Dutaronome 7:24 - Anatunya Buku Baepole Ole Testamene Pii Lapo dee Nuu Tesamene

²⁴ Dokopa baame wambu dupwana kiŋi dupwa nakamana porai dokona kingi rakana palyakaramopa nakamame pyao kumakarami. Dopa piraminyipa wambu dupwame kiŋi dupwa kame serami. Dokopa wambu mendeme kaeyalapa lao nakama minyuo nyii naraminyipa nakamame wambu peparae pyao kokwa soo nembarami.

Dutaronome 7:24 ပူးပေါင်းရင်းမြစ်များ

Ekesetase 17:14

Dokopa Kamongome Mosese lamaiyuo lao, Wambu dupwame suu pyaramiŋi lao dopa pyuo Amaleke wambu pyao anamasi minyiyamaŋa lao arome pyaramiŋi sinju pii pyao retape. Dee Josua lamaiyuo, Nambame Amaleke wambu dupwa kingi see nana lao pyao nembalu nembo nembaro lapya lape, leya.

Aisaya 54:17

Dopa pyuo piyunu kaku dokona mendeme emba keta yalya nara lyakande. Emba koo keta palyuo larami dupwa lao rolakamyuo karare. Nambana kendemande dupwa arapunya palyuo reto kararonopa nakamana yanda pimwai anamasi minyuo kararami, pii doko Kamongome letamo.

Orome 8:37

Dupwana mona nemba namanale. Dupwa peparae Yesu namwa mona reteyamo doko keta nyuo anamasi minyuo kaeyama.

1 Korina 15:57

Dopa piramopape Anatumi namwana Kamongo Yesu Koraisa keta namwame kumungi renge nyuo anamasi minyarami lao porainya renge jilyamo dokona Anatu ange lao karamana.

Dutaronome 9:14

Wambu mendeme nakama suu pyaa naramiŋi lao nambame wambu dupwa pyao kumakalana lao pilyu. Dokona embame namba pyaa napipi lao kata rokwa nare. Dopa pirunu dokopa nambame emba wambu rara ama andake porai dupwana rakange kyawa ingyuo kara, laro. Wambu dupwame doloma pipya isa palyarami ingilyamo, leya.

Dutaronome 9:3

Dopa piminyipape epapu nakamana Kamongo Anatu dokome isareŋe rao nakamana lenge kambu dorena wambo paramo doko nakama rangeme kandarami. Nakama wambo pao kararaminyipa baame wambu doloma anamasi minyuo karara. Dokona lao baame lalu lao leyamuli pyuo nakamame doloma neta nembo waiya lao pyao kokwa soo nembarami.

Josua 1:5

Josua emba lete kararene yuu gii dusipana mendemepe emba nyuo isa palyuo wini pira ingya nalyamo. Namba Mosese keta pyakamyuo kareyonoli pyuo emba keta dopako pyakao kararo. Dee yuu peparae namba emba role karo emba yaki nyuo kaeyaronde daa.

Josua 10:8

Peyaminyi dokopa Kamongome Josua lamaiyuo, Ama paka napipi. Wambu dupwana mendeme emba pyao isa palya narami. Nambana porainya renge dokome embame wambu dupwa nyuo anamasi minyare, leya.

Josua 6:2

Dokopa Kamongo dokome Josua lamaiyuo, Nambame yuu Jerekope dokona kiŋipi yanda singi porai karaminyi dupwape emba keta retelyo.