Ekesetase 12:3 - Anatunya Buku Baepole Ole Testamene Pii Lapo dee Nuu Tesamene

³ Mana pii dake dopa letamo lao Isaraele wambu peparae lamaipape. Kana dakena yuu gii akalisa dokopa akali ree palu dokona larapu mena sipisipi yakane mendaki panda meme yakane mendaki larapu yapo nyinyale.

Ekesetase 12:3 ပူးပေါင်းရင်းမြစ်များ

Jenesese 22:8

Aporakame lao, Rakane, Anatu baa rangeme sipisipi pyao yangalapase lao jera ingilyamo, leya. Dokopa dee laparae peyambi.

Jenesese 4:4

Epolo banya sipisipi ikyane mupwa mendepa sipisipi kapa rukisi lapopeminyuo epo kiso maiya. Dopa pyuo piyambinyisa Kamongome Epolo minyuo epeyamo dupwa rae maipala

Ekesetase 12:2

Kana dake nakambana ee kana dokona kana mupwa ingyuo pyaka silyamoŋo.

Ekesetase 12:21

Moseseme Isaraele akali kyawa dupwa kyakale lapala dopa lamaiya. Nakamana ree palu dupwa Pasopa dokona nenge narami lao nakama peparae range wakale wakaleme mena sipisipi yakane panda meme yakane nyepala pyarami.

Ekesetase 12:4

Mena dokona ree palu dokome kapa nao ota narami ingyara ramo doko parali maki palenge dupwa role pyao piso nakama peparaeme menapa wambupa manda manjo mokwa soo maiyuo narami.

Ekesetase 12:6

Nyepala kana dokona yuu gii akalisa ipisu kisima kukwa dokopa Isaraele wambu peparaeme mena pyarami.

Ekesetase 14:15

Lapeyamo dokopa Kamongome Mosese lamaiyuo lao, Akipamo embame nyisalipu lao kee letese? Embena wambu dupwa pelyaminyi dokona mee mende kamame lambuo pena, lamai.

Ekesetase 20:19

Karapala nakamame Mosese lamaiyuo, Embame namwa pii langirinyi dokopa namwa pii serama. Dopa piramopape Anatumi namwa pii langira ramo dokopa namwa kumaseramano lao pakame kumulyamano, leyami.

Ekesetase 4:30

Dokona Kamongome Mosese lamaiyamo dupwa peparae Eroneme nakama lamaiya. Lamaiyamopa Moseseme yulu wambu kanda nange dupwa wambunya lenge kambu siyamo dokona piya. Doko kandapala wambu dupwame kinyilyamo lao suu piyami.

Ekesetase 6:6

Dokona lao embame Isaraele wambu dupwa lamaiyuo Kamongo doko nambaŋa. Nakama Isipi dupwame karapusi pyuo yulu nyuo suu lao joo karaminyi dokona nambame nakama karapusi yulu pyakamyuo karaminyi dokona kingi rekya lao nyero. Nambana kingi porai dokome nakama pyao rekya lalana pyuo karo dokome nakamba randa koo maipala nakama kyawa lete nyero.

Jone 1:29

Dokopa yangama dokopa baa kareyamo dokona Yesu epeyamo kandeya. Kandapala, Anatunya Sipisipi Ikyane isa wambu dupwana koo dupwa nyuo lanyakao para doko kandalapa.

Jone 1:36

Dokopa Yesu kata epo peyamo kandapala, Anatunya Sipisipi Yakane doko karamo kandalapa leya.

Jone 12:1

Yuu gii pakinyamange epo paparamopa Pasopa nenge narami ingiyamopa Yesu baame yuu Betani Lasarasa lopo nyiyamo dokona peya.

Jone 12:12

Dokona yangama dokopa wambu ama malu Pasopa nenge nenge dokona nala epeyami dupwame Yesu Jerusaleme epelyamo lao sepala,

1 Korina 5:7

Isi doko namwana koo dopale. Isi koo doko nembarami ramo dokopa nakama poo pyasi ingyuo kararami. Dopa pyuo kararami dokopa nakama borete isi paleta see nange dopale ingyuo kararami. Doko dakepa angi ingilyamo lao soo leto. Dakepa Koraisa namwana Pasopana sipisipi ikyane ingyuo pyao yangeyami dokona namwana nenge Pasopa nenge doko repeta epelyamo.

Orepalaisane 13:8

Dokopa isa enda akali dupwa nakamana kingi doko Anatumi yuu panda wasapa nayamo dokopa letena renge palenge buku dokona kingi pali nange dupwame mena bange koo dokona kingi lao kararami. Buku doko mena Sipisipi Ikyane wambu pyao kumakayami dokona ingyuo siya. Kale kata singi ramo soo pisipwape.

1 Samyuele 7:9

Dokopa Samyueleme mena sipisipi kumambona mende peparae pyao kiso Kamongo maipala dokopa baame Isaraele wambu dupwa nyisinya lao loma siya. Dokopa Kamongome loma siyamo dokona isingi yano pyakamiya.