Dutaronome 4:35 - Anatunya Buku Baepole Ole Testamene Pii Lapo dee Nuu Tesamene

³⁵ Yulu andake dopale dupwa pipala Kamongo dokome nakama lasaka pyuo baa iki Anatuŋu. Mende kara nange lao piya.

Dutaronome 4:35 ပူးပေါင်းရင်းမြစ်များ

2 Samyuele 22:32

Kamongo baa iki doko Anatu. Dee Anatu baako nambwana nee isa ingyaro karamo.

2 Samyuele 7:22

Emba ama ketaele, Kamongo Mupwa Andake Wakasa doko. Emba yale mendali kara nange. Namwame yuu peparae emba iki Anatu karenge lao soo nyilyamano.

1 Kiŋi 8:60

Dokona lao wambu rara yuu muu dupwana peparaeme Kamongo baa iki doko Anatu. Dee dokona mendali daa lao soo nyinyale.

2 Kiŋi 19:19

Dokona epapu Kamongo namwana Anatu Asiria wambu dupwa pipya namwa kyawa lete nyuo nyisape. Dokona lao yuu muu dupwana wambu rara palaminyi dupwame peparae Kamongo emba iki Anatu lao soo nyinyale, leya.

Samu 100:3

Kamongo doko Anatuŋu lao kame see nalapape. Baame namwa wasiya dokona namwa banya wambu ingilyamo. Namwa banya sipisipi dopale.

Ekesetase 15:11

Kamongo, anatuŋu lenge dupwana mende emba yalese? Api mupwa wakasa poo pyasi emba yalese? Api emba yalendeme yulu wambumi kapa pii nange dupwa pyuo yulu pakaramili porai dupwa pyuo pirase?

Ekesetase 8:10

Kiŋi dokome isingi lao, Rakya embame nambana lao ateŋa lakare, leya. Leyamo dokopa Moseseme lao, Emba piso silinyili pyuo piru. Pirunu dokopa anatu wakale mende Kamongo namwana Anatu dopakale daa lao soo gisare.

Ekesetase 8:6

Leyamo dokopa Eroneme banya pangali isa doko ipwa peparaena ketae palyuo minyalyiyamo dokopa mungi dupwa ketae epapala yuu dupwa minyarambu nyiya.

Ekesetase 9:14

Yuu gii dakepa randa dake embena yulu pingi akali mupwa dupwape embena wambu dupwape keta iki eparande daa. Emba keta opetaeko epara. Eparamo dokopa yuu muu peparaena namba yale mende kara nange doko soo gisare.

Aisaya 43:10

Isaraele wambu dupwa nakama nambana usinisi lakarami. Namba nakamame soo nyuo suu pyao dee namba Anatu mendaki iki lao serami lao nambame nakama nambana kendemande wambu ingyuo rombo palyiyu. Namba iki Anatu karo. Anatu wakale mende kara nalyamo. Dokonako ingyuo wamba mende kara nange. Dee rengyape mende kara narako.

Aisaya 44:6

Kamongo baame Isaraele wambu dupwa iso kyawa minyuo karenge doko Kamongo Porai Wakasa dokome pii dake palipyasa lalana letamo. Kama wambowana nambako kareyo doko lumwa pyuo dokopa namba kararoko. Anatu mende mendasa kara nange. Anatu doko nambako iki karenge.

Aisaya 44:8

Nambana wambu dupwa nakama paka nalapape. Wamba kanda soo dokona piso pao dakepape rengya nyera dorena polo lenge kandapi dokona nakama nambame dopa pyuo lengeŋe lao usinisi lakarami ingilyamo. Anatu mende wakale karase? Anatu mende wakale porai renge palengende kararamo sepa nayonde ramo kandena.

Aisaya 45:18

Kamongo dokome yake doko wasiya. Doko baa ikiko Anatu karamo. Baame yuu doko see nayamopa pyuo ingiya. Baame kandokondali pyuo wasapala sulu seraŋa lao piya. Baame yuu muiyane penda penda ingyuo mee soo paraŋa lao wasiyande daa. Yuu doko wambu paliramiŋi lao piya. Dopa pyuo wasiya dokome lao, Namba doko Kamongo. Dokona Anatu wakale mende kara nange lao letamo.

Aisaya 45:22

Dakepa yuu muu peparaena wambu palaminyi dupwa nakama namba keta kapu kyuo epapala range kyawa lete nyelapape. Anatu doko iki namba karo.

Aisaya 45:5

Namba iki Kamongo. Anatu wakale mende kara nange. Embame namba soo nyii napinyipape nambame emba yano piramo kararene dokopa porai renge jero.

Make 12:29

Leyamo dokopa Yesu isingi leya. Mawa pii dupwana mawa pii mupwa dake, Isaraele wambu dupwa selapa letamo. Namwana Kamongo Anatu baa yeelyo angingyuo karamo.

Make 12:32

Dokopa Sekeraepo dokome baa lamaiya. Mana Lenge, emba kinyi lene. Anatu baa iki Kamongo ingyuo karamo, mendali kara nalyamo dokona kinyi letene.

1 Korina 8:4

Dokona lao kingimi wasisi dupwana suu pyao nenge kiso maingi dokona lao langilyu. Dokona angi renge mende pali nalyamo lao silyamano. Namwa silyamano doko Anatu mendaki karamo.

1 Korina 8:6

Laraminyipape namwana Anatu mendaki doko iki Rakange. Baame bange peparae wasapala namwa pyuo ingiya. Dee namwana Kamongo mendaki doko iki Yesu Koraisa. Baame bange peparae wasapala namwa pyuo ingiya.

Dutaronome 32:12

Yuu liti wakale dupwana mee bangeme wasisi anatu dupwana mendeme nyisa naya. Kamongo baame iki banya wambu dupwa laminyuo peya.

Dutaronome 32:23

Nambame nakama keta randa maiyuo karalu kararo dokopa nakama pipya pimwaiyuo nambana wanga walakape peparaeme minyuo pyaro.

Dutaronome 32:39

Namba doko iki Anatu ingyuo karo. Wakale dupwa Anatu angi mende daa. Nambame pyao kumasepala dee lete renge maingi. Nambame wambu pyao ranjama nyepala dee pyuo nyingi. Nambame pilyunu dupwa mendeme yanda pimwaiyarami ingya nange.

Dutaronome 33:26

Isaraele wambu dupwa selapape. Anatu mende nakamana Anatu kamame andake neta renge dokome yake dorena piso oko soo epo dee kopa rakapana dokona piso nakama nyisala epenge kandale dopale mende kara nalyamo.

Dutaronome 4:39

Yake pandape isa yuupi peparaena Kamongo baa Anatu. Anatu wakale mende kara nange dokona lao epapu yuu gii dakepa suu pyao karo kame see nalu nalapape.

Dutaronome 6:4

Isaraele wambu dupwa dake poraiyuo suu pyao karalapape. Namwana Kamongo Anatu baa yeelyo angingyuo karamo.

Dutaronome 7:9

Nakamana Kamongo Anatu doko baa iki Anatu. Baame nakama yaki nyii nange. Doko suu pyao karalapape. Wambu para pyasi taosande mendaki (1,000) paraminyi dupwana lapome baa mona retapala banya mawa pii dupwa warombo soo minyuo pyuo kararami dupwa keta banya mona reto karalu karenge renge doko lasaka pyuo banya kana minyuo lalu lao lenge pii doko yaki nyii nao minyaro karara.

1 Samyuele 2:2

Mendali Kamongo poo pyasi dopale ingyuo kara nalyamo. Mendali Kamongo dokopa manda manjo karande daa. Anatu baa namwana konambena mendeke ingyuo karamo dopale ingyuo karande daa.