Dutaronome 7:9 - Anatunya Buku Baepole Ole Testamene Pii Lapo dee Nuu Tesamene

⁹ Nakamana Kamongo Anatu doko baa iki Anatu. Baame nakama yaki nyii nange. Doko suu pyao karalapape. Wambu para pyasi taosande mendaki (1,000) paraminyi dupwana lapome baa mona retapala banya mawa pii dupwa warombo soo minyuo pyuo kararami dupwa keta banya mona reto karalu karenge renge doko lasaka pyuo banya kana minyuo lalu lao lenge pii doko yaki nyii nao minyaro karara.

Dutaronome 7:9 ပူးပေါင်းရင်းမြစ်များ

Jenesese 17:7

Namba embapa kana minyuo lalu lao lenge pii doko minyaronopa embena enakana manjiri dupwa opetae keta pii doko kulisa ingyuo sulu seramopa dokona nambame nakamana Anatu angingyuo karalu kararoŋo.

Jenesese 28:15

Kando karape. Nambame embapa karapala anja panda parene dupwa minyuo paeyo dee yuu dakena laeyo lanyuo eparo. Dopa pyuo nambame emba yaki nyii nao karo langipu dokona palyapala kaeyaro, leya.

Jenesese 9:15

Dokopa nakama wambupi dee lee renge bangepe dupwa opetaepe ipwa dokome deeko sipurao pyao kumaka nalu naro daaŋa lao nambamoo nakama pipya kana minyiyu kande lao suu pyaro kararo.

1 Kiŋi 8:23

Isaraele wambunya Kamongo Anatu, mendasa yake panda ketaepe isa yuu dakenape Anatu emba yale mende kara nange. Embena wambu dupwame emba kando mona kare kare karo embame larene dupwa pyuo palyuo karo piraminyi dokopa embena kana minyuo lalu lao leene pii doko embena wambu dupwa keta reto karo nakama mona reto karenge.

Niyamaya 1:5

Pisipala dokopa dopa leyo, O Numi Anatu, Emba Kamongo mupwa wakasa ingyuo karene doko namwa pako karamano. Wambu emba kando mona retenge dupwape embena mawa pii yaki nyii nao minyuo pyuo karenge dupwape pipya emba pii lao kana minyuo kinyi lalu lao lenge doko minyaro karene.

Niyamaya 9:32

Anatu, Namwana Anatu doko emba kamame wakasa. Emba ama porainya renge palenge doko wambu soo pako karaminyi. Embena pii lalu lao lao kana minyingi doko emba yaki nyii nange. Asiria kiŋi dupwame namwa piyaminyi yuu gii dokona piso pao epapu dokona namwa randa andake nyuo karamano. Namwana kiŋi dupwape namwana lita dupwape namwana purisi dupwape namwana poropeta dupwape namwana rora ambasu dupwape dee namwana wambu peparaepe randa nyuo kareyami. Dokona namwa randa kuki lama nyiyamape lao suu pyape.

Samu 103:18

Banya kana minyuo lalu lao lenge doko minyaro karengepe dee banya mawa pii yaki nyii nao rape rape lao minyingipi dupwana para pyao nyerami dupwa keta banya keyange renge soo puu pao penge.

Samu 105:8

Banya pii lao kana minyalamo doko leyoŋo lao suupyao karara ingingi. Rengya para pyao puu paramo dupwanape banya lalu lao lenge pii doko ama kame see nao suu pyaro karalu karara.

Ekesetase 20:6

Dopa pirunupape wambu malu mee namba mona retapala nambana mawa pii dusipa minyaro kararaminyi dupwa nambame mona retalu reto retenge.

Aisaya 49:7

Akali mende baa kando yuu liti wakale wakale range dupwame kilya kando awa nao karaminyi doko randa nao karo baa isingi akali mupwana kendemande yulu pyakamyuo karenge akali doko kando Isaraele wambunya Anatu poo pyasi lete wai pyao nyingi dokome dopa pira, letamo. Kiŋi dupwame emba kiiramo epare kandapala nakamame sipurapala rape rape lao kararami. Dee kiŋinya wane dupwame emba kandapala isa pangu soo embena kingi ketae pyambuo lakandarami, lamailyamo. Dopa pyuo para renge doko Kamongo dokome banya kendemande akali doko rombo palyiya. Isaraele wambunya Anatu poo pyasi doko banya pii lalu lao lapala kaeya nange

Daniele 9:4

Nambana wambu dupwana koo dupwa kame sakaminya lao nambana Kamongo Anatu kando ateŋa lakamiyu. Nambame lao, Kamongo Anatu emba kamame andake. Namwame emba ketae pyambuo rape rape lao lakando karamano. Emba embena kana minyuo lalu lao lenge pii doko suu pyao minyaro karenge. Dee wambu lapome emba mona reto embame pii lengenyili pyuo pingi dupwa embame mona retalu reto retenge.

Nambase 14:18

Namba Kamongo, doko waiya lao imbwa nao wambu dupwa ama mona reto yaki nyii nao koo pyuo mata jilyaminyipape kame sakamingi. Nakamana endangi rakangepe koo pingi dokona nambame ikinyipi wanengepe apusingi kauwangepe dupwa koo keta palyuo pyao randa mairu. Randa maiyuo nakamame para pyao wane manjo manjo paraminyi dupwa randa maiyuo piru, lee.

Orome 8:28

Yuu peparae Anatu baa mona retenge wambu dupwa pipya yulu dupwana peparae keyange inginyi pyambuo pingi doko silyamano. Nakama banya yulu pirami lao kyakale leyamo wambu dupwa pipya dopa pyuo pingi.

1 Korina 1:9

Anatumi banya Ikinyingi Yesu Koraisa namwana Kamongo dokona lao yalya kando nyuo rombo palyiya doko baa rolae ingingi lao silyamano.

1 Korina 10:3

Nakama peparae Anatu nenge maiyamo neyami.

1 Korina 8:3

Dopa pilyamo dokona mendeme Anatu mona retelyamo doko Anatu baa silyamo.

2 Korina 1:18

Anatu kyambo laa nange doko suu pyao nambana pii doko kinyiko leto. Namba kana minyuo pii lenge doko waa laope daa laope laparae yuu gii mendakipa laa nange.

Dutaronome 32:39

Namba doko iki Anatu ingyuo karo. Wakale dupwa Anatu angi mende daa. Nambame pyao kumasepala dee lete renge maingi. Nambame wambu pyao ranjama nyepala dee pyuo nyingi. Nambame pilyunu dupwa mendeme yanda pimwaiyarami ingya nange.

Dutaronome 32:4

Kamongo baa nakamana kyawa minyuo iso karenge ama porai wakasa. Baame yulu peparae dupwana mende kyai pii nao rolae iki pingi. Nakamana Anatu baa alowa pii nao kinyi angi dokona palyuo karenge. Baame rolae ingyuo karo wambu peparae keta kapa kapa pingi.

Dutaronome 4:35

Yulu andake dopale dupwa pipala Kamongo dokome nakama lasaka pyuo baa iki Anatuŋu. Mende kara nange lao piya.

Dutaronome 4:39

Yake pandape isa yuupi peparaena Kamongo baa Anatu. Anatu wakale mende kara nange dokona lao epapu yuu gii dakepa suu pyao karo kame see nalu nalapape.

1 Tesalonaika 5:24

Dopa pyuo nakama kee letamo doko baa kaeya napala letamuli pyuo pira.

2 Tesalonaika 3:3

Kamongo Yesu baa kapa ingingi dokome nakama porainyi pyambuo Sataneme nakama keta koo mende pii nana lao kyawa minyuo karara.

2 Timoti 2:13

Namwame banya yulu au pyuo rape rape lao pii nao karamanopape baame namwa yaki nyii nara. Baa rolae dupwa renge kuiyuo pyuo karenge dokome alowa pipala kopetame pira ingya nalyamo.

Ipuru 10:23

Yesu epapala elyape keta palyara lao karamano suu pingi doko manjo karamana. Anatu lao kaeyamo dokona dee alowa pii nara doko soo gisilyamano.

Ipuru 11:11

Anatu leyamuli pyuo pira lao suu piyasa enda Sera emo kaeyasi doko keta wane ingiya.

Ipuru 6:18

Anatu alowa pipala mende pyuo laa nange dokome yuu lamasa lao kingi ketae nembo leyamo dolapona suu pyao alowa pii nara. Renge dolapome namwa Anatu keta pao pyama lyiyama dupwa porainyi pyambwaramopa kyawa lete nyeraŋa lao mona kare kare karamano.

Jemesa 1:12

Mendeme randa eparamopa mee kalyinyi pyambuo kararamo doko baa rae maiyuo para. Baa keta makande pingi wakale wakale eparamopa mee kalyinyi pyambuo karara dokopa Anatumi baa mona retenge wambu dupwa keta kyakana renge mairu lalu lao leya doko nyera.

1 Jone 1:9

Namwana koo dupwa Anatu keta polo lamairama ramo dokopa baame namwa yaki nyii nao kyawa minyuo yulu rolo pyuo karenge dokome namwana koo dupwa nyuo kame sakao ukiaki minyingi dupwa pyuo elya pyuo nyakara.

Jasi 2:1

Kamongona aŋala doko yuu Gilikale piso pao yuu Bokimi dokona peya. Papala baame Isaraele wambu dupwa lamaiyuo, Nambame nakama nyepala yuu Isipi doko yaki nyuo nakama lanyuo pao yuu nambame kana minyuo kinyi lalu lao nakamana kauwange dupwa kando leyono dokona lanyuo epeyo. Dokona nambame nakama kando pii kana minyuo leyo dokona dee lili pii naro, leya.

Jasi 5:31

O Kamongo, embena nyisu petenge dupwa dopale ingyuo kumunya. Dopa piraminyipape embena puu minyingi dupwa neta potemo epo rao karenge doko suu pyao karena. Dee yuu palu kareyami dokona ee kana akalisa kisima dusipana manda rengepe mona kyuu lao singi rengepe siya.