Dutaronome 9:3 - Anatunya Buku Baepole Ole Testamene Pii Lapo dee Nuu Tesamene

³ Dopa piminyipape epapu nakamana Kamongo Anatu dokome isareŋe rao nakamana lenge kambu dorena wambo paramo doko nakama rangeme kandarami. Nakama wambo pao kararaminyipa baame wambu doloma anamasi minyuo karara. Dokona lao baame lalu lao leyamuli pyuo nakamame doloma neta nembo waiya lao pyao kokwa soo nembarami.

Dutaronome 9:3 ပူးပေါင်းရင်းမြစ်များ

Aisaya 33:14

Sayone range wambu dupwa yulu koo pinya wangu lakange pako walu walu lao karo lao, Anatunya kote lao rolenge dokome isare ingyuo rao karalu karara dokona namwa apa pyuo lete kararama?

Maeka 2:13

Anatumi nakamana kata wapwakamyuo karapusi pyao lanyuo peyami doko mokwapala nyisa nyuo nembara. Nakama taone andake kame kambu dowa dupwa pyao lalyapala mee nyisa epo parami. Nakamana kiŋi doko Kamongo Anatu dokome baa range kata lanyuo para.

Matyu 15:10

Wambu malu kareyami dupwa epena lapala Yesumi dopa lamaiya. Kalena sepala soo gisalapape, leto.

Make 7:14

Wambu dupwa baa kareyamo dokona dee kamba epena lapala dopa lamaiya. Nakama peparae nambana pii soo nyelapape.

Orome 8:31

Dopa pyuo silyamo dokona apa laramase? Anatumi namwa tee lapala karara ramo api mendeme namwa randa jerase?

Epesasa 5:17

Kopyali ingyuo kara nalapape. Kamongome nakama pimili lao suu pilyamo dupwana sepala pyuo karalapape.

Dutaronome 4:24

Dokona lao nakamana Kamongo Anatu doko isare uliyapu puu pae lenge dopale dokome baame mendali banya panda mai nange.

Dutaronome 7:16

Nakamana Kamongo Anatu dokome akali rara peparae nakamana porainya renge dokona kingi rakana pyalyakaramo dokopa pyao kokwa soo nembalapape. Nembapala sako kondome kumuo nyisa nalapape. Dokona lao nakamana mee bange anatu lenge dupwa lakandakami nalapape. Dopa pirami ramo doko nakama kumarami.

Dutaronome 7:22

Nakama wambo mee mendele paraminyi dokopa baame rara dapwa kuki lama larapu pyao nyisa nembara. Dopa piramopape nakamame kapa pyuo yuu gii mendakinya peparae pyao kokwa soo nemba narami. Doko daaŋa lapala yuu mendaki pyamili doko mena suwape rae lenge ama malu soo kaeyo dupwa konda konda pyuo epapala nakama pakanyi pyambuo randa jimili.

Dutaronome 9:6

Nakama keyange pyuo karamindena Kamongome yuu keyange amenge pyuo nenge andenge doko nyuo jerande daa. Nakama keyange daa. Nakama mona kana poko karenge wambu ingyuo karaminyi.

2 Tesalonaika 1:8

Wambu Anatu see nangepe Kamongo Yesunya waili pii keyange warombo soo pisa nange dupwape Yesu banya aŋala porai dupwa pipya isare kekenge dokome randa maiyala eparami.

Josua 3:11

Kamongo yuu muu peparaena iso karenge dokona Kana Minyuo Lalu Lao Lenge Pii Palenge Bokote ipwa Jotane yalo wambo soo peyami kande dokopa Kamongo lete karalu karenge doko nakama pipya karapyalyamo lao soo gisarami.

Josua 3:14

Nenge nenge mandenge yuu gii dokopandeme ipwa doko wakasa paleya. Dokopa wambu dupwa komau anda pyuo paleyami yuu doko yaki nyepala ipwa doko keno pena peyami. Peyaminyi dokopa purisi dupwa Kana Minyuo Lalu Lao Lenge Pii Palenge Bokote doko nyepala soo wambo peyami. Dokopa purisi dupwame ipwa dokona moko palyeteyaminyi dokopa ipwa doko soko rali piya.

Jasi 4:14

Dokopa dee Depora baame akali Bereke lamaiyuo leya. Mee pao pilinyili pyuo pupi. Epapu yuu gii Kamongome Sisira baa pyao ralinyi nembalase lao yuu gii jilyamo. Jepala Kamongome emba dopa pii lao kata lasaka pyuo karamo, leya. Dokopa Bereke baa yuu kyau Tapo lenge doko yaki nyuo banya akali taosande akalisa (10,000) dupwa pipya lupyuo peyami.