Dutaronome 4:6 - Anatunya Buku Baepole Ole Testamene Pii Lapo dee Nuu Tesamene

⁶ Nakamame lowa dupwa poraiyuo minyuo warombo soo karalu kararami ramo dokopa wambu rara wakale dupwame nakamana mona palenge renge doko kandarami. Wambu dupwame lowa pii peparae dapwana sepala dokopa nakamame lao, Wambu dapwa mona palenge rengepe soo nyingi rengepe palyuo simbwapyamo rara andake ingyuo karaminyi lao larami.

Dutaronome 4:6 ပူးပေါင်းရင်းမြစ်များ

Samu 19:7

Kamongona mawa pii dupwa nyisu yakunaipi pisa nao singi dokome wambu enenge ingyuo porai renge maingi. Kamongona mawa pii dupwa soo nyepala karapenge ingilyamo dokome yangilyamo karelyaminyi wambu dupwa singinya renge maingi.

Samu 19:8

Kamongona mawa pii dupwa rolae ingyuo penge. Mendeme dokona soo rape rape lao minyaraminyi dupwa rae maiyuo parami. Banya mawa pii pinya lao lenge dupwa angi dokona lenge dokome soo nyingi renge maingi.

Poropepe 1:4

Dokonako ingyuo sepa narami dupwame mana pii palamo dokona mana nyepala kendepuli ingyuo pirami. Dee wanyane akali dupwame mana nyepala dopa pipengelelyamo lao range koto nyuo pirami.

Poropepe 1:5

Dopa pyuo pii palamo dakena mana nyeraminyi dokome mona palenge soo nyingi akali dupwame kamame soo londaraminyipa mana nyisi wambu dupwa dee konda pyuo soo mana nyerami.

Poropepe 1:7

Wambo Kamongo baa andakeŋe lao suu pyapala dokopa nakama soo nyerami ingilyamo. Dee mona angi pali nange wambu dupwame mona palenge soo nyingi wambu dupwa meeŋe lao nyuo mambunya palyarami dokome mana nyii naramalyamo lao suu pyao karenge.

Aisaya 42:21

Kamongo Anatu baame wambu kyawa lete nyelana suu pyao mona nyilyamo. Dokona lao banya mana piipi mawa piipi dupwa ketae nembo banya wambu dupwame rape rape lamili lao suu piya.

Daniele 1:20

Dokopa kiŋi dokome piso singi pii mendepe dee randa mendepe sipureyamopa mali mali sakangepe nemonga lenge dupwape nyuo isa palyuo wane parange dusipame kamame ulipili ingyuo renge dupwana konda pyuo soo nyuo lao kareyami.

Daniele 4:9

Nambame baa kando lao, Beletesasa, akali mali mali sakange dupwana mupwa doko Anatu Poo Pyasi dokona imambu doko emba keta karamo doko namba emba silyu. Dokona emba kongwalu pii peparae dupwana emba silini dokona nambana kombeya pipunu doko dakeŋe. Renge aki lao namba langipi, leyo.

Malakae 3:12

Dokopa nakamana yuu doko keyange dokona palirami dokome wambu yuu muu dupwana peparaeme nakama kando nakama rae mailyaminyi, larami.

Dutaronome 32:46

dokopa baame lao, Nakama epapu mawa pii dapwa peparae langilyu dupwa warombo soo minyuo pyuo karamape lao kandokondali pyuo karalapape. Dopako pyuo nakamana wanenge ikinyingipi dupwame Anatunya mana pii peparae yaki nyii nao rape rape lao minyarami lao nakamame nakama kamba lamaiyuo lamaiyuo pirami.

Dutaronome 32:47

Mana pii dapwa mee pii yeelyo ingya nalyamo. Pii dupwame nakama palyuo kararami dokopa pingi pyaramo kararami ingilyamo. Dokona pii dupwa warombo soo rape rape lao minyuo karapala nakama ipwa Jotane yalo yuu nyuo palya panya pilyaminyi dokona yuu gii malu palyuo kararami ingilyamo, leya.

2 Timoti 3:15

Emba wamba wane dokopa buku Baepole pii poo pyasi doko mana nyii kande. Pii dokome emba singinya renge joo Koraisa Yesu kapa ingingi lao suu pyarenepa lete wai pyao nyera.

Jemesa 3:13

Akali mende angi mona palenge kareya kande doko baa pau lao mona palenge ingyuo yulu keyange pira. Piramo dokome wambu dupwa baa mona palengelamo lao soo gisarami.