeene dokome embena porai renge doko lasaka pii. Dokona lao wambu dupwame embena porai renge dokona lao mee suu pyaro karaminyi. Dopa piinyipa namwame kopetame pyuo yulu koo pyuo karamano.

Matyu 10:12

Anda dokona kolando pao dokopa nakama mona kyuu lao seramo petena lao yako lalapape.

Luku 22:19

Lapala borete nyepala ange lao ateŋa lapala kau lao mokwa soo maiyuo, Dake nambana yongo (nakama reke lao kumuo jisi sera. Namba suu pyao dopa pyuo nao kararami leya.

1 Korina 11:24

Nyepala minyaro karo Anatu ange lapala kau leya. Kau lapala, Dake nambana yanenge poro lao nakama keta jilyu leya. Namba lao suu pyao nao pisipwape leya.

1 Korina 5:8

Borete isi wambarae silyamo nenge nenge dokona naa namanale. Isi wambarae doko koope kepo pingi dopale. Borete isi wambarae see nange nenge nenge dokona namanale. Borete doko yapasi angipi dopale.

Epesasa 1:19

Banya porainya renge yapasi doko namwa Anatu kapa ingingi lao suu pyao karenge dupwa keta palena lao ateŋa lakalyo. Porainya renge wakasa pyuo kareyamo dokomeyoko

Dutaronome 13:10

Nakama kendemande ingyuo yuu Isipi kareyaminyipa nakamana Kamongo Anatu kiiramo nyuo minyuo epeyamo doko yaki nyuo kata wakalena pupwale lao lapya. Dokona lao kana dupwame pyao kumakalapape.

Dutaronome 13:11

Dokopa Isaraele wambu dupwa doo pimi larami doko sepala nakama pakarami. Pakapala mendemepe koo dopale dupwa kamba sipuro pii nara.

Dutaronome 13:5

Nakamana Kamongo dokome kendemande ingyuo yuu Isipi kareyaminyipa kiiramo nyuo minyuo epeya doko kame soo mata maipwase lao pii nolakao lenge mendepe panda kombeya iso polo lenge akali mendemepe leya kande doko pyao kumakalapape. Akali dopale mende koo palenge dokome Kamongome nakama au pyuo palyuo karamili lao suu pilyamo doko yaki nyuo kata wakalena lanyuo pupuli lao pira. Doko nakama range koo dokona nenge rekya lao nyuo dokopa akali doko pyao kumarami.

Dutaronome 13:6

Kamame nakamana yangonge mendemepe panda nakamana wane wanakepe dupwana mendemepe panda nakamana etene angi mona retenge dokomepe panda nakamana puu minyingi angi dokomepe mee bange anatu nakamana rora ambasu dupwamepe kamame lakanda nange dupwa nakama lakandamili lao kongo pyuo langyuo lara.

Dutaronome 24:18

Nakama Isipi dokona karapusi paleyaminyipa Kamongome nakama kiiramo nyiya kande lao soo karalapape. Renge dokona lao mawa pii dake jilyu kande.

Dutaronome 24:22

Nakama Isipi dokona karapusi ingyuo kendemande yulu pyuo paleyami kande doko kame sisaramano kando lao soo soowako pyuo karalapape. Renge dokona lao nambame mawa pii dake jipunu pilyamo.

Dutaronome 26:8

Banya porainya renge dokome Isipi dupwa keta namwa kingi rekya lao nyiya. Baame wambumi yulu kanda nangepe yulu wambumi kando yamarangyuo pakanyi pyambungipi dupwa pyuo piya.

Dutaronome 4:34

Nakama yuu Isipi dokona kareyaminyi dokopa Anatumi nakama baa rangena wambu ingyarami lao nyuo minyuo epeya. Doko suu pyao anatu wakale mendeme wambu rara mendena wambu dupwa neta nyepala baa rangena ingyuo karena leyase? Anatumi nakamana lenge kambu dorena banya porainya renge andake dokome anga ikyanepe yanda pingi yulupi sipuro epena lao minyuo piya. Dopa pyuo yulu wambumi pii nangepe dee wambu pakanyi pyambuo yulupi dupwa piya.

Dutaronome 6:12

nakama yuu Isipi dokona kendemande ingyuo karapusi kareyaminyipa Kamongo kiiramo minyuo epeyamo doko kame sisaramano kando lao suu pyao karalapape.

Dutaronome 6:21

Dokopa nakama lamaiyuo lalapape. Namwa Isipi range kiŋi dokona kendemande yulu pyuo karapusi kareyamanopa Kamongome banya porainya renge wakasa dokome namwa kiiramo nyiya.

Dutaronome 7:8

Dopa pipyamopape Kamongome nakama mona retapala nakamana rora ambasu dupwa kando lalu lao leyamo pii doko yaki nyii nao minyuo karapuli lao suu piyamo dokome nakama Isipi kiŋi dokona kendemande pyakamyuo karapusi kareyaminyipa banya porai andake wakasa dokome nakama kyawa lete nyuo manda rao kiiramo minyuo epeya.

Dutaronome 8:14

nakama range ketae pyambuo lakandelyaminyi lapala nakamana Kamongo Anatu dokome nakama yuu Isipi karapusi ingyuo kendemande yulu pyuo kareyaminyipa kiiramo nyuo lanyuo epeya doko kame sisarami kando karalapape.

Dutaronome 9:12

Pyao jepala dokopa Kamongome namba langyuo, Embena wambu yuu Isipi yaki nyuo lanyuo epee kande dupwame yulu kopetame pyuo nambame yulu pinya lao mawa pii lamaiyunu dupwa kaeyo otapala nakama rangena mee bange anatu doko wasiyami. Dokona lao yuu kyau dokona karo waiya lao lupyuo puu, leya.

Josua 24:17

Lapala namwana Kamongo Anatu dokome namwana rakange dupwape namwape yuu Isipi dokona kendemande yulu pyakamyuo kareyamano dokopa neta nyuo lanyuo epeya. Epeyamo dokopa yulu andake piyamo dupwa namwame kandeyama. Namwa panya peyamano dupwana akali rara wakale wakale dupwame namwa pyalana piyaminyipape Anatumi namwa nyuo retaro karo nyiso lanyuo peya.

Jasi 2:12

Karo nakama Kamongona kingi yaki nyiyami. Anatumi nakamana kauwange dupwa yuu Isipi yaki nyuo lanyuo epeyamo doko soo gisa nayami. Nakamame kanda soo wambu rara wakale role pyao paleyaminyi dupwana kyambo anatu kingi lakando kareyami. Nakamame mata punjinyi nembo mee kyambo anatu dupwana lao kingi leyaminyi dokopa Kamongo baa imbwaya.

Jasi 6:8

Piso siyaminyipa baame poropeta akali mende nakama keta peyamo dokome Isaraele wambunya Kamongo Anatu dokona wai pii doko minyuo epeya. Kamongona wai pii dapa lao, Nambame nakama yuu Isipi dokona kendemande ingyuo kareyaminyipa kiiramo nyuo minyuo epeyo.