Dutaronome 8:15 - Anatunya Buku Baepole Ole Testamene Pii Lapo dee Nuu Tesamene

¹⁵ Yuu muiyane andake koo singi kau kyalende popokyalyape singi dokona baame nakama suku suku nyuo lanyuo peya. Yuu yando nasi ipwa epa nange dokona nakamana lao baame kana dokona piso ipwa guu lanyi peya.

Dutaronome 8:15 ပူးပေါင်းရင်းမြစ်များ

Samu 105:41

Baame kana dokona nyuo karalyapala ipwa guu lanyi peyakamiyasa yuu yando nasi dokona ipwapona wasinyuo epo peya.

Aisaya 30:6

Anatunya pii dake yuu muiyane penda penda donorena palenge suwa menape dupwana lao letamo. Gapomane akali nakamana yuu dokona lao yuu wakale dupwana lamaila penge dupwa yuu koo randa singi mena laenepe kau wambu pingipi kau pambeya bii lao pengepe dupwa soo male lenge kata yuupi dokona pelyaminyi. Nakamana mena dongepe mena kamelepe mata dupwana kana malu nembo nyingi bange malu retapala rara dolomame nyisaramiŋi lao mailana lao pelyaminyi. Dopa piraminyipape wambu dupwame nakama angi mende nyisa narami ingilyamo.

Aisaya 35:7

Yuu kee netame kana ingyuo rao alyingi dokona ipwa pete sera. Yuu oo lasi dupwana ipwa renge palyuo guu lara. Yuu koo yana suwa kararope palyuo kareyaminyi dokona maimbupaka pulyuo pyuo karara.

Aisaya 43:19

Nambame yulu enenge lapo piru ingilyamo dokona kandaro karalapape. Doko dakepa lapo pilyamo dupwa nakama angi kandelyaminyi. Namba yuu muiyane dokona kata wapwakaro. Dee dokona ipwa guu lao epena laro.

Jeremaya 2:6

Namba nakama Isipi wambu keta kiiramo nyiyu. Nyepala yuu muiyane nenge pulya nange yuu yando dee dokonape mendali pao pii nange yuu dokona lanyuo peyo. Peyonopape nakamame namba Kamongo dokoŋo lao pyapi pyuo soo kara nayami.

Osia 13:5

Yuu muiyane yando nao oo lasi nenge see nange dokona nambame nakama rapu pyuo kareyo.

Nambase 20:11

Lapala Moseseme banya pangali isa doko minyalyapala yuu lama lao kana dokona piya. Piyamo dokopa ipwa ama soo kaeyo malu mee epeyamopa mena wambupi peparaeme neyami.

Nambase 21:6

Dokopa Kamongome wambu pingi kau lapo nakama keta peyamosa kau dupwame Isaraele wambu malu piyamisa kumuyami.

1 Korina 10:4

Dopako pyuo Anatunya kana nakama role pyao peyamo dokona kana dokona ipwa doko naoko peyami. Kana doko Koraisa baa range.

Dutaronome 32:13

Dopa pipala nakamame yuu kyau singi yuu dupwa isinya leya. Iso karo yuu dupwana ee dupwana nenge andeyamo dupwa nakama neyami. Nakama kana dupwana amburali ipwange lyiyamo kando nyiyami. Dee nakamana isa olipi dupwa kana yuu dupwana mena mena lao andeya.