Dutaronome 9:9 - Anatunya Buku Baepole Ole Testamene Pii Lapo dee Nuu Tesamene

⁹ Namba yuu kyau dokona pulyuo pao kana para lama dolapona Kamongome nakama pipya pii lao kana minyuo pepa pyao palyiyamo doko nyakala peyo. Papala yuu kyau dokona namba kukwa akalisa kisima korakama akalisa kisimako ipwa nengepe mende naa nao kareyo.

Dutaronome 9:9 ပူးပေါင်းရင်းမြစ်များ

1 Kiŋi 19:8

Dokopa Ilainja lenge rapala nenge ipwape duwpa neya. Nenge neyamo dokome baa kapa sikya pyuo poraiyamopa yuu gii akalisa kisima kata pao karo pao yuu kyau poo pyasi Sainai dokona para ingiyamopa peya.

2 Kiŋi 6:22

Baame isingi lao, Daa, leya. Embame yanda singi dupwa yanda pipala winimi pyuo anjo minyaro karene dupwa pyao kuma nare ingilyamo. Dokona lao embame akali dupwa ipwape nengepe lapo nena lao maipala nakamana kiŋi petamo dokona kamba kapu kyuo pena lape, leya.

Ekesetase 24:12

Kamongo dokome Mosese lamaiyuo, Emba yuu kyau namba karo dakena ipupi. Epo kararene dokopa wambu dupwa lowa peparae kapa mana nyerami lao kana para lamana pyao reteyono dolapo jero.

Ekesetase 24:15

Mosese baa yuu kyau Sainai dokona pulyuo peyamo dokopa kopa dokome yambe piya.

Ekesetase 24:18

Kee leyamo dokopa Mosese baa kopa rakapana sukusa dokona pao yuu kyau dokona pulyuo peya. Papala baa yuu kyau dokona yuu gii akalisa kisima dee kukwama akalisa kisimako kareya.

Ekesetase 31:18

Yuu Sainai kyau dokona Kamongome Mosese pii lamaiyuo otapala kana para dolapona baa rangeme mawa pii dupwa pyao palyapala maiya.

Ekesetase 32:1

Mosese baa isa epa nao yuu kyau dokona andarele kareyamopa wambu dupwame kandapala Erone kareyamo dokona sukusa sukusa pyuo epapala dopa lamaiyuo, Namwa Isipi kareyamanopa nyuo lanyuo epeyamo akali Mosese doko epapu apa pilyamo lao soo gisa nalyamano. Dokona mee bange anatu lao mende wasakape. Dokome namwa lanyuo penale, leyami.

Ekesetase 34:28

Dokopa kukwa yuu gii akalisa kisimako korakama yuu gii akalisa kisimako dusipana Mosese baa nenge ipwape naa nao Anatupa role pyao kareyambi. Dokopa baame pii kana minyuo lalu lao lenge mawa pii akalisa dusipa kana para dolapona pyao reteya.

Matyu 4:2

Dokopa baa yuu akalisa kisimape kukwa akalisa kisimape nenge naa nao karapala enakana lopaya.

Galasia 4:24

Doko kongwalu ingyuo mana leya doko silyamano. Enda dolapo nakamba kana minyuo lenge pii lama dopale ingilyamo lao kongwalu palamo. Dokona mende Eka lenge doko yuu kyau Sainai dopalende rangena wane karapusi ingyuo pelyaminyi.

Dutaronome 8:3

Doko baame nakama lopanyi nembeya. Dopa pipalape dokopa enakana baame nakama nenge myana lenge doko nalapa lao jiya. Jiyamo nenge doko nakamape nakamana rora ambasu dupwamepe wamba nakanju nao kanda nange. Baame dopa piyamo dokome nakama mana langyuo, Akali borete iki nao lete kara nange. Anatunya kambunya pii epelyamo dupwa soo lete karenge, leya Kamongome.

Dutaronome 9:11

Kinyi, kukwa akalisa kisima korakama akalisa kisimako dusipa epo papeyamopa pii dupwa lalu lao lao kana minyuo Kamongome kana para lamana pepa pyao palyiyamo dolapo namba jiya.

Dutaronome 9:15

Dokona lao namba kyau dokona karo kapu kyuo dokopa para lamana lalu lao lenge pii pyasi paleyamo dolapo soo lupyuo peyo. Dokopa isare uliyapu doko yuu kyau dokona potemo reya.

Dutaronome 9:18

Dokopa namba Kamongona lenge kambu dokona kambako isa pangu siyunupa kukwa akalisa kisima korakama akalisa kisimako nenge ipwape naa nao kareyo. Doo piyunu doko nakama Kamongona lenge kambu dokona koo pyuo baa imbu singi manjinyi pyambuyaminyisa piyu.

Ipuru 9:4

Urumu dokona rendamu pingi kiso maingi kana pyare golome wasisi dokope dee Anatunya Kana Minyuo Lalu Lao Lenge Pii Palenge Bokote, yanenge ketae dokona golome rambu lao wasisi dokope reteyami. Bokote dokona penge mende golome wasisi dokona nenge myana lenge pyanapala reteyaminyi siya. Dokona Eronena pangali isa dokona isa imbu piya dokopa dee kana lamana mawa pii pyao maiyamo dolapo paleta reto kareyami.