Dutaronome 7:18 - Anatunya Buku Baepole Ole Testamene Pii Lapo dee Nuu Tesamene

¹⁸ Dopa pipala wambu dupwa kando paka nalapape. Kamongo nakamana Anatu dokome yuu Isipi kiŋi dokope dee banya wambu dupwape peparae kando yulu mende pyakamiyamo doko nakama suu pyalapape.

Dutaronome 7:18 ပူးပေါင်းရင်းမြစ်များ

Samu 105:5

Nakama banya kendemande Aporakamena para pyao nyisi dupwa karaminyi. Nakama Jekope Anatumi rombo palyiyamo dokona para pyao nyiyamo dupwakaraminyiko. Dokona Anatunya yulu keyange pyuo wambumi pii nange yulu piyamopape kote rolae leyamopape dupwana doko mende kande lao suu pyao karalapape.

Dutaronome 31:5

Kamongome yanda pyao rakae selapa lao nyiso porainya renge jeramopa wambu doloma pyao anamasi minyaramiŋi. Nambame wambu doloma kando pipwa lao langiyunuli pyuo pirami ingilyamo.

Dutaronome 31:6

Nakama kando poraiyuo karo wambu doloma kandapala pyuku lao paka nalapape. Nakamana Kamongo Anatu baa rangeme nakama pipya role karara. Baame nakama yaki nyuo kaeya nara, Moseseme leya.

Jasi 6:13

Dokopa Gitioneme baa lamaiyuo, Namba pii mende piso sipuli leto. Kamongo doko namwa keta role pyao karara ramo doko akipamo yulu dupwa namwa keta pilyase? Yulu ama keyange wakasa Kamongo dokome pingi dupwa apa pilyase? Baame yuu Isipi dokona piso nyuo lanyuo epeyamo doko namwana rakane dupwame dopa pyuo epeyama lao langiyami. Kamongo dokome namwa kame soo kaepala Mitiane wambu dupwa keta yaki nyuo pyambuya.