Ekesetase 11:8 - Anatunya Buku Baepole Ole Testamene Pii Lapo dee Nuu Tesamene

⁸ Lapala Moseseme pii lao oto lumwa pyuo lao, Embena yulu pingi akali mupwa dupwa isale pao palipala namba mupwalyamo lapala nambape nambana wambu dupwape kala lanyuo puu larami lyakande. Dopa laraminyi dokopa namwa kapa yaki nyuo parama, leya. Dopa lapala Mosese imbumi kumapala Perao yaki nyuo peya.

Ekesetase 11:8 ပူးပေါင်းရင်းမြစ်များ

Ekesetase 10:29

Dokopa Moseseme isingi lao, Emba kapa leteneŋe. Embame namba dee kamba kanda nareko, leya.

Aisaya 49:23

Kiŋi dupwa nakamana rakange dopale ingyarami. Dee enda kuini dupwa nakamana endangi ingyuo parami. Dopa pipala nakamame kingi wapambupi lakao pangu soo nakama lakando ketae pyambuo kuki ingyuo inyimungu karo rape rape lao kararami. Dokopa nakamame namba Kamongo lao soo nyerami. Dee mendeme nambame nyisareŋe lao isaro karara ramo doko mona maka nara, leya.

Aisaya 49:26

Nambame nakama pyalana piraminyi wambu dupwa yango sukusa range pyao kumasinya lao piru. Wambu ipwa biya napala kopyali kyakaenge doko suu pyao nakamame wambu yango mende pyao kumako imbu singi andake manjo kararami. Dokopa wambu rara peparae dupwame namba Kamongo nakama kyawa lete nyuo kiiramo nyii doko lamo lao soo nyerami. Nakamame namba Isaraele wambunya porai renge palenge Anatu doko lamo lao soo nyuo pirami.

Isikiolo 3:14

Dokopa Kamongona Imambu dokome namba minyalyuo nyepala soo peya. Banya porai renge dokome namba keta epeyamo dokopa kata jiyasa epe see napala imbu singi nyiyu.

Daniele 3:19

Dokopa Setarake Mesake Apenekomoo kando kiŋi Nepukatenesa baa ama lenge kambu poro imbu manjo wakasa imbwaya. Imbwuapala banya akali dupwa lamaiyuo isare doko ama andake ingyuo rena leŋe yuu yanda ipingi ingyuo isa pyambuo kisinya leya.

Nambase 12:3

Mosese baa akali ama inyimungu karenge. Yuu muu peparaena baa yale mendali daa.

Make 3:5

Dopa pyuo nakama mona kana pokwapala peteyaminyi dokona Yesu baa imbuo mona randa piyamosa kandayoyo lao kareya. Dopa pyuo lao karapala akali doko, Embena kingi pyasinju lena, lamaiya. Lamaiyamo dokopa baa kingi pyasinju leya. Dokopa banya kingi mee ingiyamo kareya.

Dutaronome 32:24

Nakama lopo yanenge isasape dokome kumarami. Nakama anga yakaneme koo mange naramo kumarami. Nambame mena suwape rae lenge dupwape dee kau wambu nenge dupwape nakama keta ralinyi peyaronopa dupwame wambu dupwa pyao narami.

Ipuru 11:27

Baame Anatu kapa ingingi lao suu piyamo dokome Kiŋi Perao imbu singi manjira dokona paka napala yuu Isipi doko yaki nyuo peya. Baa Anatu karamo doko mane mane piyamopa mee kyawame suu lao puu pao peya.

Orepalaisane 3:9

Lapome kyambo lao Juu wambuŋu letaminyi dupwa nakamba Juu wambu angi ingya napala Satanena wambu ingyuo petaminyi. Kandalapa. Nakamba nakamana kimbu yukuna dorena pongwa naro petena laronopa nakama nambana arapu dokona karaminyi doko soo gisarami.

Jasi 4:10

Dokopa Bereke baame Sepyulane rarape dee Napatalai rarape peparae kyakale lao yuu Ketese dokona epena leya. Dokopa akali taosande akalisa (10,000) baame leyamuli pyuo epeyaminyipa enda Depora baa opetae role pyao peyami.

Jasi 8:5

Nakama yuu Sakote dokona epeyaminyi dokopa baame yuu range akali dupwa lamaiyuo, Nambana akali dapwa ama mako lopome kumulyaminyi dokona nenge borete lapo maiyakalapa. Nambame Mitiane kiŋi Salemuna Sipapa peteta ralyuo pyala papilyu, leya.