Dutaronome 8:10 - Anatunya Buku Baepole Ole Testamene Pii Lapo dee Nuu Tesamene

¹⁰ Nenge peparae naramili lao nakama keta sera. Yuu amenge pingi nakamana Kamongo Anatu dokome nakama jiyamo dokona ange lao kararami.

Dutaronome 8:10 ပူးပေါင်းရင်းမြစ်များ

Samu 103:2

Baa anjiki pingi doko kame soo kaeya nao nambana imambu dokome Kamongo baa lakandaro.

Poropepe 3:9

Embena yuu dokona nenge mupwasa manjo nyerene dokome Anatunya kingi lakando kisi mairi.

Aisaya 5:1

Nambana mona retenge dokona suu pyaa. Mona retenge kenane dokome banya girapo ee dokona pyao ranaisa poko pyarowale. Nambana mona dokome banya girapo ee doko yuu mandarena rumbyasi keyange dokona wara pipala karenge

Joele 2:26

Epapu nakama nenge malu seramo napala sikya piramo kararami. Nakamana Kamongo Anatu yulu keyange nakamana lao pyakayamo doko lakandarami. Dokona rara lapome nambana wambu dupwa dee kamba kilya kando laka narami.

Matyu 14:19

Lapala wambu malu mee rukuraka pyuo kareyami dupwa rambi dokona isa petena leya. Lapala borete kingi paki oma lama nyepala yake dulu kandalyo kandapala ange lao ateŋa leya. Ateŋa lapala borete kau lao disaepole dupwa maiyamopa nakamame wambu malu peteyami dupwa mokwa soo maiyami.

Jone 6:23

Dee bote Taipitiasa range lapo epo Kamongo dokome ateŋa leyamopa borete nao peteyaminyi mare dokona repeta epo siyami.

Orome 14:6

Akali mendaki mendeme suu pingi dokona Kamongo dokona reke lalana dokome yuu gii mendaki mupwaŋa lao suu pyao karara. Akali nenge lapo yapo naa nange doko Anatu kingi dokona lao nenge. Doko nao karo dokopa baa kando sangyu lao narasa pira. Akali nenge lapo iki yapo nenge doko Anatu kingi dokona lao nenge. Doko nao karo dokopa baa kando sangyuko lao narasa pira.

1 Korina 10:31

Nakama yulu wakale wakale pyuope ipwa nenge naope dokopa Anatunya kingi dokona lakando pipwape.

Dutaronome 31:20

Nambame nakama yuu amenge pingi nakamana rakange kyawa dupwa kando mairuŋu lao lalu lao leyo dokona lanyuo paro. Paronopa nakamame nenge nalana suu pyaraminyi dupwa kapa nao mona minyarambu mona nyeramo kararami. Dopa piraminyipape namba mata jepala mee bange anatuŋu lao lakandenge dupwa mona nyuo lakando kararami. Nakamame namba epe kanda nao yaki nyepala nambana mawa pii palenge kamba lao nembarami.

Dutaronome 8:9

Dokona nakama kamame lopome kumuope panda kapa kararamali lao bange nyelana suu pyaraminyi dupwa yangyarande daa. Dopa piramopa yuu dokona kana dupwana kapa palenge. Dee yuu kyau dupwana kone kana dopale mende apu rao nyerami.

1 Tesalonaika 5:18

Yulu peparaena lao Anatu kando sangyu lamaiyalapape. Nakama Koraisa Yesupana arapu dokona lete karaminyi dokona Anatumi nakama yulu keyange dopakale pyuo karamili lao suu pilyamo.