Ekelesiyastisi 11:2 - Anatunya Buku Baepole Ole Testamene Pii Lapo dee Nuu Tesamene

² Emba isa yuu dakena koo mende piramopa apa pyuo embone kara nare lao emba see nalene dokona embena kana dupwame bisinase wakale wakale pyuo byange wakale wakalena retape.

Ekelesiyastisi 11:2 ပူးပေါင်းရင်းမြစ်များ

Niyamaya 8:10

Dokopa Esera nakama lamaiyuo, Nakamana anda wakale wakale keyange papala nenge dupwa nao waene ipwange rende pingi doko nao dee wambu dolo nenge rapa rapa pii nayami dupwa mokwa soo maiyuo pyuo pupwale. Renge doko yuu gii dake namwana Kamongopa poo pyasi ingyuo silyamo dokona yamarangyuo ee laa nalapape. Kamongona rae maingi renge dokome nakama porainyi pyambwara, leya.

Jopo 5:19

Yuu gii pao epo piramo dupwa peparaena emba koo keta palirinyi lao kyawa minyuo karenge.

Poropepe 6:16

Kamongome bange yanda ipingi nyepo epe kanda napala daa lalu lao lenge. Wambu kandamili kandamili lengepe pii kyambo lengepe wambu koo pii nalyaminyi kingimi pyao kumungipi suu pinginya suu pingi kopetame yulu pipuli lao suu pingipi koo pelana wangu lakapala makando pengepe mendali kando nembo nembo pii minyuo kyambo lakamingipi dee akali mendeme banya puu minyingi dupwa pipya pyakandanyi retengepe dupwana Kamongo doko kando epe kanda nange.

Ekelesiyastisi 11:3

Doko kopa dupwana ipwa malu pisipala dokopa isa yuunya apu epenge. Dee isa mende lakange dokopa wangu paki panda pakirena pao lakao palenge doko mende pii napala isa lakao pelyamuli pyuo pao palenge.

Ekelesiyastisi 12:1

Yuu giipi ee kanape emba rae mai nalyo larene dupwa epapa naramopa emba parange yuu gii lete palu karo dokopa baame emba wasiyamo dokona lao suu pyaro karape.

Daniele 4:27

Dokona lao Emba kiŋi andake doko. Namba dopa pii dapa pii leto dupwa moko minyuo piri. Koo pilini dupwa yaki nyuo kaepala yulu keyange pyuo wambu pendewa dupwa sakame kumuo nyisare. Dopa pirinyi dokopa emba dee kapa palyuo karare, leya.

Matyu 18:22

Leyamopa Yesumi baa dopa lamaiya. Mee yanda ipingi iki daa, yuu akalisa pao akalisa yanda ipingi nyeroko daa, ama malu wakasa koo embapa pipa piramopa nyuo kame sakamyuo karare leto, leya.

Matyu 5:42

Bange mende mee julu joo jipili yaka leyami kande dokopa mee maipwape. Dee, range peyakaro lao jii leyami kande dokopa daa laa nalapape.

Luku 17:4

Baame nakama kando yuu mendaki dokopa yulu koo yanda ipingi nyero pipalape nakama langyuo, Kondapala mona enenge palyuo karapuli lao yanda ipingi nyero polo lapa pira ramo doko mee kame sakamipa pipapeko, leya.

Galasia 6:1

Yangonemoo nakama Imambunya yulu rolae pyuo karaminyi dupwame mendali koo pira ramo doko nyiso lao rolarami. Dopa pyuo lao dokopa anjiki pyuo lao rolarami. Nakama range opetae isa pasarami kando lao karalapape.

Epesasa 5:16

Epapu yuu gii koo epelyamo dokona mee kara napala yulu keyange pepenge dupwa pyuoko karalapape.

Ipuru 13:3

Lapo karapusi palaminyi dupwana nakama dokona mendako ingyuo karo, dee randa ipyamo yaso nelyaminyi dupwana mendako karo lao suu pyao pisipwape.