Dutaronome 8:8 - Anatunya Buku Baepole Ole Testamene Pii Lapo dee Nuu Tesamene

⁸ dee yuu doko nenge witipi balipi isa girapo isa piki isa pomekeranate isa olipi dupwana jingipi amburali ipwangepe singi dokona nakama lanyuo epopyamo.

Dutaronome 8:8 ပူးပေါင်းရင်းမြစ်များ

Jenesese 49:11

Ipwa guunya girapo isa ando karenge dokona mena donge dupwa rae maiyuo anjara. Girapo jingi kingyuo waene wasingi. Kana malu penge ipwange kone pingi dokome komau dupwa nyuo wate pira.

1 Kiŋi 5:11

Dokona Solomoneme nenge witi sikyali taosande lama ama malu dee isa olipi ipwange ama maluko soo kaeyo ee kana yaka lao banya akali dupwa maiyuo nenge pyakamiya.

2 Kiŋi 18:32

Naraminyipa pao kiŋi akali dokome yuu nakamana yale dopale mendenako wangu lakao pisaramopa pisirami. Doko isa girapo eena ipwa waene kapa waso narami dee witi dupwame nenge borete waso narami. Yuu dokona isa olipi andenge dee olipi ipwangepe amburali ipwangepe singi. Nakama baame mawa pii langiramo doko moko minyuo pirami ramo doko nakama kuma nao lete palyuo kararami. Kamongo dokome nakama kyawa lete nyeraŋa lao Esekayame minyako pyuo laa nana.

Aisaya 7:23

Mange dokopa isa girapo puu marange taosande dokona puu wakale wakale manda manjo kana taosandeko nyingi yuu dupwa rano epale soo ikyaikya mamunyipi mau soo kwaeyara, leya.

Jeremaya 2:7

Nambame nakama yuu amenge pingi nenge jingi lyingipi singi dupwana rae maiyuo dee nenge lapo dupwana rae maiyuo pirami lapala nambame nakama lanyuo peyo. Dopa piyunupape nakamame yuu au pyuo narami doko suu pyao nakamame nambana yuu doko lulya ranyi nembo kokwa siyami.

Osia 2:22

Dokopa yuu dokona kenapa isa girapo jingi olipi jingipi dupwa ando lyera.

Osia 2:8

Nambame baa isa olipi ipwangepe ipwa waenepe dee kenapape dupwa baa jiiŋi lao soo gisa nalyamo. Dee kana kulingi golope dupwa minyuo pao mee bange kingi Bealo lenge anatuŋu lao lakandenge dokona lakando karamo dupwa nambameko maiyu.

Maeka 4:4

Wambu peparae manda rao mona seramopa nakama rangena isa girapope pikipi ee repeta palyuo mendena lao paka nao palyuo kararami. Anatu Kamongo Porai Wakasa dokome pii dake lalu lao leya.

Apakuku 3:17

Isa piki dupwa jingi lyii naramopape dee isa girapo jingi dupwa lyii naramopape dee isa olipi dupwana jingi lyii naramopape dee ee dupwa jingi lyuo pii naramopape dee sipisipi dupwa peparae kumuo otaraminyipape dee bulamakao karenge panda dupwa apa seramopape

Jone 6:13

Dokopa borete bali jingi dokome wasisi kingi paki dusipa nao malapala nembeyami dupwa yapo nyuo pisiki minyasi akalisa ipisu lama dusipana paki pyuo simbuo pyoko pyoko leyami.

Jone 6:9

Wane mende dae karamo borete bali jingi dokome wasisi kingi pakipi oma lamape minyilyamo. Wambu ama malu karaminyi doko suu pyao dusipa iki apa pyuo kau lao mairamase? leya.

Dutaronome 32:13

Dopa pipala nakamame yuu kyau singi yuu dupwa isinya leya. Iso karo yuu dupwana ee dupwana nenge andeyamo dupwa nakama neyami. Nakama kana dupwana amburali ipwange lyiyamo kando nyiyami. Dee nakamana isa olipi dupwa kana yuu dupwana mena mena lao andeya.

Dutaronome 32:14

Nakamana mena bulamakao memepe dupwana anju ipwange endange palyuo kareyamopa kamuo nyiyami. Mena bulamakao sipisipi memepe dupwa kameya rondo lasiko minyiyami. Nenge witi elyapepe dee waene ipwange keyange rae mairamili dupwape nao kareyami.

Dutaronome 6:3

Nakama Isaraele wambu dupwame mawa pii dupwa selapape. Sepala warombo soo minyuo pyuo karalapape. Dopa piraminyi dokopa Kamongo namwana rora ambasu dupwana Anatu dokome lalu lao leyamuli pyuo nakama elyape keta piso yulu keyange pyuo bange peparae au pyuo soo puu paramopa rara porai ingyuo karo yuu amenge pingi dokona kapa palyuo kararami.

Dutaronome 8:7

Nakamana Kamongo Anatu dokome yuu keyange amenge pingi dokona nakama minyuo epopyamo. Yuu doko ipwa ponape ipwa guu lengepe dee ipwa isa yuunya palu potemo epapala yuu lama lama dupwanape dee yuu kyau dupwanape ranju epo pengepe

Dutaronome 8:9

Dokona nakama kamame lopome kumuope panda kapa kararamali lao bange nyelana suu pyaraminyi dupwa yangyarande daa. Dopa piramopa yuu dokona kana dupwana kapa palenge. Dee yuu kyau dupwana kone kana dopale mende apu rao nyerami.