Dutaronome 9:27 - Anatunya Buku Baepole Ole Testamene Pii Lapo dee Nuu Tesamene

²⁷ Embena kendemande akali Aporakame Aisake Jekopemoope palyuo kareyami dupwa suu pyaro karape. Dopa pipala wambu mona kana poko yulu kopetame pyuo koo pilyaminyi dupwana lao poraiyuo suu pyaa napipi.

Dutaronome 9:27 ပူးပေါင်းရင်းမြစ်များ

Jenesese 19:29

Anatumi wambu pau rulyiŋa dokona paleyami dupwa kokwa sinyi nembo karo Aporakamena lao sakapala Lote kaki rambe rambe paleyamopape yapanyi nembakamiya.

Samu 130:3

Embame namwana koo dupwa peparae bukunya pyao reteeli apimi kumungi renge doko wanjiyalisi?

Ekesetase 13:5

Kamongome nakamana rora ambasupinya wambu dupwa kando Kenane wambupi Iti wambupi Amo wambupi Ipi wambupi Jepusi wambupi dupwa peparaena yuu jero lao kana minyuo lalu lao leya. Dokona lao baame nakama yuu amenge pingi dokona lanyuo eparamo dokopa ee kana peparaena kana mupwa dokona yaka lao nenge dake nao misi lao pipwape.

Ekesetase 3:16

Dokopa Anatumi Mosese lamaiyuo, Emba papala Isaraele akali mupwa dupwa nyuo elyambu pipala nakama dopa lamairi. Namba Kamongo doko nakamana rakane kauwanepena Anatu Aporakamemoo Aisake Jekopemoo dusipana Anatuko doko namba keta epo paneya. Panapala nakama langyala pupwa lapyamo epano. Anatu baame nakama Isipi range dupwame doo pyuo karaminyi doko kando karo lapya lare, leya.

Ekesetase 3:6

Namba embena rakane dusipana Anatuŋu, leya. Leyamo dokonako lao, Aporakamena Anatu Aisakena Anatu Jekopena Anatu dokoŋo leya. Dokopa Mosese Anatu kandalana pakapala banya lenge kambu doko nee piya.

Ekesetase 32:13

Embena kendemande akali Aporakame Aisake Jekopemoo dusipana lao suu pyaro karape. Karo nakama kando embena pii lalu lao lao, Nakamana wane manjiraminyi dupwa kamame wakasa yakena bui dopale ingyuo ando kararami. Nakamana para pyaraminyi dupwame yuu mairu lalu lao leene doko nakamana ingyuo dokona palyuo karalu kararami leene doko suu pyaro karape, leya.

Jeremaya 14:21

Embena lalu lao lenge pii dupwa kame see napala embena kingi dokona reke lao namwa mata joo kaeya napipi. Kiŋinya palyuo karenge yuu Jerusaleme dokona elya renge doko minyuo epa napipi. Embena kana minyuo lalu lao lenge pii porai kandale doko yala napipi.

Dutaronome 9:26

Dokopa nambame ateŋa lao, Kamongo Mupwa Wakasa doko emba rangena wambu embena porainya renge dokome alya minyuo yuu Isipi karo lanyuo epee dupwa pyao kumaka napipi.

Dutaronome 9:28

Wambu dupwa pyalana lao suu pyare ramo dokopa Isipi wambu dupwame kando dopa lao, Embame embena wambu dupwa yuu mairuŋu lalu lao leene dokona minyuo pana yakara pipala nakama kando epe nasepala yuu muiyane dokona nakama pyao kumaro lao lanyuo peelyamo, larami.