Dutaronome 9:12 - Anatunya Buku Baepole Ole Testamene Pii Lapo dee Nuu Tesamene

¹² Pyao jepala dokopa Kamongome namba langyuo, Embena wambu yuu Isipi yaki nyuo lanyuo epee kande dupwame yulu kopetame pyuo nambame yulu pinya lao mawa pii lamaiyunu dupwa kaeyo otapala nakama rangena mee bange anatu doko wasiyami. Dokona lao yuu kyau dokona karo waiya lao lupyuo puu, leya.

Dutaronome 9:12 ပူးပေါင်းရင်းမြစ်များ

Ekesetase 13:3

Moseseme wambu dupwa lamaiyuo, Nakama Isipi karapusi karo neta epeyami kande doko dakepa suu pyalapape. Anatumi banya porai renge dokome nyuo lanyuo epeya kande doko yuu gii dakeŋe. Borete isi pyambwasi doko wasaka pyuo naa nalapape.

Ekesetase 32:1

Mosese baa isa epa nao yuu kyau dokona andarele kareyamopa wambu dupwame kandapala Erone kareyamo dokona sukusa sukusa pyuo epapala dopa lamaiyuo, Namwa Isipi kareyamanopa nyuo lanyuo epeyamo akali Mosese doko epapu apa pilyamo lao soo gisa nalyamano. Dokona mee bange anatu lao mende wasakape. Dokome namwa lanyuo penale, leyami.

Osia 6:4

Kamongome lao, Isaraele Jutape dupwa nambame nakama apa pyuowase? Nakamame namba mona retami doko wamba yangama yangama kopa puu pae lapala waiya lao dusa kata silyandena pengepe dee yangamana pipyae sepala korakama waiya lao mee olo rali pingipi dopale ingyuo pilyamo.

Galasia 1:6

Nakamba Koraisana mona keyange palyuo ipingi dokome kyakale leyamo doo waiyako lao yaki nyepala waili pii wakale mendenako pumisa namba kando yamarangulyu.

Dutaronome 31:29

Kumaparo dokopa wambu dolomame ama koo angingyuo karo nambame nakama pii mana lamaiyuo dupwa kamba lao nembarami doko silyu. Dopa pyuo yuu gii ene eparamo dupwana Kamongome daa lenge dupwa pyuo kararami dokome baa imbwanyi pyambuo randa nyeramilyamo, leya.

Dutaronome 32:5

Dopa pyuo karapyamopape nakamame baa yaki nyuo kaelyaminyi dokona banya wambu angingyuo kapa kara narami ingilyamo. Nakamame yulu koo pyuo minyako pyuo karaminyi.

Dutaronome 4:16

Dokona lao nakamame mee bange anatu lapo akali panda enda yale

Dutaronome 9:16

Dokopa nakamame nakamana Kamongo Anatu dokome mawa pii jiyamo dupwa kamba lao oto banya lenge kambu dorena yulu koo pyuo kana dokome bulamakao kali yale mende anatuŋu lao wasiyami doko namba kandeyo.

Dutaronome 9:26

Dokopa nambame ateŋa lao, Kamongo Mupwa Wakasa doko emba rangena wambu embena porainya renge dokome alya minyuo yuu Isipi karo lanyuo epee dupwa pyao kumaka napipi.

Dutaronome 9:29

Wambu dasipa emba rangena lao rombo palyepala embena porai renge andake dokome yuu Isipi yaki nyuo lanyuo epee kande. Dokona lao embame nakama pyao kokwa soo nemba nare ingilyamo lao ateŋa leyo, leya Moseseme.

Juti 1:10

Leyamopape akali dusipame yulu see nalyaminyi dokona lao giyalya giyana pyuo karaminyi. Mena rae lenge mana keyange nyii nao mee kamenge karenge kata dokona moko minyuo kokwa soo nakama isa pelyaminyi.

Jasi 2:17

Dopa pyuo lita maiyamopape Isaraele wambu dupwame nakamana lita dupwa kando pii soo nyii nayami. Nakama Kamongo kame soo kaepala kyambo anatu dupwana lao iki kingi lakando kareyami. Nakamana rakange akali dupwa Kamongona mawa pii leyamo dupwa warombo soo pyuo kareyaminyipape wane nakamana enako mandeyami dupwa pii see nao kamba lao kareyami. Kareyaminyipape Kamongome lita akali maipapu pyuo kareya. Yuu gii dokopa akali doko Kamongome nyisapapu pyuo kareya.