Dutaronome 7:10 - Anatunya Buku Baepole Ole Testamene Pii Lapo dee Nuu Tesamene

¹⁰ Dopa piramopape wambu lapome baa epe kanda naraminyi dupwa malisa nao randa maira.

Dutaronome 7:10 ပူးပေါင်းရင်းမြစ်များ

Ekesetase 20:5

Namba nakamana Kamongo Anatu. Wakale mendeme nambana panda nyinya lao maiya nange. Dokona lao mee bange anatu angi daa dupwana ponga napala kingi ketae pyambuo lakanda nalapape. Wambu mendeme namba awa nara ramo dokopa nakamana para pyaraminyi dupwame manjo jingi para pyao paraminyipa rema panda kisima ingyuo manjiraminyi dusipana mende keta randa mairu.

Ekesetase 34:7

Nambame nakamana para pyasi dupwana mendeme mende manjipa pyuo penge ama malu soo kaeyo dupwa keta lalu lao leyonde pyuo pyuo koo pingi peparae kame sakamyuo karenge. Dopa pirunupape endangi rakangepe koo piraminyi dokona palyuo nambame nakamana ikinyingi wanengepe apusingipi kauwangepe dee dupwana para pyasi wambu rara lama manjiraminyi dupwape randa malisa nao mairu.

Nambase 10:35

Piyamo dokopa Kamongona Kana Minyuo Lalu Lao Lenge Pii Palenge Bokote doko soo panya kata nyuo peyaminyi dokopa Moseseme lao, Kamongo emba sipurape. Embena yanda pimwai dupwape dee wambu lapome emba kando awa nao epe kanda nao kareyami kande dupwa ralinyi nemba, leya.

Nambase 14:18

Namba Kamongo, doko waiya lao imbwa nao wambu dupwa ama mona reto yaki nyii nao koo pyuo mata jilyaminyipape kame sakamingi. Nakamana endangi rakangepe koo pingi dokona nambame ikinyipi wanengepe apusingi kauwangepe dupwa koo keta palyuo pyao randa mairu. Randa maiyuo nakamame para pyao wane manjo manjo paraminyi dupwa randa maiyuo piru, lee.

Orome 12:19

O yangonemoo nakama kando koo piyami kande dokopa isingi pii nalapape. Nakamame pirami doko suu pyao Anatunya imbu singi nakama keta palenale. Pii poo pyasi dokona lao dokopa, Nambame isingi pyakaro, nambame bakeme pyuo isingi pyakaro lao Kamongome letamo lao pyasi palamo.

Dutaronome 32:25

Yanda andake sipurarasa wambu dupwa kata barete dupwana pyasi serami. Anda dupwana yamarangusi sepala kumarami. Dopa piramo dokopa mapwae parangepe dupwa kumarami. Wane nyaŋa dee alemope peparae popo paa nao kumarami.

Dutaronome 32:35

Kamongome koo pirami dupwana bakeme pyuo isingi pyakamira Yuu gii nakama randa narami doko repeta ipyamo pilyamo. Dokopa isa paomene.

Dutaronome 32:41

Nambana yanda pingi wua gela doko nanga sepala rolae pyuo nambame yanda pimwai pipya koo dupwana yano nyuo dee nambapa epe kanda narami dupwa pipya randa mairu ingilyamo.

Dutaronome 7:11

Dokona lao nakama mana langiyaminyi pii dupwa warombo soo karalapape. Dopa pyuo karo dokopa epapu nambame mawa pii jilyu dupwa peparae rape rape lao minyuo karalapape.

Dutaronome 7:9

Nakamana Kamongo Anatu doko baa iki Anatu. Baame nakama yaki nyii nange. Doko suu pyao karalapape. Wambu para pyasi taosande mendaki (1,000) paraminyi dupwana lapome baa mona retapala banya mawa pii dupwa warombo soo minyuo pyuo kararami dupwa keta banya mona reto karalu karenge renge doko lasaka pyuo banya kana minyuo lalu lao lenge pii doko yaki nyii nao minyaro karara.