Dutaronome 4:36 - Anatunya Buku Baepole Ole Testamene Pii Lapo dee Nuu Tesamene

³⁶ Baame nakama mana langiru lao banya pii yake panda piso selapape lao piya. Isa yuu dakena banya isare poo pyasi kandalapa lao dokona rakapana pii langyuo piya.

Dutaronome 4:36 ပူးပေါင်းရင်းမြစ်များ

Niyamaya 9:13

Yake dokona karo epo yuu Sainai kyau dokona embena wambu dupwa pii lamaii. Mawa pii keyange dupwa maiyuo mana pii rolae dupwa lamaiyuo pii.

Ekesetase 19:18

Kareyaminyi dokopa Kamongo doko isare piso yuu kyau manda Sainai dokona epeyamosa yuu kyau doko sukwa dokome yambe pyao oteya. Poo kisilyaminyipa isare sukwa pulyuo penge dopale ingyuo sukwa doko pulyuo peya. Peyamo dokopa wambu dupwa peparae pakame kumuo walu walu lao kareyami.

Ekesetase 19:19

Bikuli pii andake lao ama ketae palyuo uliuli leyamo dokopa Moseseme pii leyamopa Anatumi yuu gala role pyapeta banya pii isingi leya.

Ekesetase 19:9

Dokopa Kamongo dokome Mosese lamaiyuo, Namba kopa romende rakapana piso emba keta eparo. Epapala wambu dupwa kapa serami lao emba pii langiru. Renge dokona lao wambu dupwame yuu peparae kinyi lapilyamo lao soo nyerami, leya. Leyamo dokopa wambu dupwana pii isingi leyaminyi doko Moseseme Kamongo baa lamaiya.

Ekesetase 24:16

Kamongona lepo lepo pyuo yanga paupau lenge doko yuu Sainai kyau dokona isa epeya. Epeyamo doko Isaraele wambu dupwame Kamongona yanga paupau lenge doko isare dopale ingyuo yuu kyau dokona rao kareyamo kandeyami. Dokopa yuu gii pakinyamange kopa dokome yuu kyau doko yambe pyaro karalu kareya. Kareyamopa yuu gii yanda ipingi nyepo dokona kopa rakapana sukusa Kamongo dokome Mosese lao kee leya.

Dutaronome 4:12

Kamongo dokome isare rakapana pii leya. Dopa pyuo pii leyamo doko siyamanopape baa angi kata mendenape kanda nayama lao nakama lamairami.

Dutaronome 4:15

Yuu Sainai kyau dokona karo isare rakapana Kamongome nakama pii langiyamo dokopa nakamame yongo lenge kambupi mende kanda nayami.

Dutaronome 4:33

Anatumi isare rakapana piso nakama pii langiyamo doko sepala dokona mee lete kareyami doko suu pyao wambu wakale lapo dopa pyuo nakamana mee bange anatunya pii sepala lete karamisi?

Dutaronome 8:5

Dokona rakange dupwame nakamana wane wanakepe dupwa mana lao pyalana pyuo rolenge dopale ingyuo nakamana Kamongo Anatu dokome nakama randa joo sukundi ingyuo kiso rolo mana langingi doko suu pyalapape.

Ipuru 12:18

Isaraele wambu yuu kyau Sainai kando kareyami dokopa yuu iminjo kotoro lao, yuu gono lao apu andake epo isare koomange nao reyamo kandeyami.

Ipuru 12:25

Anatumi yuu kyau Sainai dokona epo repe repe pii lamaiyamopa ayemba suu pipala kareyami dupwa kata koo wanjarami ingya nayami. Doko suu pyao namwa pii yake panda rae dupwa ayemba suu pipala see narama ramo doko kata mende sipyandena paramande daa lyakande. Doko doŋo ayemba suu pipala see nasaramano yako lao suu pyao karalapape.