Dutaronome 8:7 - Anatunya Buku Baepole Ole Testamene Pii Lapo dee Nuu Tesamene

⁷ Nakamana Kamongo Anatu dokome yuu keyange amenge pingi dokona nakama minyuo epopyamo. Yuu doko ipwa ponape ipwa guu lengepe dee ipwa isa yuunya palu potemo epapala yuu lama lama dupwanape dee yuu kyau dupwanape ranju epo pengepe

Dutaronome 8:7 ပူးပေါင်းရင်းမြစ်များ

Jenesese 49:11

Ipwa guunya girapo isa ando karenge dokona mena donge dupwa rae maiyuo anjara. Girapo jingi kingyuo waene wasingi. Kana malu penge ipwange kone pingi dokome komau dupwa nyuo wate pira.

2 Kiŋi 18:32

Naraminyipa pao kiŋi akali dokome yuu nakamana yale dopale mendenako wangu lakao pisaramopa pisirami. Doko isa girapo eena ipwa waene kapa waso narami dee witi dupwame nenge borete waso narami. Yuu dokona isa olipi andenge dee olipi ipwangepe amburali ipwangepe singi. Nakama baame mawa pii langiramo doko moko minyuo pirami ramo doko nakama kuma nao lete palyuo kararami. Kamongo dokome nakama kyawa lete nyeraŋa lao Esekayame minyako pyuo laa nana.

Samu 104:10

Embame yuu pau lama lama dupwana ipwa guu lanyi pyakamao dee ipwa pona dupwa yuu kyau kuki dupwana piso lupyuo pena leepya.

Ekesetase 3:8

Nambame Isipi range dupwana kiiramo nyisala epelyo. Kiiramo nyepala yuu Isipi yaki nyuo yuu ama keyange andake mendena lanyuo paro. Yuu doko keyange amenge pingi. Dakepa akali rara Kenane rangepe Iti rangepe Amo rangepe Perasi rangepe Ipi rangepe dee Jepusi rangepe dupwa yuu dokona palaminyi, leya.

Aisaya 5:1

Nambana mona retenge dokona suu pyaa. Mona retenge kenane dokome banya girapo ee dokona pyao ranaisa poko pyarowale. Nambana mona dokome banya girapo ee doko yuu mandarena rumbyasi keyange dokona wara pipala karenge

Jeremaya 2:7

Nambame nakama yuu amenge pingi nenge jingi lyingipi singi dupwana rae maiyuo dee nenge lapo dupwana rae maiyuo pirami lapala nambame nakama lanyuo peyo. Dopa piyunupape nakamame yuu au pyuo narami doko suu pyao nakamame nambana yuu doko lulya ranyi nembo kokwa siyami.

Dutaronome 8:6

Dokona lao nakama Kamongome mana langilyamuli pyuo pyuo karalapape. Dee banya mawa pii dupwana letamuli pyuo minyuo palyuo karo baa mupwaŋa lao suu pyao pako karalapape.

Dutaronome 8:8

dee yuu doko nenge witipi balipi isa girapo isa piki isa pomekeranate isa olipi dupwana jingipi amburali ipwangepe singi dokona nakama lanyuo epopyamo.